1 Kol 2:5 - Musamu Wamubwete 2013

⁵ mpisi heki kanyi dya beenu di hele kuba kunsa madyeele ma baatu, ngo diba kunsa mpinu dza Nzaambi.

1 Kol 2:5 Referans Kwoze

2 Kol 4:7

Beetu tukwenata busina bumabu, mu bisa bya tubuumbu, mpisi heki mpinu dza kiteesu kyalutila, dziba dza Nzaambi nkani ka dza beetu ko.

2 Kol 12:9

Ngo nde wandeele ti: «Bweese bwa me bwakuka mu ye, bukuri mpinu dzaami dzimonokinaa kunsa buyonsi.» Ngo me mvuriri kutya kusa kimweese mu buyonsi bwaami, mpisi heki mpinu dza Kiristo dzidzakala mu me.

2 Kol 6:7

mu maampu ma ngwanwa, mu mpinu dza Nzaambi; mu kuba na binwaanunu bya nsungumunu, bya kooko kwalubakala na bya kooko kwalumoso,

1 Kol 1:17

Mukwongo, Kiristo wahele kuheeke me mu kubotoko, kasi mu kuyaabisa Musamu Wamubwete, ngo kwahele kusalila madyeele ma nzoonsulu, mpisi heki kuruwa dya Kiristo di hele kuba dyabuunu.

1 Kol 3:6

Me nyakunini, Apolo wanyaka maampa, ngo Nzaambi wabuukisa.

Biyiriki bya Bantumu 16:14

Ngo mukyeetu mosi, nkuumbu Lidya, waba tuywiilaana, nde waba muyariki mansaanda mamabwe mabeenge, waba ku bvula dya Tyatira, nde waba bvuminaa Nzaambi. Mfumu wa dzibula mutima nde, kuri nde kangamini mu mimyo mya ba dzoonsaana Pawulo.