1 Kol 3:9 - Musamu Wamubwete 2013

⁹ Bukuri beetu turi bakwesala kintwaari na Nzaambi. Beenu luri nseke Nzaambi, na luri nzo ya Nzaambi.

1 Kol 3:9 Referans Kwoze

1 Pet 2:5

na beenu-meene se, bunu matari mamwooyo, beene batuunguma mu nzo ya kimpeeve, mu kuyirika kingaanga kyangisi, mu kuha bikabu byayoku byakimpeeve, byataambulu kuri Nzaambi mu Yesu Kiristo.

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

1 Kol 3:16

Buri beenu lwahele kuyaaba ti beenu luri nzo-Nzaambi, na ti Mpeeve Nzaambi yadzakala mu beenu?

Musamu wamubwete watina Malako 16:20

Bayiki bayende mu kweyaabisa Musamu Wamubwete mwomunso. Mfumu waba kwesala na bo, na kwetswiikisa maampu mu bidiimbu.]

Musamu wamubwete watina Matayi 9:37

Haho, Yesu waleele kuri bayiki baandi ti: «Byakutolo munsa nseke byalaka, ngo bangaamba bantele.

1 Kol 3:6

Me nyakunini, Apolo wanyaka maampa, ngo Nzaambi wabuukisa.

Mukaanda kuri bari Kolosayi 2:7

bu lwayeki lwamene myaansi, lwatuungu mu nde, na lwasyaamusu mu kanyi, bunu bu bari baluyikisa, bvutuleenu matoondo ha yulu matoondo.

Mukaanda kuri bari Efeso 2:10

Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.

1 Kol 6:19

Buri beenu lwahele kuyaaba ti, nyutu beenu, ngo Nzo-nzaambi Mpeeve Yangisi, yiri mu beenu, yi luri lwataambula kuri Nzaambi, na lwahele kubweese kuba ba beenu-meene?

Biyiriki bya Bantumu 4:11

Yesu ngo "Tari, dyanyaafunu kuri beenu batuungi, dyeki dyanguri ha kuumbu."

3 Yow 1:8

Mu didyo, beetu tuyelemini kutaambula ba bubwo, mpisi heki tuba bakwesala kintwaari mu ntoono ngwanwa.

1 Tim 3:15

mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.

2 Kol 6:16

Nkya nyukusunu yiri ha kakati dya Nzo ya Nzaambi na biteki? Bukuri beetuneenu turi Nzo ya Nzaambi yamwooyo, bunu bwaleele Nzaambi ti: «Me sa nzakala ha kakati dya bo, na me sa nyeyende na bo, Me sa mba Nzaambi bo, na bo sa baba baatu baami.»

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

Musamu wamubwete watina Matayi 16:18

Na me ndeeriri ku wuri yeenu: Ye ngo Petelo, mbangukulu ti tari; na ha yulu tari didyo me sa nyatuunga dibuundu dyaami. Mpinu dza lufwa ka dzibvula makwa na dyo ko.

Musamu wamubwete watina Matayi 15:13

Yesu wabvutula waleele kuri bo ti: «Mpisi muti, wuri kari Taayi dyaami dya ku yulu wakuna ko, sa kaba watuubula.