1 Yow 2:3 - Musamu Wamubwete 2013

³ Mu dimadi beetu tubakulaa ti twayeki twamuyaaba, mbuti tukebaa ntumu dzaandi.

1 Yow 2:3 Referans Kwoze

Musamu wamubwete watina Yowane 14:15

«Mbuti beenu lutiiri me, lo sa lwakebe ntumu dzaami;

Musamu wamubwete watina Yowane 15:10

Mbuti beenu lukebiri ntumu dzaami, lo beenu sa lwanamitina kuba kunsa ntilu yaami; mu ntiilu yaami; bunu bu nyiri nyakebe me ntumu dza Taayi dyaami, na na nyanamitina kuba kunsa ntiilu yaandi mu ntiilu yaandi.»

1 Yow 5:3

Mukwongo, ntiilu ya Nzaambi yiri kuri ti, tukebee ntumu dzaandi; ngo ntumu dzaandi dzahele kuleme,

Musamu wamubwete watina Luka 6:46

«Bukuri nki beenu lukweteele me ti: "Mfumu, Mfumu", ngo lwahele kuyirika ma nyiluleele?

Musamu wamubwete watina Yowane 15:14

Beenu luri banduku baami, mbuti luyirikaana ma nyilutumaana.

1 Yow 4:13

Beetu tuyaabilaa ti twasa kikuundi mu nde, na nde wasa kikuundi mu beetu, bukuri nde watuha Mpeeve yaandi.

Mukaanda kuri Bahebeleho 5:9

Bu kakukisa kiteesu kyaandi, nde wayeki, wunde wuhaanaa mvuukulu ya mantaangu momanso, kuri bobanso bamutambukilaa.

1 Yow 3:19

Mu dimadi, beetu sa twayaaba ti turi bangaa-ngwanwa, na ha busu bwaandi, sa twadzuunisa mitima myeetu.

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

1 Yow 5:19

Tuyaari ti beetu turi baatu ba Nzaambi, na nsi yoyinso yiri kunsa bubi.

1 Yow 3:14

Beetu tuyaari ti, twayeki twayisika mu lufwa mu kuluta mu bumwooyo, bukuri beetu tutyaanaa bampaangi. Wunde wahele kutya bampaangi, lo wafwa kwakinkulu.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

Nyabusulu ya Yowane 22:14

Kiminu kiri na babo baswaakaa madzweele maaku, mpisi heki baba na miswa mu kudya bimbutu bya muti wa bumwooyo, na mu kukoto mu myeelu kunsa bvula.

1 Yow 2:13

Me nyitinina kuri beenu bataata, bukuri beenu lwayeki lwamuyaaba kuholosono kunu mbandukulu. Me nyitinina kuri beenu bituuti, bukuri beenu lwabwiisiri Ngaa-bubi.

1 Yow 3:6

Mpisi wasa kikuundi mu nde, kayirikaa masumu ko; na mpisi wuyirikaa masumu, lo wakiri kumumono pe, na wakiri se kumuyaaba pe.

1 Yow 4:7

Banduku ba mutima, tutilisinee beetu na beetu, bukuri ntiilu yiri ya Nzaambi. Mpisi wuri na ntiilu wabutuka kuri Nzaambi na yaari Nzaambi.

1 Yow 5:2

Beetu tuyaaba ti tutiiri baala ba Nzaambi, mu ntaangu yi tukootyaanaa Nzaambi, na yi tusalilaa ntumu dzaandi.

Nyabusulu ya Yowane 12:17

Maŋataŋo wabakila mukyeetu nkesi, na wayende mu kweesa mudziingu kuri baala ba wa mukyeetu basaala, babo bakebaa mangisi ma Nzaambi, na basimbikila kimbaangi kya Yesu.

Nyabusulu ya Yowane 14:12

Haho ngo, ha bamono kifiki kya bangisi, bakebaa ntumunu dza Nzaambi na kanyi mu Yesu.