1 Yow 3:4 - Musamu Wamubwete 2013

⁴ Mpisi wunde wuyirika masumu, lo wusininaa se mangisi, bukuri masumu ngo kusinina kwa mangisi.

1 Yow 3:4 Referans Kwoze

1 Yow 5:17

Mpisi kuhele kwa nsungumunu masumu; ngo kuri masumu mahelaa kunata ku lufwa.

Mukaanda kuri bari Loma 3:20

Hango-nkuumbu, kuri muutu ko wuba walulukusu mu biyiriki bya mangisi, bukuri mangisi yini nyaabulu masumu makoohaanaa.

2 Kol 12:21

Me nyibata kuri ti, ha nyibweese kwiisa, Nzaambi kankulula ha busu bwa beenu, na me nkoto bufwiiri, mu ntoono balaka bayirikiri masumu mu ntaangu yayikulu, na bahele kuyiinga madyeele mu kuhoto kuyirika, mya nsumukunu, mya kimpala na mya buyala.

Mukaanda kuri bari Loma 4:15

Mukwongo, mangisi mabutaa nkesi; haho hahele mangisi, lo halele se kusinina kwa mo.

Mukaanda wa Yakobo 5:15

Lusaambulu lwa kanyi sa lwabvuukisa mubeeru, na Mfumu sa kamutelemese; na mbuti beeri wayirika masumu, lo sa kataambula mpemisi.

Musamu wamubwete watina Matayi 5:19

Ngo mbuti muutu sinini lutumu ti lumosi mu ntumu dzibvuriri buntele, na yikisiri se kuri baatu mu kusa bubwo, lo sa bamuteele ti wubvuriri buntele mu Kimfumu kya mayulu. Ngo wunde wumasalila, na wumayikisa, lo sa bamuteele ti mukuutu mu Kimfumu kya mayulu.

Biyiriki bya Bantumu 23:3

Ngo Pawulo waleele kuri nde ti: «Ngo Nzaambi ye-meene kalata, kibaki kyakila mpeembe! Ye wadzakala haho mu kutsuundisa bunu buri mangisi, na mu nsaanunu mangisi ye wutuma balata me!»