1 Kol 1:2 - Musamu Wamubwete 2013

² tutina kuri dibuundu dya Nzaambi diri ku Korinto, kuri ba bari basakumuna mu Yesu Kiristo, bataambula mbila mu kuba bangisi, kintwaari na bobanso bateelaa nkuumbu ya Mfumu yeetu Yesu Kiristo, mu mpisi kibeendu, Mfumu bo, yiri ya beetu se.

1 Kol 1:2 Referans Kwoze

Mukaanda kuri bari Loma 1:7

Kuri banduku ba Nzaambi bobanso ba mutima, bari ku Loma, bataambula mbila mu kuba bangisi: bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo, biba na beenu.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Mukaanda kuri Bahebeleho 13:12

Mu didyo se Yesu, mu kuri ti kaha bungisi kuri baatu mu makila ma nde-meene, nde wamono mpasi ku mbisa bvula.

1 Tes 4:7

Mukwongo, Nzaambi ka siiri kututeele mbila mu kuba kunsa nsumukunu ko, ngo mu kuba kunsa bungisi.

Mukaanda kuri Bahebeleho 10:10

Mu kutya kukwo, beetu turi twataambula bungisi, mu Yesu Kiristo waheeri nyutu yaandi bunu kikabu lwo lumosi.

2 Kol 4:5

Mukwongo, beetu twahele kweyaabisa mi tariri beetu-meene, ngo Yesu Kiristo Mfumu turi mu kweyaabisa; beetu-meene ngo turi bisari bya beenu mu ntoono Yesu.

Biyiriki bya Bantumu 9:14

Na hamaha, nde wuri na lutumu lwa bakuutu ba bangaanga-nzaambi mu kukaanga bobanso basaambila nkuumbu yaaku.

Nyabusulu ya Yowane 19:16

Mu kiyuungu na mu kito kyaandi mwatina nkuumbu ti: «Mbyaasi ya bambyaasi, Mfumu ya bamfumu».

Mukaanda Yuda 1:1

Yuda, nkutu Yesu Kiristo, mpaangi Yakobo, kuri babo ba bari bateele mbila, batya mu Taayi Nzaambi, na ba bari bakebe mu Yesu Kiristo.

Mukaanda kuri Bahebeleho 2:11

Bukuri muhe bungisi, na bataamburi ba bungisi bobanso, bafumuna mu muutu mosi. Mu ntoono yiyo, nde wahele kumono nsoni mu ku bateele ti bampaangi baandi,

2 Tim 1:9

Nde watubvuukisa, na watuteele mbila yangisi, kari mu ntoono biyiriki byeetu ko, ngo kasi bunu buri bitaasi bya nde-meene na bweese bu kari katuha mu Kiristo Yesu, tekesele mantaangu mahela kuwa.

1 Tim 3:15

mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.

2 Tes 1:1

Pawulo, Silvano na Timoteho kuri dibuundu dya bari Tesalonika, mu Nzaambi Taayi dyeetu, na mu Mfumu Yesu Kiristo.

1 Tes 1:1

Pawulo, Silvano na Timoteho, kuri dibuundu dya Tesalonika, mu Taata Nzaambi na mu Mfumu Yesu Kiristo: bweese na kiyeengi biba na beenu.

Mukaanda kuri bari Efeso 5:26

Nde wadisa dyangisi mu kuditsyeemese mu nswaakulu ya maampa, kunsa Maampu;

2 Kol 1:1

Pawulo, ntumu Kiristo Yesu mu kutya kwa Nzaambi, na Timoteho mpaangi, kuri dibuundu dya Nzaambi diri ku Korinto, na kuri bangisi bobanso bari mu Akaya dyodinso.

1 Kol 8:6

Ngo kasi, mu beetu lo Nzaambi yomosi yiri, Taayi, mu nde byobinso biri byafumuna, na beetu turi ba nde; Mfumu se yomosi yiri, Yesu Kiristo, byobinso byayirimina mu nde, na beetu turi mwooyo mu nde.

Mukaanda kuri bari Loma 10:12

Mukwongo, kwahele nsobokoso ha kakati dya Muyudayo na Muhelene. Bukuri bobanso Mfumu mosi, wuri kisina kuri bobanso bakoomuteelaa mbila.

Mukaanda kuri bari Loma 3:22

Nzaambi wuluulukisa bobanso, mu kanyi mu Yesu Kiristo. Mukwongo, kwahele nsobokoso,

Biyiriki bya Bantumu 22:16

Ngo mu lumalu, nki wubweese kukiinga? Teleme, taambula mbotokulu, na mpemusunu ya masumu maaku, mu nteelulu nkuumbu yaandi."»

Biyiriki bya Bantumu 18:1

Ha mambisa haho, Pawulo wasiisa Atena na wayende ku Korinto.

Biyiriki bya Bantumu 15:9

na wahele kusa nsobokoso ha kakati dya bo na beetu, bukuri mu kanyi, Nzaambi katsyeemisinyee mitima mya bo.

Biyiriki bya Bantumu 10:36

Nde waheeke maampu maandi kuri baala ba Isaheli, mu kuyaabisa Musamu Wamubwete wa kiyeengi mu Yesu Kiristo, nde wuri Mfumu ya bobanso.

Biyiriki bya Bantumu 9:21

Bobanso baba yuka, bakimuka na baleele ti: "Buri kari wumawu ko wabee kwenwaanisa ku Yerusalemi babo babee kwetaanguna nkuumbu Yesu, na hamaha nde kwiisa kari mu kubakaanga na kubanata kuri bakuutu ba bangaanga-nzaambi ko?"

2 Tim 2:22

Yitika mantiilu ma butuuti, saka nsungumunu, kanyi, ntiilu, na kiyeengi mu kintwaari na babo bayingukilaa Mfumu mu mutima watsyeemeke.

Mukaanda kuri bari Ngalatya 1:2

Mu kintwaari na bampaangi bobanso bari na me, turi mu kutina kuri mabuundu ma mu nkoonsi ya Ngalatya.

Biyiriki bya Bantumu 9:13

Ananya wabvutula ti: "Mfumu, baatu balaka badzoonsiri me mu muutu wu, nde wayirika mamabi malaka kuri bangisi baaku ku Yerusalemi.

Mukaanda kuri bari Loma 8:28

Beetu tuyaari kuri ti, byobinso bisalisinaana mu bubwe bwa batyaanaa Nzaambi, babo bakari kateele mbila bunu buri bitaasi byaandi.

1 Kol 10:32

Yaa lwebumisa baatu makya ko, ti Bayudayo, ti Bahelene, ti dibuundu dya Nzaambi,

1 Kol 12:27

Beenu luri nyutu Kiristo, na mpisi muutu kinamu kya nyutu.

1 Tim 2:8

Ngo me ntiiri ti babakala besaambila mu mpisi kibeendu, kuri banaanguna myooko myatsyeemeke, kwahele nkesi na nkalikisi.

2 Tim 2:19

Diri dyangwanwa ti lufulu lwa sa Nzaambi lwa makwa lwateleme, luri na kinyemu kyatina ti: «Mfumu yaari baatu baandi, na wunde wutaangunaa nkuumbu Mfumu, yelemini kutatuka na mamabi.»