1 Tim 4:3 - Musamu Wamubwete 2013

³ bakwekabikisa nkweelulu, na bakweha mangisi mu byandya biri Nzaambi wayirika, mu kuri ti baatu bakwiikama na bamwayaaba ngwanwa, badya mu mvutukulu matoondo.

1 Tim 4:3 Referans Kwoze

1 Tim 4:4

Mukwongo, mpisi kiyiriki kya Nzaambi kyakibwete, kuri kya kulooso ko mbuti bakihoriri mu mvutukulu matoondo;

Mukaanda kuri Bahebeleho 13:4

Hemese makweele maba makiinsa kuri bobanso, na mbuka ya makweele yaa yiba yasumunu ko, bukuri Nzaambi sa katsuundisa biyala na bangaa-kimpala.

Mukaanda kuri bari Loma 14:6

Wunde wukweswaasisa biluumbu, wubiswaasisa mu ntoono Mfumu; wunde wukwedya, wudya mu ntoono Mfumu, bukuri wubvutulaa matoondo kuri Nzaambi; wunde wahele kwedyaa, wahele kudya mu ntoono Mfumu, na nde se wubvutulaa matoondo kuri Nzaambi.

Mukaanda kuri bari Kolosayi 2:16

Ngo yaa kuba na muutu wulutsuundisa mu ntoono byandya na nwiinunu ko, bunu pe mu ntoono munkeembu, bunu pe mu ntoono ngoondo yamoono, bunu pe mu ntoono kiluumbu kya mpuumunu.

1 Kol 8:8

Kari byandya bisa kuri ti tukokosolo kuri Nzaambi ko: mbuti twahele kubidya, lo kuri bi tuhelele ko; na mbuti tubidiiri, lo kuri se bi tubvula kubaka ko.

Mukaanda kuri bari Kolosayi 3:17

Na momanso ma lutsiitsa kuyirika mu nzoonsulu, bunu pe mu biyiriki, yirikilee momanso mu nkuumbu ya Mfumu Yesu, mu mvutukulu matoondo mu nde, kuri Taata Nzaambi.

1 Kol 7:28

Ngo mbuti ye kweeriri, lo kari masumu yirikiri ko; na mbuti ntuumba yanswaasa yikweeriri, lo kari masumu kayirika ko; kasi babo bakweele sa bamono mpasi mu muswinyi, ngo me ntiiri kuluwuungula mu mpasi dzidzo.

Mukaanda kuri bari Loma 14:3

Wukoodyaa, yaa kanyaafuna wuri kakoodyaa ko. Wuri kakoodyaa ko, yaa katsuundisa wukoodyaa, bukuri Nzaambi wamutaambula.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

1 Tim 2:4

nde tiiri ti baatu bobanso babvuuka na biisa kunyaabulu ya ngwanwa.

1 Kol 6:13

Byandya bya mwooyo biri, na mwooyo wa byandya, ngo Nzaambi sa katsyaamuna byobyoolo. Nyutu yiri ya buyala ko, ngo ya Mfumu, na Mfumu wa nyutu.

Mukaanda kuri bari Loma 14:17

Mukwongo, Kimfumu kya Nzaambi kiri mu byandya na mu nwiinu ko, ngo nsungumunu, kiyeengi, na kiminu mu Mpeeve Yangisi.

Musamu wamubwete watina Matayi 15:36

Yesu waholo mampa nsaamu na bansu, bu kabvutula matoondo kuri Nzaambi, wabukuna, waha kuri bayiki na bayiki baha kuri mampuumbu.

Musamu wamubwete watina Matayi 14:19

Nde waleele kuri mampuumbu ti madzakala ha yulu bitiiti. Bu kaholo mampa mataanu na bansu boolo, watala ku yulu, wabisakumuna, wabukuna, na waha mampa kuri bayiki baandi, na bo baha mo kuri mampuumbu.

Biyiriki bya Bantumu 27:35

Nde kaleelaa mimyo, waholo mpa, wabvutula matoondo kuri Nzaambi, ha busu bwa bobanso, na bu kabukuna, wabaandika kudya.

Musamu wamubwete watina Yowane 6:23

Mabwaatu makaka, manangukini ku Tiberya mayisa ha kibeendu ki babadya mampa, haho Mfumu kabvutiri matoondo.

Musamu wamubwete watina Luka 24:30

Bu kaba walaambula miilu mu kudya kintwaari na bo, nde waholo mpa, wasakumuna, wabukuna na wabaha.

Musamu wamubwete watina Matayi 15:11

Kari bikookotaa mu munwa bisumunaa muutu ko; ngo bibyo bipalaa mu munwa bisumunaa muutu.»

1 Tim 5:14

Ngo me ntiiri ti bafwiiri bakiri mu buntuumba bakweele, babuta baala, batwaalisa manzo maaku, na yaa baha mpwaani ti mosi ko kuri mutaatu mu kudzoonso mamabi.