1 Kol 13:4 - Musamu Wamubwete 2013

⁴ Ntiilu yiri na nkindusulu-mutima, yayibwete, yahele na musoki, ntiilu yahele na nzala-kubila, yahele na masiiku,

1 Kol 13:4 Referans Kwoze

1 Pet 4:8

Tekeselee meti, kutilisina kwalaka beenu na beenu, bukuri "ntiilu yifuukaa fundu-fundu dya masumu".

Mukaanda kuri bari Efeso 4:32

Beeneenu na mbweeyulu-mutima mu beenu na beenu, bangaa-bundeembu, kwehemesene beenu na beenu, bunu bwa luhemesene Nzaambi mu Kiristo.

Mukaanda kuri bari Kolosayi 3:12

Ngo bu luri lwasoolu kuri Nzaambi, luri bangisi, na lwatya kuri nde, beeneenu na mutima wa ngebe, wa mbweeyulu, wa nkulukulu, wa bundeembu na wa nkindusulu.

1 Yow 4:11

Banduku ba mutima, mbuti Nzaambi watutiila mu kiteesu kya bubwo, beetu se tuyelemini kwetilisina beetu na beetu.

1 Pet 3:8

Ha mambisa haho, yukusunee beenu-banso, kabusinee mpasi, tyeenee bampaangi, beenee bangaa-ngebe, beene bakuluka,

1 Tes 5:14

Beetu tulusyaamisa, bampaangi: seembeenu babo bari kunsa kisaangila, syaamiseenu bari na boomo, kumiseenu bari na bubolo, beeneenu na nkindusulu-mutima mu bobanso.

2 Pet 1:7

ha yulu kinzaambi, nzala-baatu, ha yulu nzala-baatu, ntiilu.

Mukaanda kuri bari Efeso 4:2

mu nkulukulu yoyinso, mu bundeembu, mu nkindusulu-mutima, mu kwekuunda bambaasi beenu na beenu mu ntiilu.

2 Kol 6:6

mu nsyemukunu, mu nyaabulu, mu nkindusulu-mutima, mu mbweeyulu-mutima, mu Mpeeve Yangisi, mu ntiilu yahele bumpitu-bumpyoongo,

Mukaanda kuri bari Kolosayi 1:11

Mu bubwo beenu luba na mpinu mu myominso bunu buri makwa ma nkeembu yaandi, mu kuba na kifiki na kukiindisa mutima mu myominso. Mu kiminu,

Mukaanda kuri bari Ngalatya 5:26

Yaa tubeenee bangaa-masiiku ko, beetu na beetu bisoombolo pe, musoki pe.

1 Kol 4:6

Bampaangi, mu ntoono beenu me mporiri kifwaani mu Apolo na mu me-meene, mpisi heki mu beetu, beenu luyika ntoono yiri ti: «Kupala pe ku mbasi mamo matinu», mpisi heki luhele kusa masiiku mu mosi kuri wakaka.

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

2 Tim 3:10

Ngo ye wanemi kwakubwete nyikusulu dzaami, ndyaatulu yaami, bitaasi byaami, kanyi dyaami, nkindusulu-mutima yaami, ntiilu yaami, kifiki kyaami,

1 Pet 2:1

Ngo looseenu momanso mamabi, momanso mamawunu, bumpitu-bumpyoongo, musoki, na makele.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

1 Kol 3:3

bukuri beenu lwakiri baatu ba muswinyi. Mukwongo, habaanaa kuri bukwa, na mayumu ha kakati dya beenu, buri lo kari baatu ba muswinyi luri ko? Na kari mu kimuutu luri mu kwedyaatila ko?

Biyiriki bya Bantumu 7:9

"Bankaaka babakila Yosefi musoki, na bamuyarika ku Ngipiti. Ngo Nzaambi waba na nde,

2 Tim 2:25

Nde yelemini kuyikisa bari na muhaawu, mu bundeembu kuri ti kampe Nzaambi wubaheeri nyiingulu madyeele, mu kuyaaba ngwanwa,

1 Tim 6:4

lo nde masiiku ma mudzusa miisu, na kayaa kitotolo ko. Nde wuri na bubeeru bwa nkalikisi na mayumu mu misamu. Kukwo kukoofuminaa musoki, nkalikisi, bitari, nsimunu mamabi,

1 Kol 8:1

Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

Mukaanda kuri bari Loma 1:29

Bayeki baluula mu momanso ma bubayi, mu mutima-bubi, mu ntiki-mboongo, mu nyirikulu mamabi; baluula mu musoki, nzusulu baatu, mu mayumu, mu mawunu, mu ndyaatulu dzadzibi. Bo bangaa-saana,

Mukaanda wa Yakobo 4:5

Buri beenu lutsimini ti, kwa mungengi Matinu mari mu kuleele ti: "Nzaambi tiiri mu bukwa mpeeve yi kari kasuusa mu beetu"?

1 Kol 4:18

Babamosi basii masiiku, kutsima ti kampe me nyikwiisa kuri beenu ko.

Mukaanda kuri bari Loma 13:13

Twedyaatileenu bunu buyelemini mu mwiini-ngeembe: kwahele ndiilu ya mawaamba, nkolulu malu, kimpala, buyala, mayumu na musoki,

Mukaanda kuri bari Kolosayi 2:18

Yaa lutala ko ti babo bakwemono kiminu mu kiteesu kya nkulukulu, na mu kwesaambila bambasi, baluwuungula. Bo bakwekengese bitotolo kwa buunu, na bakwesiika mu bitsimi bya kimuutu kyaaku.

Mukaanda kuri bari Filipo 1:15

Bamosi bari mu kweyaabisila Kiristo mu bukwa na mu nkalikisi, ngo bakaka mu mutima-bubwete.

2 Kol 12:20

Mukwongo, me nyibata kuri ti, ha nyikwiisa me mpele kulumono mu kiteesu ki ntiiriri me; na beenu se luhele kumono me mu kiteesu ki lutiiriri beenu. Me nyibata ti ha kakati dya beenu, haba mayumu, musoki, mankesi, nkalikisi, makele, kintori, kinwa, na kisaangila.

1 Kol 5:2

Ngo beenu, ha kibeendu kya kuba mu ngebe mpisi heki, wukweyirika ma bubwo, kaba wayisulu ha kakati dya beenu, beenu kusa masiiku?

Musamu wamubwete watina Matayi 27:18

Mukwongo, Pilato waba yaari ti mu musoki bamuyekiryee.