Yunus 3:2 - Alkitab Duri

² nakua, “Ta'pa maleko lako kota lompo Niniwe, mupauanni to tau jio to parenta mangka Kupauanko.”

Yunus 3:2 Referans Kwoze

Yunus 1:2

Nakua, “Ta'pa maleko lako kota lompo Niniwe mupauanni to tau jio kumua la kusolanganni, nasaba' kuissenmo to panggaukanna liwa' gaja'.”

Yahya 5:14

Ia tonna sitammu pole' omo lan Bola Puang Allataala nakuamo Puang Isa, “Malagahmoko tuu too, danggi'mo mupugauk pole' dosa anna danggi' mumasessa pole' to la'bih mabanda'.”

Matius 3:8

Iamo joo la mipangpekitan to panggaukan melomi mpamanassai kumua mengkatoba'mo kamu' jio mai dosami!

Yunus 3:3

Napesa'dingngimi Nabi Yunus to parenta-Na PUANG Allataala namale lako kota Niniwe. Gaja luah joo kota Niniwe, sitallung allo nalingkai tau, namane' ndete'i to cappa'na.

Yunus 3:1

Mangkada pole' omi PUANG Allataala mangpenduanna lako Nabi Yunus

Ester 9:31

Dipattantui na ia to to-Yahudi sola bati'na la mpakala'bihhi joo allo Purim ke nadete' omi wattunna ke taun oi. Mangka napamanassa to-Yahudi ba'tu pira-pira allo mattantu to nanii puasa sola mbating mpengngingaranni tonna masussa. Na ia tee wattu la mangpamula sininna to-Yahudi mpakala'bih tooi to allo Purim. Susimi joo to mangka napangparentan Mordekhai to-Yahudi sola Datu Ester.