Yudas 1:24 - Alkitab Duri

²⁴ Pujii to Puang Allataala, nasaba' makuasa nnampai kamu', ammitatta' matappa', na te'da caccami, mimasannang too sanggemmi mangngolo lako Ia to torro lan kamala'biran-Na.

Yudas 1:24 Referans Kwoze

2 Timotius 4:18

La nala'paranna' Puang jio mai sininna kagajatan to mpatuna' anna ssolanna' tama suruga to nanii mangparenta. Iami joo, la dipakala'bih tarruhhi te'da cappa'na. Amin.

Efesus 3:20

Ia to Puang Allataala, to ntulung tarruhki', nakulle la mpugaukki la'bih budapa na ia to tapeta'da doangan ba'tu ia to tapikkiri', sanga liwa' Ia makuasa.

Efesus 5:27

Napugaukki susi joo anna te'da salana, kakuranganna, ba'tu cacca laenna to tomatappa', apa melo, mala'bih na sipato' ke'deh jio sa'dena Almaseh susi tobotting baine ke'deh jio sa'dena tobotting muane.

2 Korintus 4:14

Matappa'kan kumua Puang Allataala, to mangka mpatuo pole' Puang Isa, la mpatuo pole' todakan, sanga memmesa' penawamokan sola Puang Isa, antadipangngolo sola ngasan jio olo-Na.

Pengkitanna Yahya 14:5

Iamo to tau te'da lalo namangnguraga, na te'da too nampugauk kasalan.

Roma 8:31

Apara la takua tee too to sininna joo? Ia ke napangngewaiki' Puang Allataala indara la nnewaki'?

Matius 16:27

Te'damo namasai kuratu, Aku' Anak Mentolino sola malaeka'-Ku', angkupupangngarrangngi to kamala'biran-Na Ambe'-Ku'. Ia joo wattu la kunii mbenni assele' panggaukanna to tolino.

1 Petrus 4:13

Apa sibalikanna la mipumasannangri nasaba' turu' toomo kamu' mapa'dik sola Almaseh. Ia ke susii joo la mario tonganmo kamu' ke dipakitanmi tolino to kamala'biran-Na Almaseh.

2 Korintus 11:2

Masussana' mpikkiri' kamu' susi masussanna Puang Allataala. Susi kamu' ana'dara, na aku'mo to nnatoro'i to kasitangkasanmi sola mesa' muane, iamo to Almaseh. Na madoangna' mbawa kamu' lako Almaseh susi mesa' baine to te'dapa nalambanni muane.

2 Korintus 4:17

Ia tee kamaparrisan kiperasai cingga'tu'ra namaringngan too, nalampadenankan kamasannangan te'da susinna na te'da cappa'na.

Matius 5:12

Parannu kamu' mimasannang, nasaba' buda pahalami jao suruga. Ia tee kadipakario-rioanmi tee too, susi bang una to pura digaukanni tuu lako nabi tonna anu'.”

Roma 14:4

Tangsipato' kamu' la mpasala padammi tomatappa', nasaba' kaunanna tau laen. Na den ia Puangna nnissenni, la ke'dehrika ba'tu melolinrika. Apa la mawatangngi ke'deh, nasaba' Puang Allataala mpamawatangngi.

Yudas 1:21

La miissen kumua napakamoja' kamu' Puang Allataala. Iamo joo majaga kamu', danggi' mipatorroi joo pangpakamoja'-Na. La ntajan kamu' kamamasean to la naben kamu' Puangta' Puang Isa Almaseh. Ia to la naben kamu', iamo katuoan melo te'da cappa'na.

Kolose 3:4

Apa ianna ratu pole'mo to Almaseh, to mben kamu' katuoan baru, iamora joo wattu napajan too to kamala'biran-Na Almaseh ammimala'bih sola.

Kolose 1:28

Karebannamora Almaseh to kipangpeissenan lako sininna tau. Kipake sininna kapaissenanki' mpakainga' sola nnajahhii, dikua anna mesa'-mesa' tau wa'ding kipangngolo lako Puang Allataala susi to tomasaranian, sanga memmesa'mi sola Almaseh.

Lukas 9:26

Ia to tongkasirisanna' na te'da naakui to pangngajaran-Ku', la kukasirisan todai tee Aku', Anak Mentolino, ke ratuna' mpupangngarrang kamala'biran-Ku' to susi una kamala'biran-Na Ambe'-Ku' na kamala'biranna malaeka'-Ku'.

Matius 25:31

Mpatarruhhi kadan-Na Puang Isa nakua, “Ia ke ratu pole'na' Aku', Anak Mentolino, sola sininna malaeka'-Ku' mpupangngarrang kamala'biran-Ku', la cumadokkona' jao cadokkoan mala'bih, angkumangparenta susi Raja.

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Yakub 2:10

Moi mesa'ra atoran ditengkai, pada unai to ditengkai ngasanni.

2 Petrus 1:10

Ee, tomala'bihku' sola ngasan! Napileimo kamu' Puang Allataala menjaji umma'-Na anna tambai kamu' nturu'i. Iamo joo la mipengkulle-kullei nturu' pakkaeloran-Na, anna manassa lako kalemi sola tolaen kumua tongannamo kamu' napilei Puang Allataala. Na ia ke mipugaukki susi joo, te'damo milampugauk pole'i to sipa' jolomi.