1 Yow 3:5 - Musamu Wamubwete 2013

⁵ Beenu luyaari kuri ti: Kiristo wamonikini mu kuyusula masumu, na mu nde mwahele masumu.

1 Yow 3:5 Referans Kwoze

2 Kol 5:21

Wunde waba wahele na masumu, nde wamusa ngaa-masumu mu ntoono beetu, mpisi heki mu nde, tubeenee nsungumunu ya Nzaambi.

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

1 Pet 2:24

Mu nyutu yaandi, nde wanata masumu meetu ha yulu muti, mpisi heki bu tufwiiri mu masumu, tuba mwooyo mu ntoono nsungumunu. Mu biwa byaandi beenu luri lwatsinukusu.

Mukaanda kuri Bahebeleho 9:26

Bukuri, lo nde keti kumonaa mpasi mbala dzalaka, kuholosono kwayirimini nsi. Ngo kasi mu lumalu, Kiristo wamonokono mbala mosi, ku manunu ntaangu, mu kuyaala masumu mu mpeelu nyutu ya nde-meene bunu kikabu.

Musamu wamubwete watina Yowane 1:29

Ha mambisa ma kiluumbu kikyo, Yowane wamono Yesu wuri mu kwiisa kuri nde, waleele ti: «Monee Mwaana kimeeme kya Nzaambi, wuyisilaana masumu ma nsi.»

Nyabusulu ya Yowane 1:5

na kuri Yesu Kiristo, Mbaangi yakwiikama, watete wabutuka mu bafwa, na mwaana mfumu ya bambyaasi ba butoto. Kuri nde wututiiri, watukuula mu masumu meetu mu makila maandi,

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.

1 Yow 1:2

kidziingu kikyo kyamonikini, beetu twakimono, turi mu kuta kimbaangi, tuluyaabisa kidziingu kyahele manunu, kyaba kuri Taata na kyamonikini kuri beetu.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

1 Pet 2:22

Nde wuri kasii yirika masumu ko, na mu munwa waandi mwasii ba mawunu ko.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

1 Tim 1:15

Maampu mamama mayelemene mu kusiila kanyi, na kumataambula mu mutima ndemunso ti: Kiristo Yesu wayisa ha nsi mu kubvuukisa bangaa-masumu, mu bo me watete.

Musamu wamubwete watina Matayi 1:21

Nde sa kabuta mwaana wa mubakala na ye sa wamuteele nkuumbu Yesu; bukuri nde sa kabvuukisa baatu baandi mu masumu ma bo.»

1 Yow 2:1

Mwaa-baala baami, me nyilutinina mamama, mpisi luhele kubwa mu masumu. Ngo mbuti muutu bwiiri mu masumu, lo turi na Nkariri kuri Taata, ngo Kiristo Yesu, ngaa-kusuunguma.

1 Pet 1:20

Nde wayabakana tekesele nyirikulu nsi, na wamumonokoso mu ntaangu ya manunu mu ntoono beenu.

Mukaanda kuri Bahebeleho 4:15

Mukwongo, mukuutu bangaanga-nzaambi wu turi na nde, wakuka mu kutubakisa mu buyonsi bweetu. Nde bamukotoso mu nsindukulu mu myominso bunu beetuneenu, ngo kasii bwa mu masumu ko.

Mukaanda kuri Bahebeleho 7:26

Mukwongo, kuri beetu mukuutu bangaanga-nzaambi waba wayelemene ngo wabubwo. Nde wangisi, wahele na mamabi, wahele na masumu, wahaambuka na bangaa-masumu, na bamunaakisa ku nkati yulu.

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

Musamu wamubwete watina Yowane 14:30

Me ka nyibweese kudzoonso kwalaka na beenu ko, bukuri mutumi nsi wiisiri, ngo nde wahele na lutumu ti lumosi mu me,

Musamu wamubwete watina Yowane 8:46

Na mu beenu, wuri lo bwiisiri me mu mana mu ntoono masumu? Mbuti ngwanwa me nyileele, buri luri kusiila pe kanyi mu me?

Musamu wamubwete watina Yowane 1:31

«Me nyaba nyahele kumuyaaba; ngo mu kuri ti kaba wamonokono kuri Isaheli, mu didyo me nyayisiri mu kubotoko mu maampa.»

Musamu wamubwete watina Luka 23:47

Mukuutu nkama bayongolo bu kamono mayirimini, wakeembese Nzaambi waleele ti: «Nkati ngwanwa, muutu wu wabee wasuunguma.»

Musamu wamubwete watina Luka 23:41

Beetu na ye, mukanu wasuunguma, bukuri turi mu kufuta mamabi ma turi twayirika. Ngo nde wahele kuyirika ntoono ti mosi yayibi.»

1 Pet 1:18

bu luyaari kuri ti, kari mu bitotolo bifuukila ko, mboongo bunu pe woolo, beenu bari balukuula mu ndyaatulu yeenu yabuunu, yi luri lwakondolo kuri bataayi beenu,

1 Yow 2:2

Nde ngo kikori mu ntoono masumu meetu, kari munu mu masumu ma beetu ko, ngo se mu masumu ma nsi yansiina.

1 Yow 2:29

Mbuti beenu luyaari ti nde wasuunguma, lo yabee se ti mpisi wunde wusalilaa nsungumunu, lo wabutuka mu nde.

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.