Nde wadzaangusu ha lubakala lwa Nzaambi, bu kataambula kuri Taayi, lusiilulu lwa Mpeeve Yangisi yi kari kanyaka, mamo beenu [se] luri mu kumono na kuyuka.
Yesu Kiristo ngo wunde wayisiri na maampa na makila, kari na mani maampa kitsu ko, ngo na maampa na makila; Mpeeve ngo muteeri kimbaangi, bukuri Mpeeve ngo ngwanwa.
Yesu wabvutula ti: «Mbuti heki me nyikeembese me-meene, lo nkeembu yaami yabuunu. Ngo Taata wuri mu kunkeembese, wu luri mu kuleele beenu ti: "Nzaambi yeetu."
Bu kaba wakiri mu kudzoonso, mono tuti dya buungi dyabafuka mu mposi yaandi, na mono, mbeembu mosi yayukukuna mu tuti, yaleele ti: «Wumawu ngo mwaana waami wa mutima, mu nde me nyimonaa kiminu, muywiileenu!»
Ngo mbuti wahele kukuywiila, lo holo mosi bunu pe boolo baba kintwaari na ye, mpisi heki mu mandoongi ma bambaangi boolo bunu pe batatu, luyelekese myominso.
Mamo maba munu mbandukulu, ma turi twayuka, ma turi twamono mu miisu myeetu, ma turi twakengese na ma turi twabelemene mu myooko myeetu, mu ntoono maampu ma kidziingu,
Mpeeve ya ngwanwa yiri, nsi lo yahele kubangisina kuyitaambula, bukuri nsi yahele kuyimono, na yahele kuyiyaaba; ngo kasi beenu luyiyaari, bukuri yo yiri ha kakati dya beenu, na sa yanamitina kuba mu beenu.
