1 Kol 10:6 - Musamu Wamubwete 2013

⁶ Misamu mimyo ngo kifwaani kuri beetu, kuri heki tuhele kuba bakwenyiima mamabi, bunu bwaba kwenyiimaana bo.

1 Kol 10:6 Referans Kwoze

Mukaanda Yuda 1:7

Bunu buri Sodoma na Ngomora na mabvula ma badyengekele, masariri buyala bunu bo, mu kiteesu kyokimosi, na banemi bari na manyutu ma kinzeri kikimi, bo bari mu kifwaani kya baatu babwiilikila maseembu ma mbaawu ya mantaangu momanso.

1 Kol 10:11

Misamu mimyo myayirimini mu bo, mpisi miba kifwaani, na miri myatinu mu kuba nyikusulu kuri beetu, bari tweki mu mantaangu ma manunu.

Mukaanda kuri Bahebeleho 4:11

Ngo, tubingikileenu mu kukoto mu mpuumunu yiyo, mpisi heki kuhele kuba muutu wubwa bwobumosi mu nko.

2 Pet 2:6

Nde wakese mukanu wa mfukusulu kuri mabvula ma Sodoma na Ngomora, bu kamakitula lufuta, mu kusoongo kuri baatu bahele na kinzaambi kifwaani kya mamo makwiisa ku mankula.

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,

Mukaanda kuri bari Loma 5:14

Koomosoko, kuholosono mu ntaangu ya Adami natee ya Moose, lufwa lwaba se mu baatu, bari basii yirika masumu mafwanikina na kusinina kwa mangisi kwa Adami ko. Nde wuri kifwaani kya wunde waba wuri mu kwiisa.

Mukaanda kuri Bahebeleho 9:24

Mukwongo, Kiristo wahele kukoto mu manzo mangisi, matuungu mu myooko mya baatu, mari kini kifwaani kya nzo yangisi yangwanwa, ngo wakoto mu yulu dyo-meene, mu kumonokono lumalu ha busu bwa Nzaambi mu ntoono beetu.