1 Tes 2:17 - Musamu Wamubwete 2013

¹⁷ Bampaangi, beetu ngo bari, bu twaba la na beenu mu mwaa ntaangu, mu manyutu nkani ka mu mitima ko, mu musoongo walaka wu twaba na nde, twabaka kitsimi kya makwa mu kuri ti tumoneenu mu miisu na miisu.

1 Tes 2:17 Referans Kwoze

Mukaanda kuri bari Kolosayi 2:5

Mukwongo, mbuti heki mu nyutu ya muswinyi me nyahele kuba na beenu, ngo mu kimpeeve nyiri kintwaari na beenu, lo me nyimono kiminu, mu kumono ti beenu luri na bunkete, na luri babukekete mu kanyi dyeenu mu Kiristo.

1 Kol 5:3

Me ngo wuri, mu muswinyi nyahele na beenu, kasi mu kimpeeve nyiri na beenu; me mwaatsuundisa wukweyirika mya bubwo, bunu ti me nyiri ha kakati dya beenu.

1 Tes 3:6

Ngo mu lumalu, Timoteho bu kabeeri kuri beenu mwaakwiisa bvutuka kuri beetu, na watuyaabisiri musamu wamubwete mu ntoono kanyi na ntiilu yeenu, na ti, beenu bunu luri lwakebe bitsimi byabibwete mu beetu, na luri na nzala beetu kumono, bunu bu turi na beetu se nzala kulumono.

Mukaanda kuri bari Loma 1:13

Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.

Mukaanda kuri bari Loma 15:23

Ngo kasi mu lumalu, bukuri nsiiri na kibeendu kya kusalila mu mankoonsi mamo ko, nyiri na musoongo walaka mu kwiisa kuri beenu, kuholosono mibvu myalaka.

Musamu wamubwete watina Luka 22:15

Waleele kuri bo ti: «Me nyabee na musoongo walaka, mu kudya Paaka dimadi, kintwaari na beenu, tekesele me nyimono mpasi;

Biyiriki bya Bantumu 17:10

Hanaho, mu butsuku bampaangi, basiindika Pawulo na Sila ku Beroya. Bu batubuka, bayende ku nzo-nkutukunu ya Bayudayo.

Musamu wamubwete watina Luka 12:58

Mukwongo, lubaanaa lukweende ku muyalu na wunde wu luri lwabakana, lo saka bu luyukisina na nde ha lwakiri mu nzila, mu kubata kuri ti kakukooko ha busu bwa mutsuundisi, na mutsuundisi kakuyakisa mu myooko mya muyongolo, na muyongolo kakusoko mu boroko.