1 Tes 3:8 - Musamu Wamubwete 2013

⁸ Ngo mu lumalu, beetu turi mwooyo bukuri beenu lwakwiikama mu Mfumu.

1 Tes 3:8 Referans Kwoze

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

1 Kol 16:13

Beenee naana, teleme na keketee mu kanyi, lwatee kibakala, beenee na makwa.

Nyabusulu ya Yowane 3:11

Me nyikwiisa mu mawasu: kwaata na keketee bi wuri na byo, mpisi heki muutu kahele kuholo mpu yaaku ya ndulukulu.»

Mukaanda kuri Bahebeleho 10:23

Hemese tukebeenu nsiitu yi turi mu kweyaabisa, kwahele mpololo-bito, bukuri wunde wasa lusiilulu wakwiikama.

Mukaanda kuri Bahebeleho 4:14

Hango, bu turi na mukuutu bangaanga-nzaambi wataba mayulu, Yesu, Mwaana Nzaambi, tukwaatee na keketee kimbaangi kya kanyi.

Mukaanda kuri bari Filipo 1:21

Bukuri ku nyiri me, kuba mwooyo ngo Kiristo, na kufwa ngo ndaandu.

Nyabusulu ya Yowane 3:3

Hango nkuumbu, baambuka mwooyo mu bu wataambula na bu wayukila, kebe na yiinga dyeele. Mbuti wahele kuba naana, sa nyiisa bunu ngaa-kwiibi, na wuyaaba ko mu nkya kilookolo me nyikwiisa kuri yeenu.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

Mukaanda kuri bari Efeso 3:17

Nde kadzakisa Kiristo kunsa mitima myeenu mu kanyi, na luba lwamene myaansi na lwatuunguma kunsa ntiilu,

Biyiriki bya Bantumu 11:23

Nde bu katubuka, wamoono bweese bwa Nzaambi, wakeembe na wasyaamisa bobanso mu mutima mosi, mu kukaangama mu Mfumu,

2 Pet 3:17

Ngo beenu, banduku ba mutima, bu lumwaalubuka, seenee madyeele, mpisi heki luhele kuba bawumunu, mu nzimbusulu ya baatu bahele na mangisi, na luhele kubwa mu nsiitu ya beenu-meene.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

Mukaanda kuri bari Filipo 4:1

Mu didyo, bampaangi baami ba mutima, ba ntiiri kwalaka, beenu luri kiminu kyaami na lukoongolo lwaami; ngo banduku ba mutima, beenee na keketee mu Mfumu.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

1 Kol 15:58

Hango, bampaangi baami ba mutima, beeneenu na keketee, na ngwii, salee kisalu kya Mfumu, mu kiteesu kyalutila mu mantaangu momanso, bu luyaari kuri ti kisalu kyeenu mu Mfumu, ka kiri kyabuunu ko.

Musamu wamubwete watina Yowane 15:7

Mbuti beenu lunamitina kuba mu me, na maampu maami Na maampu maami mamitina kuba mu beenu, lo loombeenu bi lutiiri, na sa lwataambula.

Musamu wamubwete watina Yowane 15:4

Namitinee kuba mu me, na me mu beenu. Bunu buri kimpaala, lo kyahele kubangusina kubuta bimbutu mu kyomeene, mbuti kyahele namitina kuba mu mudzi bviinya; bwobumosi kuri beenu, luri natina bimbutu ko, mbuti lwahele kusa kikuundi mu me.

Mukaanda kuri bari Ngalatya 5:1

Kiristo watukuula mpisi tuba na bunsaalisi. Ngo telemee na ngwii, na yaa lubweese kukoto mu kihaangu kya bunkutu ko.

Musamu wamubwete watina Yowane 8:31

Hango Yesu waleele kuri Bayudayo basiiri kanyi mu nde ti: «Mbuti beenu lunamitini mu maampu maami, lo ngwanwa, beenu luri bayiki ba me;

1 Tes 3:7

Mu didyo, bampaangi, kunsa mpasi dzeetu na manyoongi meetu, beetu twabakiri mboondulu mu beenu mu ntoono kanyi dyeenu.