1 Yow 2:10 - Musamu Wamubwete 2013

¹⁰ Wunde wutyaanaa mpaangi yaandi, lo wasa kikuundi kunsa buungi, na mu nde mpwaani ya kubwa mu masumu yo pe.

1 Yow 2:10 Referans Kwoze

1 Yow 3:14

Beetu tuyaari ti, twayeki twayisika mu lufwa mu kuluta mu bumwooyo, bukuri beetu tutyaanaa bampaangi. Wunde wahele kutya bampaangi, lo wafwa kwakinkulu.

Mukaanda kuri bari Loma 14:13

Ngo yaa twetsuundisinee beetu na beetu ko; kasi tumonee dyo mufunu mu kuhele kusiila mbaasi nkakusulu, bunu pe mu kuhele kumubumisa makya.

2 Pet 1:10

Hango-nkuumbu, bampaangi, bvuleenu kusalila makwa mu kukumisa mbila yi bari baluteele, na nsoolulu yibari balusoolo, bukuri lubaana luyirika mamo, lo luri mbwiilulu mu mamabi ko.

Musamu wamubwete watina Yowane 8:31

Hango Yesu waleele kuri Bayudayo basiiri kanyi mu nde ti: «Mbuti beenu lunamitini mu maampu maami, lo ngwanwa, beenu luri bayiki ba me;

Musamu wamubwete watina Matayi 18:7

Kyaari kuri baatu ba nsi yi mu dyaambu dya mbumukunu makya; mukwongo, mbumukunu makya yiyelemini kuba, ngo kyaari kuri muutu wunde wuba nzila ya mbumukunu makya!

Musamu wamubwete watina Matayi 13:21

ngo maampu mahele kubaka myaansi mu nde; nde muutu wa mwaa-ntaangu yantele. Manyoongi bunu pe nkwamusunu bu biisiri mu ntoono ya Maampu, hanaho nde bwiiri.

Mukaanda kuri bari Filipo 1:10

mu kuyaaba kusobokoso miri mufunu. Mu bubwo beenu luba batsyeemeke, na kuhele kuba na mi baluseembele mu kiluumbu kya Kiristo,

Musamu wamubwete watina Yowane 11:9

Yesu wabvutula ti: «Buri kwahele bilookolo kuumi na byoolo mu kiluumbu? Mbuti muutu wukweyende mu mwiini, lo kabumina nkya ko, bukuri nde wumono buungi bwa nsi yi.

Musamu wamubwete watina Yowane 12:35

Haho Yesu waleele kuri bo ti: «Buungi bwakiri ha kakati dya beenu, mu mwaa-ntaangu yantele. Yendee lwedyaata bu lwakiri na buungi, mpisi heki luhele kukimuka kuri lweki kunsa mampimbisi; bukuri wunde wukweyende kunsa mampimbisi wahele kuyaaba ku kakweende.

1 Yow 2:11

Wunde wubelaa mpaangi yaandi, lo wuri kunsa mampimbisi, wukwedyaatila kunsa mampimbisi, na wahele kuyaaba ku kakweyende, bukuri mampimbisi mamudzusa miisu.