1 Yow 3:1 - Musamu Wamubwete 2013

¹ Monee nkya ntiilu Taata kari katutiila, mpisi heki batuteele baala ba Nzaambi, na turi se bo. Hango-nkuumbu, nsi yahele kutuyaaba, bukuri yahele kuyaaba nde.

1 Yow 3:1 Referans Kwoze

Musamu wamubwete watina Yowane 1:12

Ngo kuri bobanso bamutaambula, nde wabaha lutumu lwa kuba baala ba Nzaambi, kuri babo basa kanyi mu nkuumbu yaandi,

Mukaanda kuri bari Ngalatya 3:26

Mukwongo, beenu-banso luri baala ba Nzaambi, mu kanyi mu Kiristo Yesu,

2 Kol 6:18

Me sa mba Taayi kuri beenu, na beenu sa lwaba baala ba babakala, na ba bakyeetu kuri me, Mfumu Ngaa-mpinu wuleele.»

Musamu wamubwete watina Yowane 17:25

Taata ngaa-kusuunguma, nsi yasii kuyaaba ye ko, ngo me nyikuyaari, na bamaba bayaari ti, ye wampeeke.

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Nyabusulu ya Yowane 21:7

Wunde wuluuluka sa kataambula saala dimadi, me sa mba Nzaambi yaandi, na nde sa kaba mwaana waami.

Mukaanda kuri bari Loma 5:8

Nzaambi wasoongo ntiilu yaandi mu beetu, bukuri, bu twaba twakiri bangaa-masumu, Kiristo watufwiila.

Mukaanda kuri bari Ngalatya 3:29

Mbuti beenu luri ba Kiristo, lo lwapalila mu Abalaami, bakondiri ba saala bunu buri lusiilulu.

Mukaanda kuri bari Loma 8:32

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

Musamu wamubwete watina Yowane 16:3

Sa bayirika mamo, bukuri bahele kuyaaba Taata, na me.

Mukaanda kuri bari Kolosayi 3:3

Bukuri beenu lwafwa, na kidziingu kyeenu kyasweeku kintwaari na Kiristo mu Nzaambi.

Mukaanda kuri bari Loma 8:21

yiri ti, nsi yo-meene se, sa yaba yakuuluka mu bunkutu bwa mbiiyulu, mu kutaambula bunsaalisi bwa nkeembu ya baala ba Nzaambi.

Musamu wamubwete watina Luka 20:36

Mukwongo, ka babweese kufwa ko, bukuri beki kuba bunu bambasi, na bunu baala ba Nzaambi, bu bari baala ba mfulukulu.

Musamu wamubwete watina Yowane 11:52

kari munu mu ntoono kaanda ko, ngo se mu ntoono baala ba Nzaambi batsamukina, na se kabakutukisa mu kintwaari kimosi.

Musamu wamubwete watina Yowane 15:21

Ngo sa baluyirikila momanso mamo, mu ntoono nkuumbu yaami, bukuri bo bahele kuyaaba wunde wampeeke.

Mukaanda kuri bari Loma 8:19

Mukwongo, nsi yoyinso yiri mu kwekiingila mu kinsukulu-mutima, ntaangu mbasi-tsuku, yi yabakana baala ba Nzaambi.

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

1 Yow 3:10

Mu didyo, bayaabulaa baala ba Nzaambi, na baala ba dyabulu. Mpisi wunde wuhelaa kusalila nsungumunu kari wa Nzaambi ko; bunubwo se kuri wuhelaa kutya mpaangi yaandi.

1 Yow 4:17

Mu didyo, ntiilu yiri yakuka ha kakati dya beetu, mpisi heki tubeeneenu na nsiitu mu kiluumbu kya mutsuundu, bukuri bunu bu kari nde, bunubwo se beetu turi mu nsi yimayi.