1 Tim 5:13 - Musamu Wamubwete 2013

¹³ Ha yulu haho se, bilyeebe bari, bo misamu kweyaabila mu kweyende kyaatu-kyaatu mu manzo ma baatu; ngo kari bini bilyeebe bari ko, kasi bangaa-lusuku na bangaa-kintori se, bakweleele myahele kuyelemene.

1 Tim 5:13 Referans Kwoze

Biyiriki bya Bantumu 20:30

na munsa beenu se sa kwateleme baatu ba kwesa biwobiri, mu kunata bayiki ha mambisa ma bo.

Mukaanda kuri Tito 1:11

Ba bubwo bayelemene kubakaangisa minwa, bukuri bari mu kwekotoso kisaangila munsa makaanda mansiina. Bakweyikisa myahele kuyelemene, mu kubaka mufutu wa bumbabu.

Biyiriki bya Bantumu 20:20

Me nyahele kusweeke kitotolo ti kimosi, mu byaba mufunu kuri beenu, mu ntaangu ya kuyaabisa na kuyikisa, ha busu bwa baatu na mu manzo.

Musamu wamubwete watina Luka 10:7

Dzakilee mu nzo yiyo, dyeenee na nweenee bya bo, bukuri kisari wuri na miswa mu kutaambula mufutu waandi. Yaa lupala mu nzo mosi, mu kweekoto mu yakaka.

3 Yow 1:10

Hango-nkuumbu, mbuti me nyiisiri, lo sa nyamubaambula mwooyo, mu biyiriki byaandi, bi kari mu kweyirika: nzoonsulu dzadzibi, dzabudzeke mu beetu; kiminu bu kiheriri kukuka mu mamo, nde wubisa kutaambula bampaangi; na batiiri kwaaku kwetaambula bampaangi, nde wukwebakabukisa na wubapalisa mu dibuundu.

1 Pet 4:15

Mukwongo, muutu ti mosi mu beenu, yaa kamono mpasi ko, bunu ti nde mudzusi kari, bunu pe ngaa-kwiibi, bunu pe muyiriki-mamabi, bunu pe ngaa-kintori.

Mukaanda wa Yakobo 3:10

Mu munwa ndemosi mupala lusakumunu na mampopi. Bampaangi baami, bwahele kuyelemene ti buba bubwo.

1 Tim 5:12

na bari kunsa mutsuundu, bukuri bamwaayekele kanyi dyatete.