1 Kol 12:8 - Musamu Wamubwete 2013

⁸ Mukwongo, kuri wamosi Mpeeve waha maampu ma madyeele, kuri wakaka maampu ma nyaabulu bu tiiri Mpeeve yiniyo,

1 Kol 12:8 Referans Kwoze

2 Kol 8:7

Ngo bukuri beenu luri na byobinso byabuukula: kanyi, lungweensu, nyaabulu, kuheme mu myominso, na ntiilu yi luri na yo mu beetu; lo beenee se babuukula mu bweese bubwo.

1 Kol 1:5

bukuri mu nde, beenu lwayeki bisina mu momanso, mu maampu momanso na mu nyaabulu yoyinso.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

1 Kol 13:8

Ntiilu yawaa ko, mbikululu sa dzawa, mandiinga sa mawa, nyaabulu sa yawa.

Musamu wamubwete watina Matayi 13:11

Nde wabvutula kuri bo ti: «Bukuri, kuri beenu baheeri kiteesu kya kuyaaba mpaanu dza Kimfumu kya mayulu; ngo kuri bo, bahele kuha.

1 Kol 13:2

Mbuti me nyiri na kikabu kya kubikula, nyikwebakula mpaanu dzodzinso, nyiri na nyaabulu yoyinso, na nyiri na kanyi dyodinso kuri lo, nyinaanguna na milaandu, ngo nyahele na ntiilu, lo me nyiri wabuunu.

Biyiriki bya Bantumu 6:3

Saakeenu bampaangi nsaamu, ha kakati dya beenu, bari na kimbaangi kyakibwete, baluula mu Mpeeve na mu madyeele, batuheenee kisalu kikyo.

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

1 Kol 2:11

Mukwongo, nani mu baatu yaari mya muutu, mbuti ka mpeeve ya muutu yiri mu nde-meene ko? Bunubwo se, mya Nzaambi kuri muutu wu mi yaari ko, mbuti ka Mpeeve ya Nzaambi ko.

1 Kol 2:16

Mukwongo, «na wayaaba kitsimi kya Mfumu? Na wutsiitsa kumuyikisa?» Beetu ngo bari, turi na kitsimi kya Kiristo.

1 Kol 14:6

Ngo mu lumalu bampaangi, mbuti me nyiisaa kuri beenu, kuludzoonsolo mu mandiinga, lo nkya mufunu me nyiba na nde kuri beenu, mbuti nyahele kudzoonso mu kutubula nyaabusulu, bunu pe nyaabulu, bunu pe mbikululu, bunu pe nyikusulu?

1 Kol 14:26

Bampaangi, nki kwaandi? Mu ntaangu yi lukutukunaa beenu, mosi wuri na mukuunga, wakaka wuri na nyikusulu, mukimi wuri na nyabusulu, wuni wuri na ma kuleele mu ndiinga, wakaka wuri na mambangukulu: myominso miyirimina mu ntuungulu.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

2 Kol 2:14

Matoondo kuri Nzaambi! Nde wuri mu mpisi ntaangu wutululukisaa mu Kiristo, na wukwepukulaa mu mpisi kibeendu, mfuku ya nyaabulu yaandi mu beetu.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

2 Kol 6:6

mu nsyemukunu, mu nyaabulu, mu nkindusulu-mutima, mu mbweeyulu-mutima, mu Mpeeve Yangisi, mu ntiilu yahele bumpitu-bumpyoongo,

2 Kol 11:6

Mbuti mu mya kudzoonso me nyahele na lungweensu, ngo kari mu mya nyaabulu ko; mimyo beetu twasoongo mu mpisi mpwaani, na mu biteesu byobinso kuri beenu.