Yudas 1:9 - Alkitab Duri

⁹ Moi Mikhael, to puanggawana malaeka' jao suruga, te'da napugaukki susi joo. Ia tonna sisakka sola Ballisi' ssialaii batang rabukkuna Nabi Musa, te'da nabarani Mikhael mpasalai ba'tu ncapa'-capa'i to Ballisi'. Nakua mandara Mikhael, “Na Puang Allataalamora nggarra'ko.”

Yudas 1:9 Referans Kwoze

2 Petrus 2:11

Na ia una to malaeka' to la'bih mauku na makuasa too na ia joo guru tangtongan, na te'da nacapa'-capa'i ke napasalai joo guru tangtongan jio olo-Na Puang Allataala.

Pengkitanna Yahya 12:7

Anna sirari to malaeka' jao suruga. Mikhael sola malaeka'na nnewai joo naga, apa ia joo naga nabalii toda ia malaeka'na.

Daniel 12:1

Mangkada pole'i joo malaeka' mangrupa tau, nakua, ‘Ia ke la Kama'mi lino, la ratui Mikhael sala mesa'na kapala malaeka' ntulung bangsamu. Na ia joo wattu na la den kamaparrisan la'da'. Te'dapa naden kamaparrisan susi joo, mangpamula den bangsa ratu lako joo wattu. Apa la salama' bangsamu to diuki'mo sanganna lan Sura' Katuoan.

Daniel 10:13

Apa mane' ratura' tee too, nasaba' duangpulo mesa allona nnewa mesa' malaeka' gaja' to ngkuasai Persia. Mangkai joo too, ratui Mikhael sala mesa'na kapala malaeka' ntulungna', nasaba' dipamesa-mesana' ntuu joo sola rajana to-Persia.

1 Petrus 3:9

Ia ke denni tau mpugauk kagajatan lako kamu', danggi' mipabalahhii. Na ia ke denni tau ngkada-kadai kamu', danggi' too mipabalahhii. La'bih melo ke mipassambajanganni lako Puang Allataala nabarakka'ii joo tompugauk kagajatan. Napilei kamu' Puang Allataala menjaji umma'-Na ammipeta'danni barakka' to padammi rupa tau. Ia ke mipugaukmi susi joo, la nabarakka'i toda kamu' Puang Allataala.

1 Tesalonika 4:16

Ia ke mellaomi Puang Isa jao mai suruga disa'ding to gamaranna puanggawana malaeka' gaja tonggo na dipannoni too to tarompe'-Na Puang Allataala. Iamo joo menjaji tanda na ia to tomatappa' lako Almaseh to jolomo lako la dipatuo jolo'.

Markus 15:29

Ia to tau liu lalan ntuu jio, pada mangroge kollong ncapa'-capa' Puang Isa nakua, “Ee, Ikomo to la rro'pokan Bola Puang Allataala, na tallung allora la munii ngkabua' pole'i!