Yudas 1:22 - Alkitab Duri

²² La mikamasei to tau to te'damo nakanassai kumua tonganraka joo nakatappa'i.

Yudas 1:22 Referans Kwoze

Galatia 6:1

Ee, tokupusile'to! Ia ke denni mesa' tau diampa' mpugauk dosa, ia to kamu' nturu' Roh Allataala la mipatuju rampa'i joo tau lako lalan kameloan. Apa la mijagai to kalemi danggi' mituru' toda mpugaukki.

Galatia 4:20

Tangkuissen apapara la kupugauk lako kalemi. Iamo joo ia to elohku', kukua kentata'pa sioloanmo too, angkupangkadai rampa' kamu'.

Yudas 1:21

La miissen kumua napakamoja' kamu' Puang Allataala. Iamo joo majaga kamu', danggi' mipatorroi joo pangpakamoja'-Na. La ntajan kamu' kamamasean to la naben kamu' Puangta' Puang Isa Almaseh. Ia to la naben kamu', iamo katuoan melo te'da cappa'na.

Yudas 1:23

Na ia ke den tau te'damo namatappa', la mipatuju rampa' pole'i anna dipasalama'. Iamo joo padami to mirui'i lan mai api naraka. Na ia ke den tooi tau to nturu' bang kamadoangan penawanna, kamaseii. Apa la majaga kamu', danggi' mipugauk toda dosa. Pakamoja'i to tomadosa, apa kaba'cii to dosana, pasusii pakean carepa.

2 Korintus 2:8

Iamo joo kumeta'da lako kamu', ammipangpekitan pole'i kumua mattongan-tongan kamu' mpakamoja'i.