2 Kol 11:3 - Musamu Wamubwete 2013

³ Ngo bunu bwaba wuna nyoko Eva mu lupyelu lwaandi, me nyibata ti bitsimi bibiya na biba la na nkulukulu na nsyemukunu ha busu bwa Kiristo.

2 Kol 11:3 Referans Kwoze

Mukaanda kuri bari Kolosayi 2:8

Seenee madyeele, muutu mu beenu kahele kubwa mu mweete wa madyeele ma nzoonsulu, na mu mawunu mabuunu, bunu buri kikulu kya baatu, na bunu buri bitotolo bya nsi, byahele kuba mu Kiristo.

Mukaanda kuri bari Ngalatya 1:6

Me nyimono dyo dya nkimukunu, ti mu mawasu-mawasu, beenu lutekele mbisa, kuri wunde waluteele mbila mu bweese [bwa Kiristo], mu ntoono Musamu mukimi Wamubwete.

Mukaanda kuri bari Efeso 4:14

Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

Mukaanda kuri bari Kolosayi 2:4

Me nyiri mu kuleele mamo, mpisi heki muutu kahele kaluwumuna mu nzoonsulu dza lupyelu.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.

1 Tim 2:14

Kari Adami watambukiri mawunu ko, ngo kasi wa mukyeetu watambukiri mawunu na kusinina mangisi.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Mukaanda kuri bari Ngalatya 3:1

Sa beenu bari Ngalatya bimpuumbulu! Na waluloko? Buri kari ha miisu mya beenu, bari bayirika kubaangula bunu bu bakomini Yesu Kiristo ha yulu kuruwa ko?

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

1 Yow 2:18

Mwaa-baala, ki ngo kilookolo kya mpotulu, bunu bu lwayukiri ti mutaatu Kiristo wuri mu kwiisa, mu lumalu bataatu ba Kiristo balaka bamwaakwiisa; mu didyo beetu tuyaari ti ki ngo kilookolo kya mpotulu.

2 Pet 3:17

Ngo beenu, banduku ba mutima, bu lumwaalubuka, seenee madyeele, mpisi heki luhele kuba bawumunu, mu nzimbusulu ya baatu bahele na mangisi, na luhele kubwa mu nsiitu ya beenu-meene.

Mukaanda kuri bari Ngalatya 4:11

Ngo me nyiri na boomo mu ntoono beenu, ti mpasi dzi nyiri nyamono mu beenu, dzikwiisa kuba kwaandi dzabuunu.

2 Kol 2:17

Mukwongo, beetu turi bunu bakaka bakweyarika maampu ma Nzaambi ko; ngo kasi mu ngwanwa, mu nkuumbu ya Nzaambi na ha busu bwaandi, beetu turi mu kwedzoonsolo mu Kiristo.

2 Pet 3:3

Tekeseleenu kuyaaba dimadi ti, mu biluumbu byansukulu, bangaa-munsiku sa biisa na munsiku waaku, sa bedyaatila bunu buri mantiilu ma bo-meene,

2 Tim 3:13

Ngo baatu bababi na bangaa-bumpitu-bumpyoongo, sa bahamisa kudyaatila kunsa mabvuriri bubi, mu kwewumuna baatu, bu bari bawumuka bo-meene.

1 Tes 3:5

Hango-nkuumbu, me nkoonaa kukiinga, ha nyaheekiri Timoteho mu kwiisa kuyaaba bunu buri kanyi dya beenu, mu kubata kuri ti Musindukiri kakwiisa kulusindukila na kisalu kya beetu kihele kuba kya buunu.

Mukaanda kuri bari Efeso 6:24

Bweese buba kuri bobanso, batyaanaa Mfumu yeetu Yesu Kiristo, mu ntiilu yiri yabiiyaa ko.

Mukaanda kuri bari Ngalatya 2:4

Kwaba kwaandi na bampaangi bampya, ba mumpitu, bayolimiki ha kakati dya beetu mu kwetukete kunsa bunsaalisi bweetu, bu turi na bwo mu Kiristo Yesu, mpisi heki batusa bankutu,

2 Kol 4:2

Ngo kasi beetu twabisa mansweeki mansoni, tukwedyaatila kwahele mawunu, na twahele kwekitula maampu ma Nzaambi, ngo mu nsoongulu ngwanwa, beetu turi mu kwesaka kuri ti baatu batufyongokono, ha busu bwa Nzaambi.

Musamu wamubwete watina Matayi 24:24

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

Mukaanda Yuda 1:4

Mukwongo, baatu babamosi bayolomikini mu nsweeki, bari kuholosono na kidzika, batekesele kubatina mankuumbu mu mutsuundu wunde. Bo ngo bangooyi, bakwekitula bweese bwa Nzaambi yeetu mu buyala, na bakwetuna wunde wuri ndemosi Mutumi na Mfumu yeetu, Yesu Kiristo.

Mukaanda kuri Tito 1:10

Mukwongo, bangaa-nko, bangaa-nzoonsolo dzahele mufunu, na bangaa-mawunu balaka bari, mbiki ti ha kakati dya bateende bubakala.

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

Mukaanda kuri bari Kolosayi 2:18

Yaa lutala ko ti babo bakwemono kiminu mu kiteesu kya nkulukulu, na mu kwesaambila bambasi, baluwuungula. Bo bakwekengese bitotolo kwa buunu, na bakwesiika mu bitsimi bya kimuutu kyaaku.

2 Kol 11:29

Na wuri na buyonsi, kuri lo me se nyahele kuba na buyonsi? Na wubwa kuri lo me mutima wahele kusa mambaawu?

Mukaanda kuri bari Loma 12:8

mbuti musyaamisi, lo mu nsyamusunu; mukabiri, lo kaheele mu mutima-kikabu; mutwaalisi, lo katwaalisila mu kuheme; ngaa-ngebe, lo kasalila mu kiminu.

Nyabusulu ya Yowane 20:2

Yo yakwaata maŋataŋo, nyoko yayikulu, yiri dyabulu na Satana, na yamukaanga mu syeene mu fuunda dya mibvu.

2 Kol 11:20

Mukwongo, mbuti muutu wulusiiri bunkutu, mbuti muutu wuludiila manene, mbuti muutu horiri bi luri na byo, mbuti muutu wubilika mu beenu, na mbuti muutu wululeti ku busu, lo beenu lukuunda momanso mamo.

Mukaanda kuri bari Efeso 4:22

lo luyelemini kuyisila ndyaatulu yatekesele ya mu muutu wamukulu, wukwesumuka mu nyiimunu dza mawunu.

Nyabusulu ya Yowane 12:15

Nyoko yaluka, mu munwa waandi, maampa mari bunu nyari ha mambisa ma wa mukyeetu, mpisi heki kadyaama mu yo.