Yudas 1:7 - Alkitab Duri

⁷ Ingaran tooi to tau torro jio kota Sodom na Gomora, sola tau jio kota mengguririkkina, napugauk todai susi to napugauk joo malaeka'. Ia tuu lako tau manggauk sala, nakabudai sigauk sala padanna muane ba'tu padanna baine, anna rabunnii Puang Allataala joo kota nakandei api sola to tau torro lan. Ia joo pangsessa susi joo menjaji pangpakainga' lako sininna tau, sanga susii to sessana api naraka dukku te'da cappa'na.

Yudas 1:7 Referans Kwoze

2 Petrus 2:6

Susi too nasessai Puang Allataala to-Sodom na to-Gomora tonna anu', nasaba' tangmangpesa'dingngi. Nasumpunni to kotana anna au mandamora torro. Iamo joo menjaji tanda kumua apa to la jaji lako togaja'.

Lukas 17:29

Apa ia tonna salaimi Lot to kota Sodom, ratumi to uran api na colo' jao mai langi', ssolangngi ngasanni joo tau.

Matius 25:41

Mangkai joo too kukuamo lako to to jio sa'de kairing-Ku' kumua, ‘Ee, kamu' to ditampakki ropu, palai kamu' ntee! Mentama kamu' api naraka dukku te'da cappa'na, to dipasadianmo Ballisi' sola tuu lako malaeka'na.

1 Korintus 6:9

Tantu miissenmo kumua ia to tote'da naturu' pakkaeloran-Na Puang Allataala, te'da namenjaji umma'-Na Puang Allataala. Danggi' miuraga kalemi! Ia to tomanggauk sala, tossompa dewata, tosibali padanna muane,

Amos 4:11

Mangkada-I Puang Allataala Nakua, “Mangkamo kamu' pira' Kulanynya'i susi tong-Kulanynya'i to to-Sodom na to-Gomora sola kotana. Na ia to tuo unapa lan alla'mi susimira to tampak kaju nasesa api to diala lan mai dapoh. Na moi nasusimo joo, te'da unapa mibalik lako Aku'.” Susimi joo kadan-Na PUANG Allataala.

2 Petrus 3:7

Ia to langi' na lino tee too naampai Puang Allataala mpake kadan-Na, arannai nadete' wattunna la dira'tah kara-karana to tolino. Ia joo wattu la disabu'i to langi' na lino nakande api, anna ia to totangmangpesa'ding la disessa na disabu'i.

Matius 11:24

La miingaran kumua, ia ke Kiama'mi lino, la'bih mabanda' kamu' sessami na ia to to-Sodom.”

Matius 10:15

Ingaranni! Ia ke Kiama'mi lino, la'bih nasessai Puang Allataala to tau lan joo kota na ia to to-Sodom na to-Gomora.”

2 Tesalonika 1:7

Na lako kamu' tomapa'dik susi toomi kami', la naben Puang Allataala kamasannangan ke ratu pole'i to Puang Isa mellao jao mai suruga mpangpekitan kalena sola buda malaeka'-Na to napakuasa,

2 Tesalonika 1:8

na den too api manglaka-laka. La ratu pole'i to Puang Isa na ssessai to tote'da nakasiri' Puang Allataala sola tocia' ntarimai to karebanna Puangta' Puang Isa.

2 Petrus 2:2

Na ia joo panggaukan salana llelei buda tau anna ia to pangngajaran tongan jio mai Puang nacaccai tolino.