1 Yow 2:22 - Musamu Wamubwete 2013

²² Na wuri ngaa-mpya, mbuti ka wunde wutunaa ti Yesu kari Kiristo ko? Wunde ngo mutaatu Kiristo, wutunaa Taata na Mwaana.

1 Yow 2:22 Referans Kwoze

2 Yow 1:7

Bawumuni balaka bamwaatsamukina mu nsi. Bo bahele kwetaambula ti Yesu Kiristo wayisa mu muswiini. Wunde ngo muwumuni, mutaatu-Kiristo.

1 Yow 4:3

na mpisi mpeeve yihele kutaambula Yesu, lo yiri ya Nzaambi ko; mpeeve yiyo ya mutaatu Kiristo, wu lwayukiri beenu ti wuri mu kwiisa, na mu lumalu weki mu nsi.

1 Yow 2:18

Mwaa-baala, ki ngo kilookolo kya mpotulu, bunu bu lwayukiri ti mutaatu Kiristo wuri mu kwiisa, mu lumalu bataatu ba Kiristo balaka bamwaakwiisa; mu didyo beetu tuyaari ti ki ngo kilookolo kya mpotulu.

Mukaanda Yuda 1:4

Mukwongo, baatu babamosi bayolomikini mu nsweeki, bari kuholosono na kidzika, batekesele kubatina mankuumbu mu mutsuundu wunde. Bo ngo bangooyi, bakwekitula bweese bwa Nzaambi yeetu mu buyala, na bakwetuna wunde wuri ndemosi Mutumi na Mfumu yeetu, Yesu Kiristo.

1 Yow 4:20

Mbuti muutu wuleele ti: «Me ntiiri Nzaambi», ngo wubelaa mpaangi yaandi, lo nde ngaa-mpya. Mukwongo, wunde wuhelaa kutya mpaangi yaandi yikamono, lo katsiitsa kutya Nzaambi ko, wu kahele kumono.

1 Yow 2:23

Mpisi wunde wutunaa Mwaana, lo kari na Taata ko. Wutaambulaa Mwaana, lo wuri na Taata se.

1 Yow 1:6

Mbuti tuleelaa ti turi kintwaari na nde, ngo tudyaatila kunsa mampimbisi, lo tufuta mpya, na ka twasalilaa ngwanwa ko;

1 Yow 2:4

Mpisi wunde wuleelaa ti: «Me nyayeki nyamuyaaba», ngo wahele kukebe ntumu dzaandi, lo nde ngaa-mpya, na mu nde ngwanwa yo pe.

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Nyabusulu ya Yowane 3:9

Mono ma nyiyirika me kuri bari mu nzo lukutukunu ya Satana, bakweleele ti bo Bayudayo, kasi bari Bayudayo ko, bukuri bari bangaa-mpya. Me tsa sa kuri ti bo biisa na batsukumina hari miilu mya ye, na kuyaaba ti me nyakutya.

Musamu wamubwete watina Matayi 24:5

Bukuri balaka sa biisa mu nkuumbu yaami, na sa baleele: "Me ngo Kiristo!" Na sa bawumuna baatu balaka.

Musamu wamubwete watina Matayi 24:24

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

1 Yow 5:1

Mpisi wunde wusa kanyi ti Yesu ngo Kiristo, lo nde wabutuka kuri Nzaambi, na mpisi wunde wutiiri mubuti, lo katya se wabutuka kuri nde.