1 Tim 6:10 - Musamu Wamubwete 2013

¹⁰ Mukwongo, ntiilu ya mboongo ngo mwaansi wa momanso mamabi; babamosi bakaangama mu yo, bayeki badziimbisa kanyi, na bakomono manyutu maaku mu mburi manyoongi.

1 Tim 6:10 Referans Kwoze

1 Tim 6:9

Ngo babo bari na nzala busina, bakoobwaanaa mu nsindukulu, mu myeete, na mu mburi nyiimunu dza buwulu na dzadzibi, dzikotisaana baatu kunsa mfukusulu na nzimbusulu.

Mukaanda kuri Tito 1:11

Ba bubwo bayelemene kubakaangisa minwa, bukuri bari mu kwekotoso kisaangila munsa makaanda mansiina. Bakweyikisa myahele kuyelemene, mu kubaka mufutu wa bumbabu.

Mukaanda Yuda 1:11

Kyaari kuri bo, bukuri banemi nzila ya Kayini, bo bayekimini mu mpumukunu ya Balaami mu ntoono mufutu, na bafuukiri kunsa tungu dya Kore.

2 Tim 4:10

Mukwongo, Dema wanyekele, mu lumalu nde weki kutya kwaandi misamu mya ntaangu yimayi, na wayensi ku Tesalonika; Kereseke ngo wuri wayensi ku Ngalatya, na Tito ku Dalamatya.

1 Tim 3:3

yaa kaba yaa-kinwi ko, yaa kaba se ngaa-bikiindu ko, ngo kasi kaba wadzuuna, wahele kweyumusa baatu, na wahele na ntiki-mboongo.

Musamu wamubwete watina Matayi 23:13

«Kyaari kuri beenu, batini na Bafarisi bangaa-bumpitu-bumpyoongo, bukuri beenu luri mu kukaanga mweelu Kimfumu kya mayulu kuri baatu; kuri beenu-meene lwahele kukoto, na lwahele kukotoso se batiiri kukoto.» [

Mukaanda wa Yakobo 5:19

Bampaangi baami, mbuti mosi mu beenu dziimbiri, na weki la na ngwanwa, na muutu wumubvuturi,

1 Tim 6:21

mari babamosi munsa kwemasalila, bayeki basasika mu kanyi. Bweese buba na beenu!

Nyabusulu ya Yowane 18:13

bi basaanga mu byandya, mamfumfuku, mananaasi, milono, libano, malu, maasi, bifulu bya masaangu, bwaangala, bibulu byabinene, bimeeme, makavaalu, bikokolo, manyutu na miheebulu mya baatu.

Musamu wamubwete watina Matayi 6:19

«Yaa lwekutukisa busina bweenu ha butoto ko, hari bubwiilila bansyelisi na bisekisi, na hari bangaa-kwiibi babula na bayiba.

Musamu wamubwete watina Matayi 13:22

Wuri bunu butoto buri na manseende, bu bwiiri nsaangi, ngo muutu wuri kayukaa Maampu, ngo minyoongi mya nsi, na mawunu ma busina biswetikisi Maampu, na mo mahele kubuta bimbutu.

Musamu wamubwete watina Malako 4:19

kasi minyoongi mya nsi yi, mawunu ma busina, na nyiimunu dza bitsuumbu-bitsuumbu, bu bikotiri mu bo, biswetikise Maampu, na meki bimbutu kubuta pe.

Mukaanda kuri bari Kolosayi 3:5

Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.

2 Tim 3:2

Mukwongo, baatu sa baba na kifu, batiiri mboongo, bangaa-nzala-kubila, bangaa-masiiku, bangaa-saana, bari na nko kuri bataayi na banguri, bari batoonda ko, bahele kubvumina bya Nzaambi,