1 Kol 10:13 - Musamu Wamubwete 2013

¹³ Nsindukulu dzi lubwanikina na dzo, dzahele kuba dzaluta kiteesu, ngo dzayelemene mu baatu. Nzaambi wakwiikama, nde kaha miswa ko ti beenu luba lwasindukulu mu kiteesu kibvuriri makwa na beenu, ngo kunsa nsindukulu, nde sa kuluha mpwaani ya kupalila, kuri lubangisina kukuunda.

1 Kol 10:13 Referans Kwoze

2 Pet 2:9

Mamo masoongo ti, Mfumu yaari kukuula bangaa-kinzaambi mu mpasi, na kukebe bahele kusuunguma mpisi baba baseembu mu kiluumbu kya mutsuundu,

2 Tim 4:18

Mfumu sa kankuula mu momanso mamabi ma banyirikila, na sa kamvuukisa mu kunkotoso mu kimfumu kyaandi kya mayulu. Nkeembu yiba kuri nde mu bibvu ngo bibvu! Amene.

2 Tes 3:3

Ngo Mfumu wakwiikama, nde sa kalukumisa na kulukala mu Ngaa-bubi.

Mukaanda kuri Bahebeleho 12:4

Beenu lwakiri kutanda mpe mu kunwaanisa masumu, natee mu kiteesu kya makila.

1 Tes 5:24

Wunde wuri mu kuluteele mbila wakwiikama, sa kakukisa momanso.

Musamu wamubwete watina Luka 22:46

Nde wabaleele ti: «Ha nki! Luri tolo? Telemee lusaambila mpisi luhele kukoto mu nsindukulu.»

2 Kol 1:10

Nde watukuuriri mu lufwa lwa bubwo, na mbasi-tsuku wutukuula, mu nde turi twasa nsiitu ti sa kabweese kutukuula.

Nyabusulu ya Yowane 3:10

Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

1 Pet 4:19

Hango, babo se bamonaa mpasi bunu buri kutya kwa Nzaambi, bayekele miheebulu mya bo kuri Muyiriki wakwiikama, mu nyirikulu mamabwe.

1 Yow 1:9

Mbuti tutambukilaa masumu meetu, lo nde wuri wakwiikama na wasuunguma, mu kutuhemesene masumu meetu, na mu kututsyeemese mu mpisi lumvuki.

1 Kol 1:9

Nzaambi wakwiikama, nde waluteele mbila mu kuba kintwaari na mwaana waandi Yesu Kiristo, Mfumu yeetu.

Mukaanda kuri Bahebeleho 11:11

Mu kanyi, Sara nde se, ti bukuri waba kisita na mibvu myaba myeki myaluta, nde wabangusini kusa busoombi, bukuri nde wamwiini ti wunde wasa nsiilulu wakwiikama.

Mukaanda kuri Bahebeleho 10:23

Hemese tukebeenu nsiitu yi turi mu kweyaabisa, kwahele mpololo-bito, bukuri wunde wasa lusiilulu wakwiikama.

Musamu wamubwete watina Luka 11:4

Tuhemesene masumu meetu, bukuri beetu-meene se tukoohemisinaa mpisi watuyirikila dyadibi; na yaa tunata mu nsindukulu ko."»

Mukaanda kuri Bahebeleho 6:18

mpisi heki mu misamu myoolo miri myayiingaa ko, miri lo Nzaambi wahele kusa mpya, tutaambuleenu nsyamusunu dzalaka, mu kukwaata na keketee nsiitu dzi bari batutaasila;

Nyabusulu ya Yowane 19:11

Me nyamono yulu dyadzibulu, na kavaalu dyahembeke dyapala, waba wadzakala ha yulu dyo, nkuumbu yaandi wakwiikama na wangwanwa. Nde wutsuundisaa na wunwaanaa mudziingu kunsa nsungumunu.

Musamu wamubwete watina Luka 16:26

Ha yulu haho se, kuri beenge dyadinene diri ha kakati dya beenu na beetu, kuri heki batiiri kuyisika hamaha mu kuluta kuri beenu, lo bahele kubangisina; na kwahele se bwa kuyisikila kukwo, mu kusabuka kuri beetu."»

Biyiriki bya Bantumu 27:44

Heki mu babo basiiri, babamosi basalila mabaya, bakaka basalila mabaya ma bayisila mu bwaatu. Bubwo bobanso batubuka ku simu, mpee-mpolo.

Musamu wamubwete watina Matayi 6:13

Yaa tunata mu nsindukulu ko; ngo ye tukuula kuri Ngaa-bubi."»