1 Tim 4:6 - Musamu Wamubwete 2013

⁶ Wubaangulaana misamu mimyo kuri bampaangi, lo ye sa ba kisari kyakibwete kya Kiristo Yesu, kyadiisulu mu maampu ma kanyi, na mu nyikusulu dzadzibwete, dzi wuri mu kunama kwa kubwete.

1 Tim 4:6 Referans Kwoze

Mukaanda kuri bari Kolosayi 3:16

Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

Mukaanda kuri Tito 2:1

Ye ngo wuri leele, myayelemene na nyikusulu dzadzibwete.

Mukaanda kuri bari Kolosayi 4:7

Mu misamu mitariri me, Tikiko sa kaluyaabisa, nde wuri mpaangi ya mutima, kisari kyakwiikama na mbaasi ya kisalu mu Mfumu.

Musamu wamubwete watina Matayi 13:52

Yesu waleele kuri bo ti: «Hango-nkuumbu, mpisi mutini mangisi weki muyiki wa Kimfumu kya mayulu, wafwanikini na muutu ngaa-nzo, wupalisa mu kisweekulu kyaandi, bitotolo byamoono na byabikulu.»

Mukaanda Yuda 1:5

Me ntiiri kulubaambula mwooyo mu momanso ma luyaari ti, Mfumu kamanaa kubvuukisa lwo lumosi, kaanda ku nsi ya Ngipiti, ha lumbisa haho, nde wafuukisa bari basii kusa kanyi ko.

2 Yow 1:9

Mpisi wunde wuluta nyikusulu dza Kiristo, na wahele kusa kikuundi mu dzo, lo wahele na Nzaambi. Ngo wunde wasa kikuundi mu nyikusulu, lo wuri na Taata na Mwaana.

1 Pet 2:2

Bunu mwaa-baala bansoombo, dilileenu beene dyadibwete, dya maampu ma Nzaambi, mpisi heki mu nde beenu lubuuka mu kubaka mvuukulu,

2 Tim 4:3

Mukwongo, sa kwaba ntaangu yiri, baatu babweese kukuunda kuyuka nyikusulu dzangwanwa ko, ngo bunu buri mantiilu maaku, bo sa basaka kuba na bayikisi balaka babaleele mi batiiri kuyuka.

2 Tim 3:10

Ngo ye wanemi kwakubwete nyikusulu dzaami, ndyaatulu yaami, bitaasi byaami, kanyi dyaami, nkindusulu-mutima yaami, ntiilu yaami, kifiki kyaami,

2 Tim 1:6

Mu didyo, me nyikubaambula mwooyo ti: bweese kulula mbaawu mu kikabu kya Nzaambi kiri mu ye, ki wuri wataambula mu ntetukulu myooko mya me.

1 Tim 6:3

Mbuti muutu wuri na nyikusulu dzikimi, na wahele kukaangama mu maampu mamabwete ma Mfumu yeetu Yesu Kiristo, na mu nyikusulu dzayelemene na kinzaambi,

1 Tim 4:16

Sa madyeele ye-meene, na mu nyikusulu. Namitina kusalila bubwo; bukuri wusalilaana bubwo, lo ye sa wabvuuka ye-meene, na sa wabvuukisa babo bakuywiila.

1 Tim 1:10

bangaa-buyala, babakala bakweta kimpala na bambaasi babakala, baatu bakweyarika bankutu, bangaa-mpya, bakwelaba-maalu ma mpya, na bakweyirika mari kitaatu na nyikusulu dzadzibwete,

1 Tes 3:2

na kuheeke mpaangi yeetu Timoteho, nde wukwesala kintwaari na Nzaambi mu Musamu Wamubwete wa Kiristo, mu kulukumisa na kulusyaamisa mu kanyi dyeenu,

Mukaanda kuri bari Kolosayi 2:19

Bo bahele kukaangama na mutu, bwakaangama nyutu yoyinso, mu biyikulu na misiinga mya nyutu, kuri nyutu yikwebuuka mu mbuukulu yifumunaa kuri Nzaambi.

Mukaanda kuri bari Filipo 3:16

Ngo mu ha tumwaatubukee hamaha, tudyaatilee ha kimosi.

Mukaanda kuri bari Efeso 6:21

Me ntiiri ti beenu se luyaaba misamu mitariri me, mi nyiri mu kusalila. Tikiko, mpaangi ya mutima, na kisari kyakwiikama mu Mfumu, sa kaluyaabisa myominso mimyo.

2 Kol 6:4

Ngo kasi mu myominso, beetu tutiiri kumonokono beetu-meene bunu bisari bya Nzaambi, kunsa kifiki kyalaka, mu mpasi, mu manyoongi, mu kinkuukulu,

2 Kol 3:6

nde watuha makwa mu kuba bisari bya lulelusunu lwamoono, kari mu kisoni ko, ngo Mpeeve, bukuri kisoni kidzusaa, kasi Mpeeve yihaanaa bumwooyo.

1 Kol 4:17

Hango-nkuumbu, me nyaluheekiri Timoteho, mwaana waami wa mutima na wakwiikama mu Mfumu. Nde sa kalubaambula mwooyo mu manzila maami mu Kiristo [Yesu], bunu bu nkooyikisilaa me kwokunso, mu mpisi dibuundu.

Mukaanda kuri bari Loma 15:15

Me nyalutinini mu kibakala mwamumosi, mu nzala kulubaambula mwooyo, mu ntoono bweese bwa mpa Nzaambi,

Biyiriki bya Bantumu 20:35

Mu myominso, me nyasoongiri kuri beenu ti, mu kusala, beenu luyelemini kubakisa bari na buyonsi, na kubaambuka mwooyo mu maampu ma Mfumu Yesu, bukuri nde-meene waleeriri ti: "Kiminu kibvuriri mu kuha ti na mu kutaambula."

Biyiriki bya Bantumu 20:31

Mu ntoono bubwo, beene naana na baambukeenu mwooyo ti, mu lutaangu lwa mibvu mitatu, butsuku na mwiini, me nyahele kudzimbikina kulubula mpisi nde mu beenu, mu mansangasi.

Musamu wamubwete watina Luka 1:3

Me bu nyafyongokini misamu myominso kunu mbandukulu mu bunkete na deredee, nyamwiini ti bwabubwete me se ntina mu ntoono ye Tehofile, muutu walukiinsu,

Biyiriki bya Bantumu 1:15

Mu biluumbu bibyo, Petelo wateleme ha kakati dya bampaangi. Mpuumbu baatu yaba ha kibeendu kikyo, yaba kampe nkama na makuumi moolo ma baatu. Nde waleele ti:

2 Kol 11:23

Bisari bya Kiristo bari? Me nzoonsulu bunu kilawuku, mu kuleele ti me mvuriri na bo; mu bisalu bya makwa, me mvuriri na bo; mu maboroko, me mvuriri na bo; mu nkuba kubwilikila, me mvuriri na bo; na me mvuriri kuba mu nsisi dza lufwa mu ntaangu ngo ntaangu.

Mukaanda kuri bari Filipo 2:20

Mukwongo, me nyahele na muutu mukimi ha yulu nde, wuri bitsimi byobimosi na me, wutsiminaa misamu mitariri beenu mu ngwanwa.

Mukaanda kuri bari Filipo 2:22

Ngo beenu luyaari ma kari kayirika nde: bunu bu buyirikaa mwaana kuri taayi, nde wasala kintwaari na me mu ntoono Musamu Wamubwete.