1 Kol 4:7 - Musamu Wamubwete 2013

⁷ Mukwongo, na wumono kuri ti ye bvuriri? Nki ye wuri na byo, biri kari kutaambula wuri wataambula ko? Na mbuti kutaambula wuri wabitaambula, buri wuri mu kusa kimweese bunu ti wahele kutaambula?

1 Kol 4:7 Referans Kwoze

Musamu wamubwete watina Yowane 3:27

Yowane wabvutula na waleele ti: «Muutu kari ntaambula kitotolo ti kimosi ko, mbuti yulu dyahele kumuha kyo.

1 Pet 4:10

Mpisi muutu, bunu buri kikabu kikari kataambula, kasalila kyo mu ndaandu ya bobanso, bunu bakebi bababwete ba mabweese ma Nzaambi, ma bitsuumbu-bitsuumbu.

Mukaanda wa Yakobo 1:17

Mpisi kikabu kyakibwete, na mpisi kimbwanga kyayirima, lo kya ku yulu, kifumunaa kuri taayi dya buungi, kuri nde kwahele nsobokoso na mposi yayiinga kibeendu ko.

Mukaanda kuri bari Loma 12:6

Turi na bikabu byasobokono, bunu buri bweese bu bari batuha. Mbuti mbikululu, lo yiba bunu bu yelemini mu kanyi;

Musamu wamubwete watina Yowane 1:16

Bukuri mu nduululu yaandi, beetu-banso twataambula bweese ha yulu bweese;

Musamu wamubwete watina Luka 19:13

Bu kateele bisari byaandi kuumi, wabakabula mipata kuumi mya woolo na waleele kuri bo ti: "Seenee mumbungu mu ntaangu yi nyeensi me."

1 Kol 15:10

Mu bweese bwa Nzaambi, me nyiri bu nyiri, na bweese bwaandi ku nyiri me, bwasii ba bwabuunu ko, kasi me nyabvula kusala na bobanso, ngo kari me ko, kasi bweese bwa Nzaambi buri mu me.

1 Kol 7:7

Me mbee ntii kwaandi, ti baatu bobanso baba bunu me; kasi mpisi muutu wuri na kikabu kya nde-meene kya muha Nzaambi, wamosi wuri na kimaki, wakaka wuri na kikyo.

Mukaanda kuri bari Loma 12:3

Mukwongo, me nyileele ti, mu bweese bu bari baha kuri me, kuri mpisi muutu mu beenu, mu kuhele kuba na ndyaatulu ya masiiku, yalutila kiteesu, ngo beenee na ndyaatulu ya madyeele, bunu buri kiteesu kya kanyi, dyaha Nzaambi kuri muutu-muutu.

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

1 Kol 5:6

Kimweese kya beenu kiri kyakibwe ko. Buri beenu lwahele kuyaaba, ti mwaa-ndaambu lufunusu yikootoombolaa mbanda yoyinso?

1 Kol 3:5

Heki Apolo nki? Pawulo nki? Bisari biri beenu mu byo luri lwataambula kanyi, bunu bwaheeriri Mfumu kuri muutu-muutu.