Yudas 1:4 - Alkitab Duri

⁴ Gaja parallu joo, nasaba' denmo guru tangtongan mentama buni tangnga-tangngami. Nakua kumua, “Pada-padaki' tomatappa'”, apa sitonganna cia'i mengkaturu' lako Puang Allataala. Nakua too kumua, “Wa'ding bangki' manggauk sala situru' pakkaeloran penawanta', sanga mangpakamoja' to Puang Allataala.” Iamo carana mbalik salai to pangngajaran pangpakamoja'-Na Puang Allataala. Te'da too natarimai to Puang Isa Almaseh kumua Ia manda mesa-mesanna Puangta' to makuasa. Ia joo guru tangtongan la nasessa Puang Allataala, sanga napau jolo nabi tonna anu' to pangcalla napattantumo Puang Allataala la nalolongan to tau susi joo.

Yudas 1:4 Referans Kwoze

Galatia 2:4

moi naden ba'tu pira-pira tau la mpangpeparukuanni. Puang Isa Almaseh mangka lla'paranki' jio mai atoran agama, apa ia tuu lako tau to sitonganna tangngia padanta' tomatappa' mentama buni tangnga-tangngata' la hhalangngii to kadila'paranta', dikua napukaunan pole'ki' atoran agama.

2 Petrus 2:10

La'bih-la'bih joo sessa-Na lako tonturu' bang kamadoangan penawanna to ncarepai kalena. Ia tuu lako tau ngkita majiong kuasan-Na Puang Allataala. Na ia tuu lako guru tangtongan liwa' matampo te'da namalaja' tangditampun timunna ncapa'-capa'i to malaeka' mala'bih.

1 Yahya 2:22

Indara topangnguraga? Ia to tokumua tangngia Raja Mangpasalama' to Puang Isa, to nasua Ambe', Puang Allataala. Ia to tokumua susi joo, tonnewa ia Almaseh, nasaba' te'da natarimai to Ambe' sola Anak.

1 Petrus 2:16

Mangkamo kamu' nala'paran Puang Allataala jio mai kuasa dosa. Iamo joo, danggi' mipakei to kadila'paranmi mpugauk buni kagajatan. Sibalikanna la nturu' kamu' pakkaeloran-Na Puang Allataala, nasaba' umma'-Namo kamu'.

1 Petrus 2:8

Na “Iamo joo batu nanii titodo tau na buda tau nalolinan.” Titodoi tuu lako tau, nasaba' cia'i ngkatappa'ii to kadan-Na Puang Allataala. Susimi joo to pura napattantu Puang Allataala lako kalena.

2 Timotius 3:6

Den guru tangtongan susi joo macca massede namentama bolana tau anna palao sala baine katuru'-turu' to gaja buda dosana, na mangrupa-rupa too kamadoanganna.

Galatia 5:13

Ee, tokupusile'to! Nala'paranmo kamu' Puang Isa jio mai atoran agama! Apa danggi' mipake salai to kadila'paranmi mpugauk mangrupa-rupa kagajatan situru' kamadoangan penawammi, apa la situlungra kamu', misipakamoja' too.

2 Petrus 3:7

Ia to langi' na lino tee too naampai Puang Allataala mpake kadan-Na, arannai nadete' wattunna la dira'tah kara-karana to tolino. Ia joo wattu la disabu'i to langi' na lino nakande api, anna ia to totangmangpesa'ding la disessa na disabu'i.

Yudas 1:15

La ratui rra'tah kara-karana sininna tolino. La nacallai to togaja' nasaba' panggaukan gaja'na sola pangcapa'na lako Puang.”

1 Petrus 4:18

Den diuki' lan Sura' Allataala kumua, “Ia ke masussai dipasalama' to tomelo, apa pole'pa la jaji lako to tomadosa, to cia' mpesa'dingngi Puang!”

Efesus 4:14

Te'damo tasusi tontamane' matappa' napamale melako mangrupa-rupa pangngajaranna tokalasi, to madoang mpalao sala ba'tu nnuragaki'.

Jamanna Rasulu' 15:24

Den kisa'ding kumua den ba'tu pira-pira to kisolan inde' male mati' nnajahhi sala kamu', mpapussak penawammi ammibata apa te'dara nakami' ssuai mpugaukki susi joo.

Jamanna Rasulu' 11:23

Na ia tonna ratumo lako, gaja sannangngi ngkitai, sanga nabarakka'i Puang Allataala to tau jio. Namangngajahhi nakua anna tatta' nturu' Puang.

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Matius 13:25

Ia tonna bongimo namamma' ngasanmo to tau, ratumi to ewalinna joo pangdusung nnambohhi todai pare-pare, namale ssalai.

Pengkitanna Yahya 15:4

Indara tangkasiri'ki' Puang, na tangmpangpeissenan kamala'biran-Ta'? Kita' mandara to mala'bih. Sininna bangsa la ratu ssompaki', nasaba' nakitamo to pangra'tah-Ta' melo.”

1 Timotius 5:8

Apa ia ke den tau te'da najaranai tomatuanna ba'tu repokkona, padai to mpessakkanni kamatapparanna. La'bih gaja' ia, na ia to totangmatappa'.

2 Timotius 2:12

Ia ke tatta'ki' sabbara', la mangparentaki' sola Almaseh. Ia ke tapessakkannii, la napessakkanni todaki'.

2 Petrus 2:7

Apa napasalama'i Puang Allataala to Lot, napasunni jolo' jio mai kota Sodom, sanga tomelo joo Lot. Ia tonna torro unapa jio kota Sodom, masse penawanna ngkitai to panggaukan salana togaja'. Allo-allo liwa' mapa'dik penawanna ngkitai sola ssa'dingngi joo panggaukan gaja'na.

Yudas 1:18

Napauan jolomo kamu' kumua, ianna la Kiama'mo lino, buda tau la ncapa'-capa' kamu'. Ia tuu lako tau nturu' punala bang kamadoangan gaja'na, te'da namengkaturu' lako Puang Allataala.