1 Kol 10:16 - Musamu Wamubwete 2013

¹⁶ Mbasa ya lusakumunu yi tusakumunaana, yiri kintwaari na makila ma Kiristo. Mpa yi tubukunaana yiri kintwaari na nyutu Kiristo.

1 Kol 10:16 Referans Kwoze

Biyiriki bya Bantumu 2:42

Bobanso basyaama mu nyikusulu dza bantumu, mu kintwaari, mu mbukununu mpa na mu nsaambulu.

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

Biyiriki bya Bantumu 2:46

Mpisi kiluumbu, baba namitinaana kuba mu kintwaari mu Nzo-nzaambi, mu kubukuna mpa, na kukabula byandya ku nzo,

1 Kol 1:9

Nzaambi wakwiikama, nde waluteele mbila mu kuba kintwaari na mwaana waandi Yesu Kiristo, Mfumu yeetu.

1 Yow 1:3

Mamo ma turi twamono, ma turi twayuka, tuyaabisa mo se kuri beenu, mpisi heki beenu se luba mu kintwaari na beetu. Ngo kintwaari kyeetu, kintwaari na Taata na Mwaana waandi Yesu Kiristo.

Biyiriki bya Bantumu 20:7

Kiluumbu kyatete kya lumiingu, bu twabvuutuna mu kubukunu mpa, Pawulo waba dzoonsaana na babo, bukuri waba kweende mu kiluumbu kyaba nama, nde wanonono luyolo natee mu kakati dya butsuku.

1 Kol 12:13

Bukuri beetu-banso batubotoko mu Mpeeve yomosi, mu nyutu yomosi, ti Bayudayo, ti Bahelene, ti bankutu, ti baatu bari na bunsaalisi, na beetu-banso batunwiisa mu Mpeeve yomosi.

Biyiriki bya Bantumu 20:11

Bu katoomboko, wabukuna mpa na wadya, walutisa ntaangu yalaka na wadzoonso natee ku nkyeelele bwiisi, na wayende.

Musamu wamubwete watina Luka 22:17

Bu kaholo basa, wabvutula matoondo, na waleele ti: «Holee yo, na kabulee beenu na beenu;

1 Kol 10:15

Me nyiri mu kuludzoonsolo bunu ti kuri baatu bari na nyukulu, fyongokineenu beenu-meene mi nyileele me.