1 Tim 1:17 - Musamu Wamubwete 2013

¹⁷ Kuri Mbyaasi ya mantaangu momanso, yiri kafwaana ko, bamumonaa ko, Nzaambi yomosi kitsu, kuba lukiinsu na nkeembu mu bibvu ngo bibvu, Amene.

1 Tim 1:17 Referans Kwoze

Mukaanda Yuda 1:25

kuri Nzaambi yomosi, Mubvuukisi weetu mu Yesu Kiristo, Mfumu yeetu, kuba nkeembu, bumfumu, makwa na lutumu, tekesele mantaangu momanso na mu lumalu natee bibvu byobinso, bunubwo! Amene.

Nyabusulu ya Yowane 19:1

Ha mambisa haho, me nyayuka bunu ti mbeembu yayinene ya mpuumbu baatu yalaka mu mayulu, bari mu kuleele ti: «Aleluya! Mvuukulu, nkeembu na mpinu bya Nzaambi yeetu!

Nyabusulu ya Yowane 17:14

Bo sa basa mudziingu kuri Mwaana kimeeme; na Mwaana kimeeme sa kababwiisa, bukuri nde wuri Mfumu ya bamfumu, Mbyaasi ya bambyaasi. Nde sa kababwiisa mu kintwaari na ba kari kateele mbila, ba kari kasoolo na bakwiikama mu nde.»

Mukaanda kuri bari Kolosayi 1:15

Kiristo ngo kidzisi kya Nzaambi wuri bamumonaa ko. Nde ngo watete wabutuka mu biyiriki byobinso,

Nyabusulu ya Yowane 19:16

Mu kiyuungu na mu kito kyaandi mwatina nkuumbu ti: «Mbyaasi ya bambyaasi, Mfumu ya bamfumu».

Mukaanda kuri bari Loma 1:23

na bayeki baha nkeembu Nzaambi yiri yafwaa ko, kuri biteki biri mu kifwaani kya muutu wufwaanaa, kya banoni, kya bibulu na kya banyoko.

Nyabusulu ya Yowane 19:6

Me nyayuka bunu ti mbeembu ya mpuumbu baatu yalaka, na bunu ti kiyomo kya maampa mamanene, bunu ti mbeembu ya banzasi ba makwa yabaleele ti: «Aleluya! Bukuri Mfumu, Nzaambi [yeetu], Mwa-mpuungu wuri mu kutuma!

1 Yow 4:12

Kuri muutu ko wumwaamono Nzaambi. Mbuti tutilisinaa beetu na beetu, lo Nzaambi wusanaa kikuundi mu beetu, na ntiilu yaandi mu beetu yayeki yakuka.

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

Musamu wamubwete watina Matayi 6:13

Yaa tunata mu nsindukulu ko; ngo ye tukuula kuri Ngaa-bubi."»

Nyabusulu ya Yowane 15:3

Baba yimbilaana mukuunga Moose, kisari kya Nzaambi, na mukuunga Mwaana kimeeme wuleele ti: «Mfumu Nzaambi Mwa-mpuungu, biyiriki byaaku byabinene, na bya nkimukunu! Mbyaasi ya makaanda, manzila maaku masuunguma na mari mangwanwa!

Nyabusulu ya Yowane 7:12

baleele ti: «Amene! Kuri Nzaambi yeetu, kuba ndumusu, nkeembu, madyeele, matoondo, lukiinsu, mpinu na makwa mu bibvu ngo bibvu! Amene.»

2 Pet 3:18

Buukeenu kunsa bweese, na nyaabulu ya Mfumu na Mubvuukisi weetu Yesu Kiristo. Kuri nde, kuba nkeembu lumalu, natee mu kiluumbu kyahele mbandukulu na manunu! Amene.

1 Pet 5:11

Kuri nde kuba mpinu mu bibvu ngo bibvu! Amene.

Mukaanda kuri Bahebeleho 11:27

Mu kanyi, nde wasisa Ngipiti, kwahele kubata nkesi dza mbyaasi; bukuri nde waba wateleme na keketee, bunu muutu wuri mu kumono wunde wuri bamumonaa ko.

Mukaanda kuri bari Loma 16:27

Kuri Nzaambi, ndemosi ngaa-madyeele, mu Yesu Kiristo, kuri nde kuba nkeembu mu mantaangu momanso! Amene.

Mukaanda kuri bari Loma 11:36

Bukuri byobinso kuri nde, mu nde na bya nde. Kuri nde kuba nkeembu mu bibvu! Amene.

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

Mukaanda kuri bari Loma 1:20

Mukwongo, bitotolo bya nde byahele kumonokono, mpinu dzahele manunu na bunzaambi, kuholosono nyirikulu nsi, biri byamonokono mbuti babimwiinini mu biyiriki byaandi. Ngo bo ka babaka mpemisi ko,

Musamu wamubwete watina Matayi 28:20

mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Musamu wamubwete watina Matayi 25:34

Haho, mbyaasi sa kaleele kuri bari ku lubakala lwaandi: "Waseenu, beenu bari taayi dya me walusakumuna; taambuleenu saala ngo kimfumu kibari baluyirikila tekesele nyirikulu nsi.

Musamu wamubwete watina Yowane 5:44

Habaana beenu, nkeembu kutaambula yi lukwehelesene beenu na beenu, ngo lwahele kusaka nkeembu yifumunaa kuri Nzaambi yomosi, lo dyaburi beenu lutsiisa kusa kanyi?

Mukaanda kuri bari Loma 2:10

Ngo kasi nkeembu, lukiinsu na kiyeengi kuri bakweyirika mamabwe, dyatete kuri Muyudayo tumi kuri Muhelene;

Mukaanda kuri Bahebeleho 2:7

Ye wamukulula mwaa-kiteesu kibvuriri buntele na kya bambasi, ye wamulwiika lukoongolo lwa nkeembu na lwa lukiinsu,