1 Yow 3:23 - Musamu Wamubwete 2013

²³ Lumalu ngo lutumu lwaandi: ti beetu tusa kanyi mu Mwaana waandi, Yesu Kiristo, na tutilisinee beetu na beetu, bunu bu kari katuha lutumu.

1 Yow 3:23 Referans Kwoze

Musamu wamubwete watina Yowane 13:34

Me nyiluha lutumu lwamoono: Tilisineenu beenu na beenu; bunu bu nyiri nyalutya me, beenu se tilisineenu beenu na beenu.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

Musamu wamubwete watina Yowane 15:12

Lutumu lwa me ngo lu: tilisinee beenu na beenu, bunu bu nyiri nyalutiila me.

Musamu wamubwete watina Yowane 6:29

Yesu wabvutula waleele kuri bo ti: «Kisalu kya Nzaambi kiri kuri ti beenu lusa kanyi mu wunde wu kari kaheeke.»

1 Pet 4:8

Tekeselee meti, kutilisina kwalaka beenu na beenu, bukuri "ntiilu yifuukaa fundu-fundu dya masumu".

1 Yow 3:11

Wumawu ngo mukeensu wu luri lwayuka kuholosono kunu mbandukulu: Twetilisineenu beetu na beetu.

1 Yow 4:21

Lu ngo lutumu lu turi twataambula kuri nde: wunde wutya Nzaambi, lo katya se mpaangi yaandi.

1 Tes 4:9

Mu dyaambu dya ntiilu ya kimpaangi, beenu luri na nzala kuri ti ba lutinina ko, bukuri beenu-meene lwayeki lwayika kuri Nzaambi bwa kutilisina beenu na beenu.

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Musamu wamubwete watina Malako 9:7

Tuti dyayisa ha yulu bo, na dyabafuka mu mposi yaandi; na mono, mbeembu mosi yayukukuna mu tuti, yaleele ti: «Wumawu ngo Mwaana waami wa mutima, mu ywiileenu!»

Musamu wamubwete watina Matayi 22:39

Lwadzoolo lwafwanikina na lulwo ngo lumalu: "Tya mbaasi yaaku bunu ye-meene."

Biyiriki bya Bantumu 16:31

Bo baleele ti: "Siila kanyi mu Mfumu Yesu na ye sa bvuuka, ye na nzo yaaku."

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

Musamu wamubwete watina Yowane 14:1

«Yaa lubviimfuka mitima myeene ko. Siilee kanyi mu Nzaambi, na siilee kanyi mu me se.

1 Tim 1:15

Maampu mamama mayelemene mu kusiila kanyi, na kumataambula mu mutima ndemunso ti: Kiristo Yesu wayisa ha nsi mu kubvuukisa bangaa-masumu, mu bo me watete.

Musamu wamubwete watina Yowane 1:12

Ngo kuri bobanso bamutaambula, nde wabaha lutumu lwa kuba baala ba Nzaambi, kuri babo basa kanyi mu nkuumbu yaandi,

Musamu wamubwete watina Yowane 2:23

Yesu bu kaba ku Yerusalemi mu ntaangu ya munkeembu wa Paaka, baatu balaka basa kanyi mu nkuumbu yaandi, mu bu bamwiini bidiimbu bi kayirikiri.

Musamu wamubwete watina Yowane 3:18

Mpisi wusa kanyi mu nde, lo wahele kuba watsuundusu; ngo kasi wuhele kusa kanyi mu nde, lo weki watsuundusu, bukuri nde wahele kusa kanyi mu nkuumbu ya Mwaana Nzaambi ndemosi.

1 Yow 2:7

Banduku ba mutima, me nyahele kulutinina lutumu lwamoono; ngo kasi lutumu lwalukulu lu lwataamburi beenu, kuholosono kunu mbandukulu. Lutumu lwalukulu lulwo ngo maampu ma luri lwayuka.

1 Yow 4:15

Mpisi wunde wutaambula ti Yesu Mwaana Nzaambi, lo Nzaambi wasa kikuundi mu nde, na nde wasa kikuundi mu Nzaambi.

1 Yow 5:13

Me nyalutinini mamo mpisi luyaaba ti, beenu lusiila kanyi mu nkuumbu Mwaana Nzaambi, luri na kidziingu kya mantaangu momanso.