1 Kol 1:8 - Musamu Wamubwete 2013

⁸ Nde ngo wulukumisa natee kunu manunu, mpisi heki luba bahele maseembu mu kiluumbu kya Mfumu yeetu Yesu Kiristo.

1 Kol 1:8 Referans Kwoze

1 Tes 3:13

Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].

Mukaanda kuri bari Kolosayi 1:22

Kasi mu lumalu, Nzaambi wasa nyukusunu mu lufwa lwa mwaana waandi mu nyutu ya muswinyi, mpisi kalumonokoso bangisi, bahele mi babaseembele, na bahele na mi babafuundila, ha busu bwaandi.

Mukaanda kuri bari Filipo 1:6

Me nyiri na nsiitu mu dimadi: wunde wabaandika kisalu kyakibwe mu beenu, sa kamana kyo natee mu kiluumbu kya Yesu Kiristo.

2 Tes 3:3

Ngo Mfumu wakwiikama, nde sa kalukumisa na kulukala mu Ngaa-bubi.

Mukaanda kuri bari Efeso 5:27

mpisi kamonokoso kuri nde-meene, dibuundu dyakeembusu, dyahele na mpita bunu pe mihonyi, bunu pe kitotolo kyafwanikina na bibyo, ngo kasi diba dyangisi na dyahele maseembu.

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

Mukaanda kuri bari Filipo 1:10

mu kuyaaba kusobokoso miri mufunu. Mu bubwo beenu luba batsyeemeke, na kuhele kuba na mi baluseembele mu kiluumbu kya Kiristo,

2 Pet 3:14

Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele

Mukaanda kuri bari Loma 14:4

Ye na wuri, mu kutsuundisa kisari kya ŋani? Kaba wateleme bunu pe wabwa, lo mitariri mfumu yaandi. Ngo sa kaba wateleme, bukuri Mfumu wuri na lutumu mu kumutelemese.

2 Pet 3:10

Kiluumbu kya Mfumu sa kiisa na sisuu bunu ngaa-kwiibi. Mu kiluumbu kikyo mayulu sa maluta mu kiyomo kya makwa. Bitotolo bikweluluka sa byasulumuka, na butoto na biyiriki biri mu bwo sa byaba byafuukusu.

2 Kol 1:21

Wunde wukookumisaa beetu na beenu mu Kiristo, na watukila maasi, ngo Nzaambi;

2 Kol 1:14

bunu bu lumwaabakula kwa ndaambu, ti beetu turi kimweese kya beenu, bunu bu luba beenu se kuri beetu, mu kiluumbu kya Mfumu yeetu Yesu.

1 Kol 5:5

yekeleenu muutu wa bubwo kuri Satana, mpisi muswinyi kaba wafuukusu, na kiluunsi kiba kyabvuukusu mu kiluumbu kya Mfumu.

Musamu wamubwete watina Luka 17:24

Bunu bu serimaa nseremi kuri yiha buungi kuholosono ku nto yulu yamosi natee ku yakaka, bunubwo se buba Mwaana muutu [mu kiluumbu kya nde].

Musamu wamubwete watina Luka 17:30

Bunubwo se, mbasi-tsuku buba mu kiluumbu, kiyabukina Mwaana muutu.»

Mukaanda kuri bari Loma 8:19

Mukwongo, nsi yoyinso yiri mu kwekiingila mu kinsukulu-mutima, ntaangu mbasi-tsuku, yi yabakana baala ba Nzaambi.

1 Kol 3:13

lo kisalu kya mpisi muutu sa kyaba kyamonokono. Mukwongo, kiluumbu sa kyasoongo, bukuri kisalu sa kyayabakana mu mbaawu, mbaawu sa yatsiitsa kumono bunu buri kisalu kya mpisi muutu.

2 Kol 1:13

Beetu turi na misamu mikimi mi tulutinina ko, ha yulu mi luri mu kutaanga na kubakula; ngo me nsimini ti beenu sa lwayirika kubakula kwakubwe,

Mukaanda kuri bari Kolosayi 2:7

bu lwayeki lwamene myaansi, lwatuungu mu nde, na lwasyaamusu mu kanyi, bunu bu bari baluyikisa, bvutuleenu matoondo ha yulu matoondo.

1 Tes 5:2

Mukwongo, beenu-meene luyirikiri kuyaaba ti, kiluumbu kya Mfumu sa kiisa bunu ngaa-kwiibi mu butsuku.

2 Tes 2:2

yaa luwasula kumono mutima mambaawu ko, na yaa luba na boomo ko mu mbikululu, mu nyikusulu, bunu pe mu mukaanda wu baleele ti wafumuna kuri beetu; bunu ti kiluumbu kya Mfumu ki mwaakwiisa.

2 Tim 1:12

Mu ntoono yiyo se, me nyiri mu kumono mpasi dzimadzi, ngo nyahele na nsoni, bukuri me nyaari mu nani me nyiri nyasa kanyi, na nyabakula ti, nde wakuka mu kukebe maampu ma kari kampa, natee mu kiluumbu kikyo.

2 Tim 1:18

Hemese Mfumu kamuha miswa mya kutaambula mpemisi kuri Mfumu, mu kiluumbu kikyo. Na kisalu kyokinso ki kari kasala nde ku Efeso, ye-meene bvuriri kuyaaba.