Yunus 3:10 - Alkitab Duri

¹⁰ Ia tonna kitami Puang Allataala to pengkatobaranna to-Niniwe kumua mpatorro tonganmi panggaukan gaja'na, ssulleimi akkatta-Na nate'da pole' najaji ssessai to to-Niniwe.

Yunus 3:10 Referans Kwoze

Lukas 15:20

Ta'pa ke'dehmi, napole lako ambe'na. Mambela unapi jio mai bola, nakitami ambe'na. Massemi penawanna nakinjara' ntammuii, naraka'i naudungngi.

Amos 7:6

Ia joo peta'danna Amos Napesa'dingngi PUANG Allataala, Namangkada Nakua, “Ia joo mukita, te'da una nalajaji.”

Lukas 11:32

Na ia ke Kiama'mi lino, ia to to-Niniwe la dipatuo pole' sola to tau too allo la mpasalai, nasaba' mengkatoba' ia to to-Niniwe tonna sa'dingmi to pangngajahna Nabi Yunus. Apa denni lan tangnga-tangngami tee too to la'bih mala'bihpa na Nabi Yunus! Moi nasusi joo te'dapa mikatappa'ii to kadan-Na.”

Amos 7:3

Ia joo peta'danna Amos Napesa'dingngi PUANG Allataala, Namangkada Nakua, “Ia joo mukita te'da una nalajaji.”

Yunus 4:2

Massambajangmi lako Puang Allataala nakua, “Oo PUANG, namangka memanmo kupau ba'tu piran jio kampongku' kumua nang la Tasullei akkatta-Ta'. Iamo joo kupalai lako kota Tarsis, nasaba' kuissen kumua Kita'mo Allataala to mamase na mangpakamoja', liwa' sabbara' na te'da napaja to pangpakamoja'-Ta' antasullei akkatta-Ta' te'da Tasessa tau.

Yunus 4:11

Umbo nakua tanglamasse penawang-Ku' lako kota Niniwe to nanii torro saratuh duangpulo sa'bu tau sola patuoanna buda. Na ia to tau te'dapa naissenni kumua umbonna to melo na umbonna to gaja'.”

Kada Bulawan 28:13

Ia to tombuni kasalanna te'da napusaroi, apa ia to tonnakui kasalanna napaja mpugaukki, la Nakamasei Puang Allataala.