1 Tim 5:22 - Musamu Wamubwete 2013

²² Yaa tetekele muutu myooko mu mawasu-mawasu ko, na yaa ba kintwaari mu masumu ma ŋani ko; kebe nyutu yaaku kunsa bungisi.

1 Tim 5:22 Referans Kwoze

Mukaanda kuri bari Efeso 5:11

na yaa lweba kintwaari mu biyiriki byahele mufunu bya mampimbisi ko, ngo kasi bitungukilee.

1 Tim 3:10

Bayelemini kutekesele kubafyoongokono; tumi basala kisalu kya dibuundu, mbuti bahele na mi babaseembele.

1 Tim 3:6

Yaa kaba se wamoono mu dibuundu ko; mpisi heki masiiku mahele kumudzusa miisu, na kahele kubwa mu mutsuundu wu batsuundisila dyabulu.

1 Tim 4:14

Yaa nyaafuna kikabu kya bweese kiri mu ye ko, ki bari bakuha mu mbikululu, mu ntetukulu myooko mya kintwaari kya bakulu ba babakala.

Biyiriki bya Bantumu 6:6

Tumi ha babasoongo kuri bantumu, bu basaambila, babatetekele myooko.

2 Yow 1:11

Mukwongo, mpisi wunde wumuha mboto, lo wuri kintwaari mu biyiriki bya muutu wunde byabibi.

2 Tim 1:6

Mu didyo, me nyikubaambula mwooyo ti: bweese kulula mbaawu mu kikabu kya Nzaambi kiri mu ye, ki wuri wataambula mu ntetukulu myooko mya me.

Mukaanda kuri Bahebeleho 6:2

nyikusulu mu mitariri mbotokulu, ntetukulu myooko, mfulukulu ya bafwa, mutsuundu wa manunu.

2 Tim 2:2

Myominso mi wuri wayuka kuri me, ha busu bwa bambaangi balaka, yaabisa myo kuri baatu bakwiikama, bakuka mu kuyikisa myo se kuri bakaka.

1 Tim 4:12

Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

Biyiriki bya Bantumu 13:3

Haho, bu bakoto loomi, bo ba saambila na babatetekele myooko, na ha babasindika.

Nyabusulu ya Yowane 18:4

Me nyayuka mbeembu yikimi ku mayulu yaleele ti: «Baatu baami, palee mu bvula di, mpisi luhele kuba ntwaari mu masumu ma dyo, na luhele kutaambula biteesu bya mpasi dza dyo,

Biyiriki bya Bantumu 20:26

Mu ntoono bubwo me nyilutswiikisa mu kiluumbu kya lolo ti, mu makila ma beenu-banso me nyiri na kibila ko.

Biyiriki bya Bantumu 18:6

Mukwongo, Bayudayo bu baba kwemunyaafuna na kwemutuka, nde wakubula binkuta byaandi na wabaleele ti: "Makila ma beenu mabwa ha yulu mitu myeenu, me nyahele na kibila mu mo; mu lumalu, me ntalisiri kuri bangooyi."

1 Tim 3:2

Mukuutu dibuundu yelemini kuba wahele na di bamuseembele, mulumi wuri na mukasi mosi, wuri na ndiilu na nwiinu byayelemene, wasoongolo, wakiinsuma, mutaamburi-banzeense, wakuka mu kuyikisa;