1 Tim 6:17 - Musamu Wamubwete 2013

¹⁷ Leele kuri bisina bya ntaangu yimayi, yaa baba na masiiku ko, na yaa basiila nsiitu mu busina bwa mwaa-ntaangu mosi ko, ngo basiila nsiitu mu Nzaambi, nde kootuhaanaa byobinso mu busina mpisi tumono kiminu mu byo.

1 Tim 6:17 Referans Kwoze

Biyiriki bya Bantumu 14:17

Ngo ti hayuku bubwo, mani mamabwe nde ka kooluyirikilaa: ku yulu, wuluhaa bvula, mantaangu ma bikunu bibuta, na wululuulusaa mu byandya na kiminu mu mitima myeenu."

1 Tim 4:10

Mukwongo, mbuti turi mu kwebama na kwenwaana, lo bukuri twasa nsiitu mu Nzaambi yamwooyo, yiri mubvuukisi baatu bobanso, mbiki ti bari na kanyi.

Musamu wamubwete watina Matayi 19:23

Yesu waleele kuri bayiki byaandi ti: «Mu ngwanwa me nyiluleeriri dyo; diri dya mpasi kuri wa kisina mu kukoto mu Kimfumu kya mayulu.

Mukaanda kuri Tito 2:12

Bwo buri mu kwetuyikisa, mpisi heki bu tubisiri bungooyi na nyiimunu dza nsi, twenata kidziingu kya ntaangu ya lumalu, mu kusokomo, mu nsungumunu na mu kinzaambi,

Mukaanda kuri bari Kolosayi 3:16

Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

Musamu wamubwete watina Luka 19:2

Na mono, muutu mosi, nkuumbu yaandi Dzakayi, waba mukuutu batori ba mpaku, na waba kisina.

Mukaanda kuri bari Loma 11:20

Bwabubwete; bimpaala bibyo babitaburi bukuri byahele na kanyi, ngo kasi ye wakangimina mu kanyi. Yaa ba na masiiku ko, ngo ba na boomo.

2 Tim 4:10

Mukwongo, Dema wanyekele, mu lumalu nde weki kutya kwaandi misamu mya ntaangu yimayi, na wayensi ku Tesalonika; Kereseke ngo wuri wayensi ku Ngalatya, na Tito ku Dalamatya.

1 Tim 6:13

Me nyikuloombiri ha busu bwa Nzaambi, nde wuhaanaa kidziingu kuri bitotolo byobinso, na ha busu bwa Kiristo Yesu, wateeri kimbaangi kyakibweete ha busu bwa Pontyo Pilato:

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

1 Tes 1:9

Bukuri bobanso bakwedzoonsolo mu beetu, mu ntambukulu yi lwatutaamburi ha twayisiri kuri beenu, na bunu bu luri lwasiisila beenu biteki na kusyeeteke kuri Nzaambi, mu kusalila nde, Nzaambi ya mwooyo na ya ngwanwa,

Mukaanda kuri bari Efeso 5:5

Mukwongo, yaabeenu dimadi: mpisi kiyala, bunu pe wasumuka, bunu pe ngaa-lukakutu, yiyo nsambukulu-biteki, lo wabubwo wahele na saala mu Kimfumu kya Kiristo bo na Nzaambi.

Biyiriki bya Bantumu 17:25

Nde wahele se na nzala kuri ti myooko mya baatu mimusalisa, kari na nzala kitotolo ti kimosi se ko, nde koohaanaa kuri bobanso kidziingu na muwuumunu na byobinso.

Biyiriki bya Bantumu 14:27

Bu batubuka, bakutukisa dibuundu, bayaabisa momanso ma yirikiri Nzaambi kintwaari na bo, mu kudzibukila bangooyi mweelu wa kanyi.

Musamu wamubwete watina Malako 10:24

Bayiki babaka boomo mu misamu mimyo. Ngo Yesu wabweese kuleele kuri bo ti: «Mwaa-baala, nkati diri dya mpasi mu kukoto mu Kimfumu kya Nzaambi.

Musamu wamubwete watina Matayi 27:57

Nsinsika bu yatubuka, mubakala mosi wa kisina, wa ku Arimatayi, nkuumbu yaandi Yosefi, wayisa. Nde se waba muyiki Yesu.

Musamu wamubwete watina Matayi 6:32

Bukuri byobinso bibyo bangooyi bakwesakaana. Mukwongo, Taayi dya beenu, dya ku yulu, yaari ti beenu luri na nzala byobinso bibyo.

Mukaanda kuri Tito 3:6

Mpeeve yiyo nde kari katsyaamuna ha yulu beetu, kwa mansaalisi mu Yesu Kiristo Mubvuukisi weetu,

1 Tim 5:21

Me nyi kuyingukila ha busu bwa Nzaambi, ha busu bwa Kiristo Yesu, na ha busu bwa bambasi ba Nzaambi ba bari basoolo ti, salila momanso mamo kwahele munsoori na kwahele bubayi.

1 Tim 3:15

mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.

Musamu wamubwete watina Matayi 12:32

Mpisi wunde wuleele ntoono yayibi mu Mwaana muutu, lo sa bamuhemesene; ngo kasi wunde wudzoonsolo bwabubi mu Mpeeve Yangisi, lo bamuhemesene ko, ti mu ntaangu yimayi, ti mu ntaangu yikwiisa.»

Musamu wamubwete watina Luka 3:11

Nde wabvutula, waleele kuri bo ti: «Wunde wuri na binkuta byoolo, kaha kyamosi kuri wahele na kyo; wunde se wuri na byandya kasa bwobumosi.»

1 Tim 6:9

Ngo babo bari na nzala busina, bakoobwaanaa mu nsindukulu, mu myeete, na mu mburi nyiimunu dza buwulu na dzadzibi, dzikotisaana baatu kunsa mfukusulu na nzimbusulu.

2 Pet 1:11

Mukwongo, mu bubwo, nkotulu mu Kimfumu kyahele manunu, kya Mfumu na Mubvuukisi weetu Yesu Kiristo, yiba yaha kuri beenu mu bunsaalisi.

Musamu wamubwete watina Matayi 25:16

Hanaho, kisari kyataambiri bitalanta bitaanu wayende kweebisalila, na wabaka bitaanu bikimi.