1 Tim 6:16 - Musamu Wamubwete 2013

¹⁶ Kuri wunde wuri, wunu nde kitsu wuri kafwaana ko, wadzakala kunsa buungi buri bwa kukokosolo pe, wuri muutu ti mosi kamumwii ko, na katsiitsa kumumono ko, kuba lukiinsu na mpinu dzahele manunu. Amene.

1 Tim 6:16 Referans Kwoze

1 Tim 1:17

Kuri Mbyaasi ya mantaangu momanso, yiri kafwaana ko, bamumonaa ko, Nzaambi yomosi kitsu, kuba lukiinsu na nkeembu mu bibvu ngo bibvu, Amene.

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

1 Yow 1:5

Wumawu ngo mukeensu wu turi twayuka kuri nde, na wu turi mu kuyaabisa kuri beenu: Nzaambi ngo buungi, na mu nde, mwahele mampimbisi ti mamosi.

Mukaanda kuri bari Kolosayi 1:15

Kiristo ngo kidzisi kya Nzaambi wuri bamumonaa ko. Nde ngo watete wabutuka mu biyiriki byobinso,

Musamu wamubwete watina Yowane 6:46

Kuri wu mwaamono Taata ko, mbuti ka wunde wafumuna kuri Nzaambi ko; wunde wumwaamono Taata.

Nyabusulu ya Yowane 22:5

Butsuku bubweese kuba ko; na babweese kuba na nzala buungi bwa mwiinda na bwa ntaangu ko, bukuri Mfumu Nzaambi sa kasa buungi kuri bo, na sa batuma mu bibvu ngo bibvu.

Nyabusulu ya Yowane 4:11

«Ye Mfumu na Nzaambi yeetu, wayelemene mu kutaambula nkeembu, lukiinsu na mpinu, bukuri ye wayirika bitotolo byobinso, na mu kutya kwa ye, byo byaba, na biri byayiriku.»

Nyabusulu ya Yowane 1:6

nde wasa beetu kimfumu kya bangaanga-nzaambi, mu kusalila Nzaambi wuri se Taayi dyaandi; kuri nde kuba nkeembu na makwa mu bibvu ngo bibvu! Amene!

Mukaanda Yuda 1:25

kuri Nzaambi yomosi, Mubvuukisi weetu mu Yesu Kiristo, Mfumu yeetu, kuba nkeembu, bumfumu, makwa na lutumu, tekesele mantaangu momanso na mu lumalu natee bibvu byobinso, bunubwo! Amene.

Mukaanda kuri bari Efeso 3:21

kuri nde kuba nkeembu, mu dibuundu na mu Kiristo Yesu, mu ntoono biseendu byobinso, mu bibvu ngo bibvu, bunubwo. Amene.

Nyabusulu ya Yowane 7:12

baleele ti: «Amene! Kuri Nzaambi yeetu, kuba ndumusu, nkeembu, madyeele, matoondo, lukiinsu, mpinu na makwa mu bibvu ngo bibvu! Amene.»

Mukaanda kuri Bahebeleho 13:8

Yesu Kiristo wuri bwobumosi dzoono, lumalu na na mu mantaangu momanso.

Nyabusulu ya Yowane 21:3

Me nyayuka mbeembu yayinene yapala mu mboloko yabaleele ti: «Mono, musaampu Nzaambi weki ha kakati dya baatu! Nde sa kadzakala na bo, na bo sa baba kaanda dyaandi; na nde ha kakati dya bo, sa kaba [Nzaambi bo].

Musamu wamubwete watina Yowane 14:9

Yesu waleele kuri nde ti: «Me dzakiri na beenu mu mantaangu malaka, na ye wahele kuyaaba me, Filipo? Wunde wumono me, lo Taata kamwiini. Dyaburi ye wuleele ti: "soongo beetu Taata"?

Nyabusulu ya Yowane 1:8

«Me ngo Alafa na Omenga», buleeriri Mfumu Nzaambi, wuri, waba, na wuri mu kwiisa, Mwa-mbete.

Musamu wamubwete watina Yowane 8:58

Yesu waleele kuri bo ti: «Mu ngwanwa mu ngwanwa me nyiluleele, tekesele Abalaami kaba, lo "me nyiri."»

Mukaanda kuri bari Filipo 4:20

Nkeembu kuri Nzaambi, Taayi dyeetu mu bibvu ngo bibvu. Amene.

Mukaanda wa Yakobo 1:17

Mpisi kikabu kyakibwete, na mpisi kimbwanga kyayirima, lo kya ku yulu, kifumunaa kuri taayi dya buungi, kuri nde kwahele nsobokoso na mposi yayiinga kibeendu ko.

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.

1 Yow 4:12

Kuri muutu ko wumwaamono Nzaambi. Mbuti tutilisinaa beetu na beetu, lo Nzaambi wusanaa kikuundi mu beetu, na ntiilu yaandi mu beetu yayeki yakuka.