1 Tim 3:3 - Musamu Wamubwete 2013

³ yaa kaba yaa-kinwi ko, yaa kaba se ngaa-bikiindu ko, ngo kasi kaba wadzuuna, wahele kweyumusa baatu, na wahele na ntiki-mboongo.

1 Tim 3:3 Referans Kwoze

Mukaanda kuri Tito 1:7

Mukwongo, mukuutu dibuundu wukebaa bya Nzaambi, kayelemini kuba na ntoono yi bamuseembele ko, wahele na masiiku, kari ngaa-mankesi ko, kari yaa-kinwi ko, kari ngaa-bikiindu ko, na kari wukwebakilaa mu bumbabu ko.

Mukaanda kuri Tito 3:2

Muutu kutuka pe, kuba pe bangaa-bikiindu, baba na bumpoombo, basoongo bundeembu kuri baatu bobanso.

Mukaanda kuri bari Efeso 5:18

Yaa lwekolo malu ko, mu mo mu kwiisikila nzimbusulu, kasi beenee baluula mu Mpeeve.

1 Tim 3:8

Bisari se bwobumosi, bayelemini kuba bakiinsuma, bahele na ndima dzoolo, bahele na nwiinunu malu ya makwa, na bahele kwebakila mboongo mu bumbabu.

Mukaanda wa Yakobo 4:1

Kuri kukoofuminaa midziingu, na nwanusunu ha kakati dya beenu? Buri kari mu mantiilu meenu mamabi, makwenwaana munsa binamu byeenu ko?

1 Pet 5:2

Buunguleenu mpuumbu ya Nzaambi yiri ha kakati dyeenu. Kebeenu yo mu bunkete, kari mu kukwiikisa ko, ngo mu mutima-bubwete bunu buri kutya kwa Nzaambi, kari mu kubaka mufutu mu bumpilikisi ko, ngo mu kuheme,

Mukaanda kuri Bahebeleho 13:5

Ndyaatulu yeenu, yaa yiba yatwaalusu mu ntiki-mboongo ko, monee kiminu mu bini bi luri na byo. Bukuri nde-meene Nzaambi waleele ti: «Me nyikupatila ko, me nyikuyekele ko.»

Mukaanda kuri Tito 2:3

Bakyeetu ba binuni se bwobumosi, mu kidziingu kya bo basoongo nzelu yayelemene mu bangisi. Yaa baba na makele ko, yaa baba bankutu ba nwiinu malu ya mawaamba ko, ngo baba bayikisi ba mamabwe,

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Mukaanda Yuda 1:11

Kyaari kuri bo, bukuri banemi nzila ya Kayini, bo bayekimini mu mpumukunu ya Balaami mu ntoono mufutu, na bafuukiri kunsa tungu dya Kore.

2 Pet 2:3

na mu ntiki-mboongo, mu dzoonsolo dza lupyelu bo sa babadiilila manene. Kuri bo kuholosono na kidzika, mutsuundu wuri mu kwesala, na mfukusulu yaaku yahele kubwa tolo.

Mukaanda kuri Tito 1:11

Ba bubwo bayelemene kubakaangisa minwa, bukuri bari mu kwekotoso kisaangila munsa makaanda mansiina. Bakweyikisa myahele kuyelemene, mu kubaka mufutu wa bumbabu.

1 Tes 5:14

Beetu tulusyaamisa, bampaangi: seembeenu babo bari kunsa kisaangila, syaamiseenu bari na boomo, kumiseenu bari na bubolo, beeneenu na nkindusulu-mutima mu bobanso.

Mukaanda kuri bari Loma 16:18

bukuri baatu ba bubwo bahele kusalila Mfumu yeetu Kiristo, ngo kasi myooyo mya bo-meene, na mu maampu mamabwe na mu nzoonsulu dzalupyelu, bo bakwewuna baatu bahele kulubuka.

Biyiriki bya Bantumu 20:33

Me nya sii saka mboongo, bunu pe woolo, bunu pe binkuta bya muutu ko.

Musamu wamubwete watina Matayi 21:13

Yesu waleele kuri bo ti: «Diri dyatinu: "Nzo yaami sa bateele, yo nzo lusaambulu." Ngo kasi beenu lumwaasa yo, ntari bangaa-bumfuna.»

2 Tim 3:2

Mukwongo, baatu sa baba na kifu, batiiri mboongo, bangaa-nzala-kubila, bangaa-masiiku, bangaa-saana, bari na nko kuri bataayi na banguri, bari batoonda ko, bahele kubvumina bya Nzaambi,