Yudas 1:3 - Alkitab Duri

³ Ee, tomala'bihku' to kupakamoja'! Ia to pattujungku' nnukiran kamu' sura', iamo to la mpaui to kasalamatan tatarimamo. Apa kukita tee too, la'bih paralluna' mpangngingaran kamu' lan tee sura'ku', ammitatta' mpangngewai pangngajaran tongan. Ia joo pangngajaran pissenri Puang Allataala mpabarakkannii to umma'-Na.

Yudas 1:3 Referans Kwoze

1 Timotius 6:12

Moi nabuda ewalimmu, apa la tatta'ko matappa', ammutarima paraseng katuoan melo te'da cappa'na. Iamo joo napileimoko Puang Allataala, tommumangngaku jio olona tobuda kumua matappa'moko lako Puang Isa Almaseh.

Filipi 1:27

Samari ia to kumua la mituru' tarruh bang to pangngajaran-Na Almaseh. Na moi malena' mati' ba'tu tangmalena' mati', da'tan bang kusa'ding to karebammi kumua mesa' penawa kamu', mipada-pada mpengkulleii anna buda tau matappa' lako Kareba Kasalamatan,

Yudas 1:20

Ee, tomala'bihku' to kupakamoja'! Ia to pangngajaran-Na Puang Allataala la mipake sipamasumanga' ammisamatappa'-tappa'na lako Puang Allataala. Na la massambajang kamu' situru' pangpatujun-Na Roh Allataala.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

Titus 1:4

Titus, kupuanak tonganmoko, nasaba' pada matappa'miki' lako Almaseh. Dennaa upa' nabarakka'iko Ambe' Puang Allataala sola Puang Isa Almaseh, Tomangpasalama'ta', nabenko kamasannangan.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

2 Timotius 1:13

La mupangpangngajaran to pangngajaran tongan to mangka kuajaranko, mutatta' too matappa' sola mangpakamoja', nasaba' mesa' penawamoko sola Puang Isa Almaseh.

1 Timotius 1:18

Ee, tokupuanak Timotius! Kupabarakkananko mpangngingaran tau, susi to mangka nakua nabi lan jamaa mpauko. Ingaranni joo apa napau nabi, ammuwa'ding ncau'i to tomangpangngajah sala,

Galatia 2:5

Apa moi ci'di' te'da kilamenturu' lako kalena, dikua na ia to Kareba Kasalamatan to mangka mitarima te'da nadipasirau pangngajaran tangtongan.

Ibrani 13:22

Kupeta'dai misabbara' ntarimai tee pangpakainga'ku', sanga te'da namalando tee sura'ku'.

Jamanna Rasulu' 9:22

Apa samasai-sainna Paulus mpangpeissenan Kareba Kasalamatan sabuda-budanna tooi tau matappa'. Na ia tonna pamanassai kumua Raja Mangpasalama' to Puang Isa, mempussakmi to to-Yahudi torro jio kota Damsyik.

1 Tesalonika 2:2

Miissen kumua ia tonna te'dapa kimale mati' kota Tesalonika, mangkakan dipakario-rio sola dipakasiri' jio kota Filipi. Susi too iti' budamo to nnewakan, apa kabaranian pole jio mai Puang Allataala, angkiwa'ding mpangpeissenan Kareba Kasalamatan jio mai Puang Allataala lako kamu'.

1 Korintus 15:3

Ia to kareba kaminang parallu to kupaissenanmo kamu', ia toomo to mangka dipabarakkananna' kumua, matei to Almaseh la ssulleki' to tomadosa, susi to diuki' jolomo lan Sura' Allataala.

Jamanna Rasulu' 4:12

Puang Isa mandara mpasalama' tau. Sanga sininna to narande tana nasambo langi' te'da tau laen to naben kuasa Puang Allataala la mangpasalama'.”

