2 Kol 1:11 - Musamu Wamubwete 2013

¹¹ Beenu se luri kintwaari, bu luri mu kusaambilaa mu beetu, mpisi heki bweese bu tutaambula beetu, mu ntoono lusaambulu lwa baatu balaka, buba dyaambu dya mvutukulu matoondo kuri beetu.

2 Kol 1:11 Referans Kwoze

Mukaanda kuri bari Filipo 1:19

bukuri me nyaari ti mimyo sa myatwaala mvuukulu kuri me, mu ntoono lusaambulu lwa beenu na lubakusu lwa Mpeeve ya Yesu Kiristo.

2 Kol 4:15

Mukwongo, myominso mimyo miri mu ntoono beenu, mpisi heki bweese buhamisaana mu baatu balaka, mvutukulu matoondo se yiba yabuukula mu nkeembu ya Nzaambi.

Biyiriki bya Bantumu 12:5

Petelo waba mu boroko, ngo dibuundu dyasaambila Nzaambi mu makwa mu ntoono nde.

Mukaanda kuri bari Kolosayi 4:3

Mu ntaangu yo yimosi, saambilee se na mu beetu, mpisi heki Nzaambi katuha mpwaani ya kuyikisa maampu, na kuyaabisa mpaanu dza Kiristo, bukuri mu ntoono mpaanu dzidzo me nyiri mu boroko.

Mukaanda kuri Bahebeleho 13:18

Saambileenu mu beetu. Mukwongo, beetu tuyirikiri kuyaaba ti turi na nsimunu yayibwete, mu nzala kuba na ndyaatulu yayibwete mu myominso.

Film 1:22

Mu ntaangu yo yimosi, yirikila me se kibeendu ki wuntambukila; me nyiri na nsiitu ti mu ntoono nsaambulu dzeenu, me sa bamvutula kuri beenu.

2 Tes 3:1

Mu misiiri, bampaangi, saambileenu mu beetu, mpisi heki maampu ma Mfumu maba mayabakana na maba makeembele bunu bu mari kuri beenu.

1 Tes 5:25

Bampaangi, saambileenu se mu beetu.

2 Kol 9:14

Mu nsaambulu dza bo mu beenu, bo sa basoongo musoongo walaka wu bari na nde, mu ntoono bweese bwa mansaalisi bwaluha Nzaambi.