1 Tes 1:10 - Musamu Wamubwete 2013

¹⁰ na mu kwekiingila Mwaana waandi wufumuna ku mayulu, wu kafulukisi mu bafwa, Yesu, nde wutukuula mu nkesi dzikwiisa.

1 Tes 1:10 Referans Kwoze

1 Tes 5:9

Bukuri Nzaambi kasiiri kututaasila mu kubwilikila nkesi ko, ngo kutaambula mvuukulu mu Mfumu yeetu Yesu Kiristo.

Musamu wamubwete watina Matayi 3:7

Bu kamono Bafarisi balaka na Basaduki baba kwiisaana mu kuri ti nde kababotoko, wabaleele ti: «Kitsuumbu kya bampiri, na walusoongiri bwa kuyitikila nkesi dziri mu kwiisa?

Biyiriki bya Bantumu 2:24

Nde Nzaambi kari kafulukisa, mu kumukuula mu myaangala mya lufwa, bukuri bwaketi kuba ko ti, lufwa lumukwaata.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

1 Pet 1:3

Nzaambi, Taayi dya Mfumu yeetu Yesu Kiristo kaba wasakumunu! Nde wuri, bunu buri bunene bwa ngebe dzaandi, watubuta mu mbutukulu yamoono, mu nsiitu dzamwooyo, mu mfulukulu ya Yesu Kiristo mu bafwa,

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

Mukaanda kuri bari Loma 4:25

Nde bamuyekele mu ntoono masumu meetu, na Nzaambi wamufulukisi mpisi tuba basuunguma.

Musamu wamubwete watina Luka 3:7

Yowane, waba leelaana kuri mampuumbu, maba kweendaana kuri nde, mu kubotoko ti: «Kitsuumbu kya bampiri, na wulusoongiri bwa kuyitikila nkesi dziri mu kwiisa?

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

Mukaanda kuri bari Loma 8:34

Na wubakesele mukanu? Kiristo Yesu wafwiiri, ha yulu haho se wafulukiri, wuri ha lubakala lwa Nzaambi, na wuri mu kutunwaanikinaa mu lusaambulu.

Nyabusulu ya Yowane 1:18

wamwooyo, me nyabee nyafwa, ngo mono me nyiri mwooyo mu bibvu ngo bibvu; me nyiri na mafungula ma lufwa na ma lubila.

Biyiriki bya Bantumu 1:11

na baleele kuri bo ti: "Bari Ngalili, mu nki ntoono beenu luri mu kutala ku yulu? Yesu di, wu bayisiri ha kakati dya beenu, weensi ku yulu, bunubwo se mbasi-tsuku kabweese kwiisikila, bunu bu lumumwiini bu kensikiri ku yulu."

2 Pet 3:14

Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele

1 Tes 2:16

Bakwetukabukisa kuyikisa bangooyi mpisi bahele kubvuuka. Mu didyo bo bari mu kukukisilaana kiteesu kya masumu maaku, mpisi ntaangu. Ngo ku manunu nkesi dza Nzaambi dzi mwaa kubatubukila.

1 Kol 1:7

kuri lo beenu luri ti na kikabu kimosi ki luri kyo pe ko, buluri mu kwekiingila monokunu ya Mfumu yeetu Yesu Kiristo.

2 Pet 3:12

bu luri mu kwekiinga na kwebingukila nyisulu kiluumbu kya Nzaambi! Mu kiluumbu kikyo, mayulu makweluluka sa masulumuka, na bitotolo bikwehense mu mbaawu sa byanyengemuke.

Mukaanda kuri Bahebeleho 10:27

ngo bisiiri lo kunu kukiinga mutsuundu wansisi na mbaawu ya makwa, mbasi-tsuku yiyoko bangaa-tungu.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

Mukaanda kuri bari Filipo 3:20

Mukwongo, bula bweetu ngo mayulu, kukwo kuri Mubvuukisi wu turi mu kwekiinga, Mfumu Yesu Kiristo.

