1 Tes 4:13 - Musamu Wamubwete 2013

¹³ Bampaangi, beetu tutii ko ti beenu luba kunsa lubu, mu mitariri babo ba mwaafwa, mpisi luhele kwenyoongo bunu bakaka bahele na nsiitu.

1 Tes 4:13 Referans Kwoze

1 Tes 5:10

Nde wafwa mu ntoono beetu, mpisi heki, ti hayuku turi naana ti hayuku twabwa tolo, lo tubeeneenu mwooyo kintwaari na nde.

1 Tes 4:15

Mukwongo, mi turi mu kuleele beetu, bunu buri maampu ma Mfumu, mimami: beetuneenu tuba twakiri mwooyo natee mu nyisulu Mfumu, ka tuba ku mankula ma babo bafwa ko.

Mukaanda kuri bari Efeso 2:12

Baambukeenu mwooyo ti lwaba, mu ntaangu yiyo kwahele Kiristo, bahele kuba na miswa mu kudzakala mu nsi ya Isaheli, banzeense mu ndelusunu dza lusiilulu, bahele na nsiitu na bahele na Nzaambi mu nsi.

2 Pet 3:4

na kweleele ti: «Lusiilulu lwa nyisulu yaandi buri luri kuyirima pe? Mukwongo, kipilu kya fwiiri bakuutu, momanso mari bunu, bwaba mu mbandukulu nyirikulu bitotolo byobinso!»

1 Kol 15:6

tumi, nde wamonokono ha kimosi kuri bampaangi, baluta lutaangu lwa nkama taanu, mu bo kwakiri bari mwooyo natee lumalu, ngo babamosi bayeki bafwa.

Biyiriki bya Bantumu 7:60

Bu katsukuma, wafula musaakulu mu mbeembu yayinene ti: "Mfumu, yaa bataangula sumu dimadi ko." Bu kaleele mamo, Nde wabwa tolo.

2 Kol 1:8

Mukwongo, bampaangi, beetu tutii ko ti beenu luba kunsa lubu, mu mpasi dzi twamono beetu ku Asya: beetu twabamini mu kiteesu kibvuriri makwa, na twaba na kitsimi ko ti, lo tubweesiri kuba bamwooyo.

1 Kol 10:1

Bampaangi, me ntii ko ti beenu luba kunsa lubu: bakuutu beetu bobanso baba kunsa mposi ya tuti, na balutila ha kakati dya mubu.

Mukaanda kuri bari Loma 1:13

Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.

Biyiriki bya Bantumu 13:36

Davidi ha mambisa ma kusalila mya tiri Nzaambi, mu ntaangu yaandi, nde wafwa na bamusuusa ha pele bataayi baandi, na nde wamono mbolulu.

Musamu wamubwete watina Yowane 11:24

Malata wabvutula ti: «Me nyaari ti, nde sa kafuluka haba mfulukulu ya kiluumbu kya mpotulu.»

2 Pet 3:8

Ngo banduku ba mutima, kuri ntoono mosi yiri beenu yaa luhele kuyiyaaba ko: kiluumbu kimosi kuri Mfumu, kiri bunu fuunda dya mibvu, na fuunda dya mibvu diri bunu kiluumbu kimosi.

Biyiriki bya Bantumu 8:2

Baatu bari na kinzaambi kyangwanwa badziika Estefano na bamudila mu ngebe dzalaka.

Musamu wamubwete watina Matayi 27:52

Mampeembe myadzibulu, baatu balaka bangisi baba bafwa bafuluka.

1 Kol 12:1

Bampaangi, mu ntoono ya bikabu bya kimpeeve, me ntii ko ti beenu luba kunsa lubu.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

1 Tes 4:14

Mbuti tusiila kanyi ti Yesu wafwiiri na wafulukiri, lo tusiileenu se kanyi ti Nzaambi sa kafulukisa mu Yesu, babo bafwiiri kuri bari na kanyi mu nde.

1 Tes 5:6

Hango-nkuumbu, yaa tubweeneenu tolo bunu bakaka ko, ngo tubeenee naana na kuba na ndiilu na nwiinu byayelemene.