2 Kol 4:6 - Musamu Wamubwete 2013

⁶ Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

2 Kol 4:6 Referans Kwoze

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.

2 Pet 1:19

Na beetu turi na maampu ma mbikululu mabvuriri nsiitu. Beenu luri mu kuyirikaa bwabubwe mu kusa madyeele mu mo, bunu mu mwiinda wukoohaanaa buungi ha kibeendu kya mampimbisi, natee kukya bwiisi, na kupalila mbwetete ya kipari mu mitima myeenu.

Mukaanda kuri bari Efeso 5:8

Mu ntaangu yayikulu beenu lwaba mampimbisi; mu lumalu beenu lweki buungi mu Mfumu. Yendee lwedyaatila bunu baala ba buungi.

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

2 Kol 3:18

Beetu-banso bari busu bwahele kufuka nsaanda, nkeembu ya Mfumu yiri mu kuseme mu beetu, bunu ti mu lumweenye, mu kifwaani kikyo turi twakituka mu nkeembu na nkeembu, mu Mfumu wuri Mpeeve.

Musamu wamubwete watina Yowane 11:40

Yesu waleele kuri nde ti: «Buri me nsii kuleelaa ko ti, mbuti ye siiri kanyi, lo ye sa wamono nkeembu Nzaambi?»

Mukaanda kuri bari Kolosayi 1:15

Kiristo ngo kidzisi kya Nzaambi wuri bamumonaa ko. Nde ngo watete wabutuka mu biyiriki byobinso,

Mukaanda kuri bari Efeso 1:17

mpisi heki Nzaambi ya Mfumu yeetu Yesu Kiristo, Taayi dya nkeembu, kaluha mpeeve ya madyeele na ya nyabusulu, mu kuyaaba nde.

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

1 Pet 1:12

Babayaabisa kuri ti, dyaambu di baba kwesalilaana dyaba diri dya bo-meene ko, ngo dya beenu. Na mu lumalu bayikisi ba Musamu Wamubwete bamwaluyaabisa dyo, mu Mpeeve Yangisi yafumuna ku yulu. Bambasi se batiiri kuyaaba dyaambu didyo.

Mukaanda kuri bari Filipo 2:6

Nde wuri bu kaba mu kinzeri kya Nzaambi, kasii saka kuba nsiisa na Nzaambi ko.

Musamu wamubwete watina Yowane 12:41

Esaya waleele bubwo, bukuri nde wamwiini munkeembu Yesu, na wadzoonsolo mu ntoono nde.

Musamu wamubwete watina Luka 10:22

Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

1 Kol 12:8

Mukwongo, kuri wamosi Mpeeve waha maampu ma madyeele, kuri wakaka maampu ma nyaabulu bu tiiri Mpeeve yiniyo,

2 Kol 2:10

Beenu lusiilaa muutu mpemisi, lo me se nyimusiriri mpemisi; mukwongo, mpemisi ngo yiri me nyasa, na mbuti nyasiila muutu mpemisi mu musamu, lo mu ntoono beenu, ha busu bwa Kiristo,

Mukaanda kuri bari Efeso 1:18

Hemese Nzaambi katsyeemese mwiinunu yeenu mu mitima, mpisi lubakula nkya nsiitu yiri mu mbila yikari kaluteele, nkya busina bwa nkeembu yiri mu saala dyaandi, ha kakati dya bangisi,

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

Mukaanda kuri Bahebeleho 6:4

Mukwongo, baatu bari, bamwaataambula buungi, bamwaabiimba kikabu kya ku yulu, bamwaataambula Mpeeve Yangisi,