Mukaanda kuri bari Ngalatya 3:13

Kiristo watukuula mu mpopi ya Mangisi, bu kabwilikila mpopi mu ntoono beetu, bukuri dyatinu ti: «Mpisi wunde wu bari bamanika ha yulu muti, lo kabwilikila mpopi.»

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

Biyiriki bya Bantumu 17:31

Bukuri nde wasoolo kiluumbu ki katsuundisa nsi mu nsungumunu, mu muutu wunde wu kari kasoolo, na nde wasoongo kimbaangi kuri bobanso mu kumufulukisa mu bafwa."

Biyiriki bya Bantumu 4:10

diba dyayabakana kuri beenu-banso na kuri kaanda dyodinso dya Isaheli ti: mu nkuumbu Yesu Kiristo wa ku Nadzareti, wu lwabee komono beenu, wuri Nzaambi wamufulukisi mu bafwa, mu nde, wumawu kari kateleme nangwii ha busu bwa beenu.

Biyiriki bya Bantumu 3:21

Nde yulu kabweese kutaambula, natee ntaangu yi babweese kuyirika byobinso byamoono, bwa dzoonsiri Nzaambi mu minwa mya babikiri baandi bangisi, kuholosono mantaangu mahele kuwa.

Biyiriki bya Bantumu 3:15

Beenu lwadzusiri mfumu bumwooyo, ngo Nzaambi wamufulukisi mu bafwa, beetu turi bambaangi ba nde.

Musamu wamubwete watina Matayi 1:21

Nde sa kabuta mwaana wa mubakala na ye sa wamuteele nkuumbu Yesu; bukuri nde sa kabvuukisa baatu baandi mu masumu ma bo.»

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!

1 Pet 2:21

Mukwongo, mu bubwo bari baluteele mbila, bukuri Kiristo se wabamini mu ntoono beenu; nde walusisikila kifwaani, mpisi heki beenu lunama mu bitaambi byaandi.

2 Tim 4:1

Me nyikuyingukila ha busu bwa Nzaambi, na ha busu bwa Kiristo Yesu, nde wukwiisa kutsuundisa bamwooyo na bafwa, na mu monokunu yaandi na mu kimfumu kyaandi,

1 Tes 2:7

Twaba kwaandi lo twakuka mu kuri ti beenu lutubuungula, bu turi bantumu ba Kiristo, ngo kasi beetu twaba twaluula mu bundeembu ha kakati dya beenu, bunu musoombi wubuungulaana baala ba nde-meene.

1 Tes 1:7

Mu didyo, beenu lwayeki kifwaani kuri bobanso basiila kanyi, bari ku Makedonya na bari ku Akaya.

Mukaanda kuri bari Kolosayi 1:18

Nde ngo mutu nyutu, nyutu ngo dibuundu. Nde wuri mbandukulu, watete wafuluka mu bafwa, mpisi heki mu byobinso nde kaba watete.

Mukaanda kuri bari Loma 1:4

wu kari kasa Mwaana Nzaambi, mu mpinu, bunu buri Mpeeve ya bungisi, mu mfulukulu ya bafwa, ngo Yesu Kiristo Mfumu yeetu.

Musamu wamubwete watina Luka 2:25

Ku Yerusalemi, kwaba muutu mosi nkuumbu Simehoni. Muutu wunde waba wasuunguma, na wubvuminaa Nzaambi; waba kiingaana mboondulu ya Isaheli, na Mpeeve Yangisi yaba ha yulu nde.

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 16:28

Mu ngwanwa me nyiluleeriri ti: Babamosi mu bateleme hamaha, bafwa ko, natee bakiri mono Mwaana muutu wiisiri mu Kimfumu kyaandi.»

Biyiriki bya Bantumu 2:32

Yesu didyo, Nzaambi wamufulukisa mu bafwa, na beetu bobanso turi bambaangi ba myo.