1 Kol 3:1 - Musamu Wamubwete 2013

¹ Me ngo wuri, bampaangi, me nyasii bangusina kuludzoonsolo bunu ti kuri baatu bakimpeeve ko, ngo bunu ti kuri baatu ba muswinyi, bunu ti kuri mwaa-baala bansoombo mu Kiristo.

1 Kol 3:1 Referans Kwoze

Mukaanda kuri Bahebeleho 5:13

Mukwongo, mpisi wunde wakiri mu kwenwa beene, lo wakiri kuyaaba pe kusobokoso maampu ma nsungumunu, bukuri nde wakiri mwaa-mwaana wansoombo.

1 Kol 2:6

Madyeele ma turi mu kweyikisa beetu ha kakati dya baatu babuuka, mari madyeele ma ntaangu yimayi ko, mari se ma bamfumu ba ntaangu yimayi, bari mu kweende kumfukusulu ko;

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

Mukaanda kuri bari Loma 7:14

Beetu tuyaari ti mangisi mari ma kimpeeve, ngo me nyiri na nyutu ya muswinyi, bayeki banyarika kuri masumu.

1 Yow 2:12

Me nyitinina kuri beenu mwaa-baala, bukuri masumu ma beenu mayeki mahemusunu, mu ntoono nkuumbu yaandi.

Mukaanda kuri bari Ngalatya 6:1

Bampaangi, mbuti muutu bamutangusini wuyirika mamabi, lo beenu bakimpeeve suungukeenu wa bubwo, mu mpeeve ya bundeembu, ngo ye-meene se, sa madyeele mpisi hele kubwa mu nsindukulu.

Musamu wamubwete watina Matayi 16:23

Yesu bu kasyeeteke, waleele kuri Petelo ti: «Satana, ba ku mambisa ma me. Ye wubumisa me makya, bukuri ma wutsima ye mari ma Nzaambi ko, ngo ma baatu».

1 Kol 14:37

Mbuti muutu wutsima ti nde mubikiri, bunu pe wa kimpeeve, lo kayaaba ti, ma nyiri mu kutinini beenu mamama, lutumu lwa Mfumu luri.