1 Tim 6:18 - Musamu Wamubwete 2013

¹⁸ Baleele bayirika mamabwete, baba bisina mu biyiriki byabibwete, bangaa-kikabu, baatu bayirima mu kukabula,

1 Tim 6:18 Referans Kwoze

Mukaanda kuri Bahebeleho 13:16

Yaa ludzimikina nyirikulu mamabwe ko, na kwebakisina beenu na beenu, bukuri Nzaambi wumonaa kiminu mu bikabu bya bubwo.

1 Yow 3:17

Mpisi wunde wuri na lubaku lwa nsi, na mwiini mpaangi yaandi watikila, ngo kaangiri mutima, lo dyaburi ntiilu ya Nzaambi yitsiitsa kuba mu nde?

Mukaanda kuri bari Loma 12:8

mbuti musyaamisi, lo mu nsyamusunu; mukabiri, lo kaheele mu mutima-kikabu; mutwaalisi, lo katwaalisila mu kuheme; ngaa-ngebe, lo kasalila mu kiminu.

Mukaanda kuri Tito 3:8

Maampu mamama mayelemene mu kusiila kanyi, na me ntiiri ti ye yirika kutswiikisa dyaambu didyo, mpisi heki bamwaasiila kanyi mu Nzaambi, batsimina na baheele mutima mu biyiriki byabibwete. Mimyo miri myamibwete na miri mufunu kuri baatu.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Musamu wamubwete watina Luka 12:21

«Bunubwo se buba mu muutu wukutukisaa busina mu ntoono nde-meene, na wahele kusaka busina mu ntoono Nzaambi.»

Mukaanda kuri bari Ngalatya 6:10

Mu didyo, ha twakiri na ntaangu, tuyirikeenu mamabwe kuri baatu bobanso, ngo bvula-bvula kuri baturi kintwaari mu kanyi.

Mukaanda kuri bari Loma 12:13

Bakisee bangisi mu manzala maaku, namitinee mu ntambukulu banzeense.

1 Tim 5:10

wayabakana mu biyiriki byabibwete, wayeki wabuukisa baala, wataambula banzeense, waswaaka miilu mya bangisi, wabakisa bari mu ngebe, na wasa mutima mu mpisi kiyiriki kyakibwete.

2 Kol 8:9

Mukwongo, beenu luyaari bweese bwa Mfumu yeetu Yesu Kiristo: nde waba kisina, kasi mu ntoono beenu, walwaata buwelu, mpisi heki mu buwelu bwaandi, beenu luba bisina.

2 Kol 8:12

Bukuri mbuti bitsimi biri byabibwete, lo bataamburi kikabu, bunu buri bi tubakiri nkani ka mu bi tuheriri kubaka ko.

1 Kol 16:2

Mpisi kya lumiingu, muutu-muutu mu beenu kawuunguka ku nzo yaandi, bibyo bi kabangusini kukebe, mpisi bahele kukiinga ku nyikwiisa me mu kutolo mboongo.

3 Yow 1:11

Nduku ya mutima, yaa wesombosolo mamabi ko; ngo sombosolo mamabwe. Wunde wusalilaa mamabwe wuri wa Nzaambi, na wunde wusalilaa mamabi, lo kamwii Nzaambi ko.

Mukaanda wa Yakobo 2:5

Bampaangi baami ba mutima, yukeenu: Buri kari Nzaambi ko wasooriri bari bawelu mu mya nsi ngo bisina mu mitariri kanyi, na bakondiri ba Kimfumu ki kari kasa lusiilulu kuri babo bamutyaanaa?

Biyiriki bya Bantumu 9:36

Ku Yope kwaba muyiki mosi wa mukyeetu, nkuumbu yaandi Tabita, mambangukulu "Dorka". Nde waba waluula mu biyiriki byabibwete na waba kwehaanaa lubakusu.

1 Pet 3:11

kalooso mamabi na kayirika mamabwete, kesaka kiyeengi na kanamitina kusalila mu kyo.

Biyiriki bya Bantumu 11:29

Bayiki bakaanga kitsimi, kya kuheeke, bunu buri lubaku lwa muutu-muutu, lubakusu kuri bampaangi badzakala ku nsi ya Yudaya.

Biyiriki bya Bantumu 10:38

Dyaburi Nzaambi kalwiikirye Yesu wa ku Nadzareti Mpeeve Yangisi na mu mpinu. Nde wabee kwelutaana mu kweyirika mamabwe na kwetsinikisa bobanso babeeri kunsa nkwamusunu dza dyabulu, bukuri Nzaambi wabeeri na nde.

Musamu wamubwete watina Matayi 5:42

Kuri muutu wukuloombo, lo muha; na kuri wunde wutiiri kusoombo kuri ye, lo yaa mutekele mbisa ko.»

Musamu wamubwete watina Luka 3:11

Nde wabvutula, waleele kuri bo ti: «Wunde wuri na binkuta byoolo, kaha kyamosi kuri wahele na kyo; wunde se wuri na byandya kasa bwobumosi.»

Mukaanda kuri bari Efeso 4:28

Ngaa-kwiibi ya kabweese kuyiba ko, ngo kamono mpasi mu kusala bunu buyelemini, mu myooko mya nde-meene, mpisi heki kabaka kya kuha kuri wunde wuri na nzala kubaka.