1 Tim 3:1 - Musamu Wamubwete 2013

¹ Maampu mamama mayelemene mu kusiila kanyi. Mbuti muutu wuri na nzala kusala kisalu kya bukuutu bwa dibuundu, lo kisalu kyakibwete katiiri.

1 Tim 3:1 Referans Kwoze

Mukaanda kuri Tito 1:7

Mukwongo, mukuutu dibuundu wukebaa bya Nzaambi, kayelemini kuba na ntoono yi bamuseembele ko, wahele na masiiku, kari ngaa-mankesi ko, kari yaa-kinwi ko, kari ngaa-bikiindu ko, na kari wukwebakilaa mu bumbabu ko.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

1 Pet 5:2

Buunguleenu mpuumbu ya Nzaambi yiri ha kakati dyeenu. Kebeenu yo mu bunkete, kari mu kukwiikisa ko, ngo mu mutima-bubwete bunu buri kutya kwa Nzaambi, kari mu kubaka mufutu mu bumpilikisi ko, ngo mu kuheme,

1 Tim 1:15

Maampu mamama mayelemene mu kusiila kanyi, na kumataambula mu mutima ndemunso ti: Kiristo Yesu wayisa ha nsi mu kubvuukisa bangaa-masumu, mu bo me watete.

1 Pet 2:25

Mukwongo, beenu lwaba bunu bimeeme bikweyiima; ngo kasi mu lumalu, lumwaabvutuka kuri mutari na mukebi miheebulu myeenu.

Mukaanda kuri Bahebeleho 12:15

Seenee madyeele, mpisi muutu kahele kubisa bweese bwa Nzaambi, na kuhele kuba mwaansi wankari wumene mu kukotoso kisaangila, na kubiyisa baatu balaka.

2 Tim 2:11

Maampu mamama mayelemene mu kusiila kanyi: «Mbuti tufwiiri kintwaari na nde, lo sa twaba mwooyo kintwaari na nde se;

1 Tim 4:9

Maampu mamama mayelemene mu kusiila kanyi, na kumataambula mu mutima ndemunso.

Mukaanda kuri bari Filipo 1:1

Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari:

Musamu wamubwete watina Luka 15:10

Bwobumosi, me nyiluleele ti, kuri kiminu, ha busu bwa bambasi ba Nzaambi, mu ntoono ngaa-masumu mosi wuyiingiri madyeele.»

Mukaanda kuri Tito 3:8

Maampu mamama mayelemene mu kusiila kanyi, na me ntiiri ti ye yirika kutswiikisa dyaambu didyo, mpisi heki bamwaasiila kanyi mu Nzaambi, batsimina na baheele mutima mu biyiriki byabibwete. Mimyo miri myamibwete na miri mufunu kuri baatu.

Mukaanda kuri bari Efeso 4:12

Mimyo, mu kusa kuri ti, bangisi baba bayirima mu kusa kisalu, kya ntuungulu nyutu ya Kiristo,

Biyiriki bya Bantumu 1:20

Mukwongo, dyaba dyatinu mu mukaanda Mikuunga ti: "Nzo yaandi yiba yayekele, na yaa kuba na muutu wudzakala mu yo ko." Na ti: "Muutu mukimi kaholo kisalu kya nde."

1 Pet 4:15

Mukwongo, muutu ti mosi mu beenu, yaa kamono mpasi ko, bunu ti nde mudzusi kari, bunu pe ngaa-kwiibi, bunu pe muyiriki-mamabi, bunu pe ngaa-kintori.

1 Tes 5:14

Beetu tulusyaamisa, bampaangi: seembeenu babo bari kunsa kisaangila, syaamiseenu bari na boomo, kumiseenu bari na bubolo, beeneenu na nkindusulu-mutima mu bobanso.

Mukaanda kuri bari Loma 11:13

Kuri beenu makaanda me nyeki dzoonso: Mu bukuri me nyiri ntumu kuri makaanda, nyikeembese kisalu kyaami,