2 Kol 4:1 - Musamu Wamubwete 2013

¹ Hango-nkuumbu, bu turi na kisalu kimaki, beetu twahele kuholo-bito, bukuri mu ngebe dza Nzaambi turi twakitaambula.

2 Kol 4:1 Referans Kwoze

2 Tes 3:13

Beenu ngo bari, bampaangi, yaa luholo-bito ko mu kuyirika mamabwe.

Mukaanda kuri bari Ngalatya 6:9

Tweyirikeenu mamabwe, yaa tuholo-bito ko, bukuri ntaangu bu yikuka, sa twatolo, mbuti twahele kubwoongolo.

Mukaanda kuri bari Efeso 3:13

Hango, me nyiloombo ti yaa luholo-bito ko, mu ntoono mpasi dzaami, dzi nyiri mu kwemono me mu beenu; mpasi dzidzo ngo nkeembu yeenu.

Mukaanda kuri bari Filipo 4:13

Me lo nyakuka mu myominso, mu wunde wumpaana makwa.

2 Kol 4:16

Hango-nkuumbu, beetu twahele kuholo-bito. Ngo ti hayuku nyutu yeetu ya ku mbasi yiri mu kwekuuka, lo nyutu ya kunsa-kati yiri mu kwekitukaa yamoono mu kiluumbu ngo kiluumbu.

Nyabusulu ya Yowane 2:3

Ye wuri na kifiki, ye wakuunda mpasi mu dyaambu dya nkuumbu yaami, ye wahele kuholo-bito.

Mukaanda kuri Bahebeleho 12:3

Beenee na bitsimi mu wunde wakuunda nwanusunu dza bangaa-masumu, mpisi luhele kuholo-bito, na bitsimi byeenu bihele kubvutuka mambisa.

2 Kol 3:6

nde watuha makwa mu kuba bisari bya lulelusunu lwamoono, kari mu kisoni ko, ngo Mpeeve, bukuri kisoni kidzusaa, kasi Mpeeve yihaanaa bumwooyo.

1 Pet 2:10

Beenu bari, mu ntaangu yayikulu, lwasii ba mukaangu baatu ko, kasi mu lumalu beenu lweki mukaangu baatu ba Nzaambi. Mu ntaangu yayikulu, Nzaambi kasii kulumwiinina ngebe ko, kasi mu lumalu nde wulumonono ngebe.

1 Tim 1:13

Mu ntaangu yaluta me nyaba ngaa-bitari, ngaa-nkwaamusu, na ngaa-kinwa, kasi nde wambakila ngebe, bukuri me nyaba nyahele na nyaabulu, na nyaba kweyirika mamo kwahele kanyi.

2 Kol 5:18

Byobinso byafumuna kuri Nzaambi, nde wabweese kusa nyukusunu ha kakati dya beetu, na nde-meene mu Kiristo, na watuha kisalu kya kubweese kwesuusa nyukusunu.

2 Kol 3:12

Bu turi na nsiitu dza bubwo, ngo turi mu kwesalila mu nsiitu dzodzinso.

1 Kol 7:25

Mu mitariri babo bahele kukweele, me nyahele na ntumunu dza Mfumu, ngo me kitsimi nyisoongo, bunu bwa mbakila Mfumu ngebe, mu kuba muutu wu bayelemini kusikikila.

Musamu wamubwete watina Luka 18:1

Yesu wata nkuma kuri bo, mu kubasoongo ti bayelemini kusaambila mu mpisi ntaangu, na kuhele kuholo-bito.

1 Kol 3:5

Heki Apolo nki? Pawulo nki? Bisari biri beenu mu byo luri lwataambula kanyi, bunu bwaheeriri Mfumu kuri muutu-muutu.