1 Tes 4:1 - Musamu Wamubwete 2013

¹ Mu misiiri bampaangi, beetu tululoombo na tulusyaamisa mu Mfumu. Bu lwayeki lwayika kuri beetu ndyaatulu yayelemene mu kubweeye kuri Nzaambi, bunubwo se luri mu kwedyaatila, ngo bweeseenu kutoombolo kiteesu.

1 Tes 4:1 Referans Kwoze

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

2 Tes 1:3

Bampaangi, Beetu tuyelemini kubvutula matoondo mpisi ntaangu kuri Nzaambi, mu ntoono beenu. Buri bwabubwete, bukuri kanyi dya beenu diri mu kwebuuka kwalaka, na ntiilu yi luri na yo mu bambaasi yiri mu kwehamisa mu muutu-muutu.

2 Pet 3:18

Buukeenu kunsa bweese, na nyaabulu ya Mfumu na Mubvuukisi weetu Yesu Kiristo. Kuri nde, kuba nkeembu lumalu, natee mu kiluumbu kyahele mbandukulu na manunu! Amene.

Mukaanda kuri Bahebeleho 13:16

Yaa ludzimikina nyirikulu mamabwe ko, na kwebakisina beenu na beenu, bukuri Nzaambi wumonaa kiminu mu bikabu bya bubwo.

Mukaanda kuri bari Filipo 1:9

Di nyiri mu kwesaambikila me diri ti: ntiilu yeenu yihamisa kubvuriri mu nyaabulu yangwanwa, na mu mbakululu yoyinso,

1 Tes 3:12

Hemese Mfumu kabuukisa na kabweese ntiilu yi luri na yo beenu na beenu, na mu baatu bobanso, bunu bu tulutiiriri beetu seenee.

Mukaanda kuri bari Filipo 3:14

nyiri mu kudzumuna mu kutubuka ha ndilu, mu kubaka kimbwanga kya mbila ya ku yulu, ya Nzaambi mu Kiristo Yesu.

1 Yow 3:22

na mpisi ma tuloombo, tumataambula kuri nde, bukuri beetu tukebaa ntumu dzaandi, na tuyirikaa mamabwe ha busu bwaandi.

Mukaanda kuri bari Efeso 4:1

Me nyilusyaamisa, me nyiri boroko mu ntoono Mfumu, mu kudyaatila mu kiteesu kyayelemene na mbila yiyo yibari baluteele,

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

2 Tes 3:1

Mu misiiri, bampaangi, saambileenu mu beetu, mpisi heki maampu ma Mfumu maba mayabakana na maba makeembele bunu bu mari kuri beenu.

2 Tes 2:1

Ngo mu mitariri nyisulu Mfumu yeetu Yesu Kiristo, na kukutukuna kuri nde, bampaangi, beetu tululoombo ti:

Mukaanda kuri bari Kolosayi 2:6

Ngo bu lwayeki lwataambula Kiristo Yesu Mfumu, dyaatilee mu nde,

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Musamu wamubwete watina Yowane 15:2

Nde kooyisilaa mpisi kimpaala kiri mu me, kyahele kuha bimbutu; na nde wu bweeyesaa mpisi kimpaala kiri na bimbutu, mpisi kabvula kubuta bimbutu.

1 Tes 4:2

Mukwongo, beenu luyaari nkya nyikusulu beetu turi twaluha mu nkuumbu ya Mfumu yeetu Yesu.

2 Kol 5:9

Hango-nkuumbu, beetu di tutiiri mu kubweeye kuri nde, ti tuba mu nyutu yi, bunu pe tupala mu yo.

Mukaanda kuri bari Loma 8:8

Babo bari mu muswinyi ka batsiitsa kubweeye kuri Nzaambi ko.

Mukaanda kuri Bahebeleho 13:22

Bampaangi, me nyiluloombo ti kuundeenu maampu mamama ma nsyamusunu, bukuri mwaa-myantele me nyiri na myo mya kulutinina.

Mukaanda kuri Bahebeleho 11:6

Ngo mbuti kanyi dyo pe, lo kuri muutu wubweeye kuri Nzaambi ko; bukuri wunde wukokosolo kuri Nzaambi, yelemini kutaambula ti Nzaambi wuri, na nde koohaanaa museendu kuri babo bamusakaa.

Mukaanda kuri bari Efeso 5:17

Hango-nkuumbu, yaa luba madzeeke ko, ngo kasi bakuleenu buri kutya kwa Mfumu.

Mukaanda kuri bari Efeso 4:20

Ngo beenu kari bubwo ko, luri lwayika mu kuyaaba Kiristo.

2 Kol 10:1

Me Pawulo, nyilusyaamisa me-meene mu bundeembu, na mu mutima-bubwete wa Kiristo. Bakweleele ti, me nyiri na nsoni habaanaa nyiri ha kakati dya beenu, ngo kasi nyakasuka habaanaa nyiri la na beenu;

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

1 Kol 15:1

Bampaangi, me nyilubaambula mwooyo mu Musamu Wamubwete wu nyiri nyaluyaabisa, wu luri lwataambula, wu luri lwasikikila.

1 Kol 11:23

Mukwongo, me nyataamburi kuri Mfumu, mimyo mi nyiri nyatubula kuri beenu ti: Mfumu Yesu, mu butsuku bu baba muyekele, nde waholo mpa

Biyiriki bya Bantumu 20:27

Mu ngwanwa, me nyahele kulusweekele kitotolo ti kimosi, mu kuluyikisa kutya kwa Nzaambi.

2 Tim 4:1

Me nyikuyingukila ha busu bwa Nzaambi, na ha busu bwa Kiristo Yesu, nde wukwiisa kutsuundisa bamwooyo na bafwa, na mu monokunu yaandi na mu kimfumu kyaandi,

1 Tim 5:21

Me nyi kuyingukila ha busu bwa Nzaambi, ha busu bwa Kiristo Yesu, na ha busu bwa bambasi ba Nzaambi ba bari basoolo ti, salila momanso mamo kwahele munsoori na kwahele bubayi.

Mukaanda kuri bari Ngalatya 6:1

Bampaangi, mbuti muutu bamutangusini wuyirika mamabi, lo beenu bakimpeeve suungukeenu wa bubwo, mu mpeeve ya bundeembu, ngo ye-meene se, sa madyeele mpisi hele kubwa mu nsindukulu.

1 Tes 5:12

Bampaangi, beetu tululoombo mu kwebvumina babo bari mu kwesala ha kakati dya beenu, bakwelutwaalisa mu Mfumu na bakwelulubula.

2 Tes 3:13

Beenu ngo bari, bampaangi, yaa luholo-bito ko mu kuyirika mamabwe.