1 Kol 9:1 - Musamu Wamubwete 2013

¹ Buri me nyiri na bunsaalisi ko? Buri me nyiri ntumu ko? Buri me nyasii mono Mfumu yeetu Yesu ko? Buri beenu luri kisalu kya me mu Mfumu ko?

1 Kol 9:1 Referans Kwoze

Biyiriki bya Bantumu 9:17

Ananya wayende na wakoto mu nzo, na bu kamutetekele myooko, waleele ti: "Sawuli mpaangi yaami, Mfumu heekiri me, Yesu wukumonikinye mu nzila yi bee kwiisa, mpisi heki ye bweese kumono, na se ba waluulusu mu Mpeeve."

1 Tim 2:7

Mu kimbaangi kikyo me bari bansuusa mu kuba dingisi na ntumu, mu kweyikisa makaanda mu nzila ya kanyi na ya ngwanwa; me ngwanwa nyiri mu kuleele, nyahele kufuta mpya.

1 Kol 3:6

Me nyakunini, Apolo wanyaka maampa, ngo Nzaambi wabuukisa.

Biyiriki bya Bantumu 23:11

Mu butsuku bwaba nama, Mfumu wamonoko kuri nde waleele ti: «Ba na kibakala, bukuri, bunu bu teerye kimbaangi mu mitariri me ku Yerusalemi, bunubwo se ye yelimini, kweeta kimbaangi ku Loma.»

Biyiriki bya Bantumu 9:3

Mu ntaangu yi kari mu kweende, wakokosolo na Damasiko, na sisuu, buungi bwafumini ku yulu, bwamudzungukila,

1 Kol 9:19

Bukuri me nyiri mu bunsaalisi kuri bobanso, ngo kasi, me-meene nyataambula kuba nkutu ya bobanso, mpisi heki me mbaka baatu balaka.

2 Tim 1:11

Mu ntoono Musamu Wamubwete wunde, me bayeki bansa mubikisi, ntumu na muyikisi.

Mukaanda kuri bari Ngalatya 5:1

Kiristo watukuula mpisi tuba na bunsaalisi. Ngo telemee na ngwii, na yaa lubweese kukoto mu kihaangu kya bunkutu ko.

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

Mukaanda kuri bari Loma 1:1

Pawulo, nkutu Yesu Kiristo, wataambula mbila mu kuba ntumu na wu bari basoolo mu ntoono Musamu Wamubwete wa Nzaambi.

Mukaanda kuri bari Ngalatya 1:1

Me Pawulo ntumu, kari bu tiiri baatu bunu pe muutu ko, ngo bu tiiriri Yesu Kiristo na taayi Nzaambi wamufulukisa mu bafwa.

1 Tes 2:6

Beetu twasiiri saka masiiku mafumuna kuri baatu ko, mafumuna kuri beenu, bunu pe kuri bakimi ko.

2 Kol 11:5

Mukwongo, me nsimini ti nyahele kubvula buntele, na bantumu ba beenu babanene babo, mu ntoono ti mosi.

1 Kol 1:1

Me, Pawulo, nyataambula mbila bunu buri kutya kwa Nzaambi, mu kuba ntumu Kiristo Yesu, beetu na mpaangi Sosetene,

Mukaanda kuri bari Loma 11:13

Kuri beenu makaanda me nyeki dzoonso: Mu bukuri me nyiri ntumu kuri makaanda, nyikeembese kisalu kyaami,

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Biyiriki bya Bantumu 14:14

Bantumu bu bayuka, Barnaba na Pawulo bakaakala binkuta, babingikila kuri mpuumbu, bafula misaakulu

Biyiriki bya Bantumu 14:4

Mpuumbu ya bvula yakabuma mu bibari byoolo; bamosi baba mu kibari kya Bayudayo, bakaka mu kya bantumu.

Biyiriki bya Bantumu 13:2

Bu baba mu kusaambila Mfumu, na baba bakoto loomi, Mpeeve Yangisi yabaleele bumabu ti: "Nsuusuleenu ha luteke Barnaba na Sawulo mu ntoono kisalu ki nyabateeriri mbila.

Biyiriki bya Bantumu 9:15

Mfumu waleele kuri nde ti: "Yende, bukuri weki kisalulu kya me ki nyiri nyasoolo, mu kunata nkuumbu yaami ha busu bwa makaanda, na se ha busu bwa bambyaasi na baala ba Isaheli;

Biyiriki bya Bantumu 9:5

Nde wafuula ti: "Ye na, Mfumu?" Wumawu waleele ti: "Wu me Yesu wu wuri mu kwekwaamisa,

1 Kol 10:29

Nsimunu yi nyiri mu kudzoonsolo me, kari ya nde-meene ko, ngo ya muutu mukimi. «Bukuri nki, bunsaalisi bwa me buri bwatsuundusu mu nsimunu ya muutu mukimi?

1 Kol 10:30

Mbuti me nyibvutulaa matoondo mu bi nyidya, lo buri bateesele me mamabi, mu mi nyiri mu kubvutula matoondo?»

1 Kol 11:16

Ngo mbuti kuri muutu wutii kusa nkalikisi mu mimyo, lo beetu twahele na kifu kikyo, na mabuundu ma Nzaambi se mahele na kifu kikyo.

2 Kol 10:7

Yirikee kutala bitotolo bunu bu biri. Mbuti muutu wumono dyo ti nde wuri wa Kiristo, lo kayirika kuyaaba ti nde bukari wa Kiristo beetu se turi ba Kiristo.