Jamanna Rasulu' 18:28

Natalo kadai to to-Yahudi jio olona tobuda ke site'gehhi, nasaba' kamatongkoanna mangkada. Napabuttii mpake Sura' Allataala kumua Raja Mangpasalama' to Puang Isa, pura dipau tonna anu'.

Jamanna Rasulu' 17:3

Naajahhii napabuttian tooi mpake Sura' Allataala, kumua ia to Raja Mangpasalama' to napau Sura' Allataala, la mate Ia, natuo pole' jio mai kamatean. Nakuapa Paulus, “Raja Mangpasalama' to Puang Isa kupangpeissenan lako kamu'.”

Yudas 1:17

Ee, tomala'bihku' to kupakamoja'! Ingaranni to apa mangka napau jolomo rasulu'-Na Puangta' Puang Isa Almaseh.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

1 Petrus 5:12

Bondi'ra tee sura' kukiringan kamu', kiuki' sola Silas padanta' tomatappa' to wa'ding dikatappa'i. Kuuki'i tee sura' la mpamasumanga' kamu' na mpamanassan too kamu' kumua ia to kupauan kamu' lan tee sura' tonganna pangpakamoja'-Na Puang Allataala. Tatta' kamu' mparannuanni joo pangpakamoja'.

Filipi 1:1

Ee, tomala'bihku' tonnatoro' jamaa sola tontulung jamaa na sininna umma'-Na Puang Isa Almaseh jio kota Filipi! Aku' Paulus na Timotius taun-Nakan Puang Isa Almaseh ngkiringan kamu' tee sura'.

Efesus 1:1

Ee, tomala'bihku' sola ngasan, tomatappa' na tonturu' Puang Isa Almaseh jio kota Efesus! Ia tee sura' pole jio mai aku' Paulus, rasulu'-Na Puang Isa Almaseh situru' pakkaeloran-Na Puang Allataala.

Galatia 6:11

Kitai matumba matonggona tee hurupu' pangnguki'ku' mati'.

Jamanna Rasulu' 28:28

Katampakanna nakua Paulus, “Ee, kamu' to dipusile'to! Parallu miissen kumua ia to Kareba Kasalamatan jio mai Puang Allataala dipangpeissenan toomo lako bangsa tangngia to-Yahudi, na la natarimai ia!” [

Jamanna Rasulu' 20:27

Kupamanassanmo kamu' sininna to pakkaeloran-Na Puang Allataala.

Galatia 3:28

Te'damo nadipasilaenan to-Yahudi na bangsa tangngia to-Yahudi, kaunan na tangkaunan, muane na baine, nasaba' sirapumo kamu' Puang Isa Almaseh tommidijio'.

Jamanna Rasulu' 6:7

Susii joo laoanna nasatitaleh-talehna to kadan-Na Puang Allataala na sakerangngan-rangnganna too to tomatappa' lako Puang Isa jio kota Yerusalem. Na moi imang buda too memmatappa'.

Jamanna Rasulu' 9:13

Napebalii Ananias nakua, “Oo, Puang! Tuli kusa'ding napau tobuda kumua ia joo tau takkaliwa' to pangsessana lako taun-Ta' jio kota Yerusalem.

Ibrani 6:9

Ee, tomala'bihku' to kupakamoja'! Moi angkimangkada susi joo, apa kikatappa'i kumua ia to kamu' susi to padang nabarakka'i Puang Allataala ammimangnguju lako kasalamatan.

2 Petrus 2:21

La'biran ora kenna danggi' pissen naissenni to pangngajaran pakkaeloran-Na Puang Allataala, na ia ke naissenmi apa cia' pole' omi nturu'i to parenta-Na Puang Allataala to mangka dipauanni.

Yudas 1:1

Ee, tomala'bihku' sola ngasan, todipilei na tonapakamoja' tarruh Ambe' Puang Allataala! Naampai kamu' saratun-Na pole' Puang Isa Almaseh. Aku' Yudas sile'tona Yakub, tonasua Puang Isa Almaseh, ngkiringan kamu' tee sura'.