1 Tes 5:23 - Musamu Wamubwete 2013

²³ Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

1 Tes 5:23 Referans Kwoze

Mukaanda Yuda 1:24

Kuri wunde wakuka mu kulukebe kwahele kubumuna makya, na kulutelemese ha busu bwa nkeembu yaandi, kwahele maseembu, kunsa nyeense,

Mukaanda kuri Bahebeleho 4:12

Mukwongo, maampu ma Nzaambi mari mwooyo, mari na mpinu, mabvuriri kutwa ti na mpisi saabala dya mabusu moolo, dipaakaa natee haambiri kiluunsi na muheebulu, biyikulu na muluku. Mafyongokinaa, ma kwetsuna muutu, na bitsimi bya mutima.

1 Tes 3:13

Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

Mukaanda kuri bari Filipo 1:10

mu kuyaaba kusobokoso miri mufunu. Mu bubwo beenu luba batsyeemeke, na kuhele kuba na mi baluseembele mu kiluumbu kya Kiristo,

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!

Mukaanda kuri bari Filipo 1:6

Me nyiri na nsiitu mu dimadi: wunde wabaandika kisalu kyakibwe mu beenu, sa kamana kyo natee mu kiluumbu kya Yesu Kiristo.

2 Pet 3:14

Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele

Mukaanda kuri Bahebeleho 2:11

Bukuri muhe bungisi, na bataamburi ba bungisi bobanso, bafumuna mu muutu mosi. Mu ntoono yiyo, nde wahele kumono nsoni mu ku bateele ti bampaangi baandi,

Mukaanda kuri bari Kolosayi 1:22

Kasi mu lumalu, Nzaambi wasa nyukusunu mu lufwa lwa mwaana waandi mu nyutu ya muswinyi, mpisi kalumonokoso bangisi, bahele mi babaseembele, na bahele na mi babafuundila, ha busu bwaandi.

1 Kol 14:33

bukuri Nzaambi, kari Nzaambi ya kisaangila ko, ngo ya kiyeengi. Bunu buri mu mabuundu momanso ma bangisi,

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

Musamu wamubwete watina Luka 1:46

Mariya waleele ti: «Muheebulu waami wusiika Mfumu,

Mukaanda kuri Bahebeleho 13:20

Hemese Nzaambi ya kiyeengi, wafulukisi mu bafwa Mfumu yeetu Yesu, mutari wamunene, mu ntoono makila ma lulelusunu lwa na mu mantaangu momanso,

Mukaanda kuri bari Loma 15:5

Nzaambi ya kifiki na ya nsyamusunu, kasa kuri ti beenu luba na nyukusunu beenu na beenu, bunu buri kutya kwa Kiristo Yesu,

2 Tes 3:16

Hemese Mfumu ya kiyeengi, nde-meene kaluha kiyeengi, mu mantaangu momanso na mu myominso. Mfumu kaba na beenu-banso.

Mukaanda kuri bari Filipo 4:9

Mamo ma luri lwayika, ma luri lwataambula, ma luri lwayuka, na ma luri lwamono kuri me, salilee mo; tumi Nzaambi ya kiyeengi kaba na beenu.

2 Kol 5:19

Mukwongo, Nzaambi waba mu Kiristo, mu kubweese kusa nyukusunu ha kakati dya nsi na nde-meene, kwahele kutaangula baatu lumvuki lwa bo, na kusuusa mu beetu maampu ma kubweese kusa nyukusunu.

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Musamu wamubwete watina Yowane 17:19

[Me] nyisa bungisi mu me-meene mu ntoono bo, mpisi heki bo se baba bangisi mu ngwanwa.»

Mukaanda Yuda 1:1

Yuda, nkutu Yesu Kiristo, mpaangi Yakobo, kuri babo ba bari bateele mbila, batya mu Taayi Nzaambi, na ba bari bakebe mu Yesu Kiristo.

1 Tes 4:3

Kutya kwa Nzaambi kuri ti, beenu luba bangisi na luhele kwesalila buyala.

1 Kol 1:2

tutina kuri dibuundu dya Nzaambi diri ku Korinto, kuri ba bari basakumuna mu Yesu Kiristo, bataambula mbila mu kuba bangisi, kintwaari na bobanso bateelaa nkuumbu ya Mfumu yeetu Yesu Kiristo, mu mpisi kibeendu, Mfumu bo, yiri ya beetu se.

Mukaanda kuri bari Loma 16:20

Mwaa kidzika kyantele, Nzaambi ya kiyeengi sa kakosono Saatana kunsa bitaambi byeenu. Bweese bwa Mfumu yeenu Yesu buba na beenu!

Mukaanda kuri bari Loma 15:33

Hemese Nzaambi ya kiyeengi kaba na beenu-banso! Amene.

Biyiriki bya Bantumu 20:32

Mu lumalu, me nyiluyekele beenu-banso kuri Nzaambi na kuri maampu ma bweese bwaandi, nde wuri na mpinu dza kutuunga nzo na dza kuha saala kuri bobanso basakumunu.

1 Tes 2:19

Mukwongo, beenu luri nsiitu yeetu, kiminu kyeetu, bunu pe lukoongolo lweetu lwa ndulukulu, ha busu bwa Mfumu yeetu Yesu mu ntaangu ya nyisulu yaandi.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

1 Tes 3:11

Hemese Taayi dyeetu Nzaambi nde-meene na Mfumu yeetu Yesu batudzibukila nzila mu kwiisa kuri beenu.

1 Tes 5:22

Yaa luyirika ti dimosi dyadibi ko.

Mukaanda wa Yakobo 1:4

Kifiki kiyelemini kusala kisalu kyakuka, mpisi beenu luba na nyirimunu yayibwete, na luba bakuka kuri luhele kuhelele kitotolo ti kimosi.