Yudas 1:21 - Alkitab Duri

²¹ La miissen kumua napakamoja' kamu' Puang Allataala. Iamo joo majaga kamu', danggi' mipatorroi joo pangpakamoja'-Na. La ntajan kamu' kamamasean to la naben kamu' Puangta' Puang Isa Almaseh. Ia to la naben kamu', iamo katuoan melo te'da cappa'na.

Yudas 1:21 Referans Kwoze

1 Yahya 4:16

Taissen sola takatappa'i kumua napakamoja'ki' Puang Allataala. Mangpakamoja' to Puang Allataala. Ia to toda'tan mangpakamoja', da'tan too mesa' penawa sola Puang Allataala, na Puang Allataala da'tan mesa' penawa sola ia.

2 Petrus 3:12

anna madoi' nadete' joo wattu mitajan, iamo wattu la nanii rra'tahhi Puang Allataala kara-karana to tolino. Ia joo wattu cappu' to langi' disumpun, na ia to sininna apa jao langi' lolong susi wai, sanga malussui.

Ibrani 9:28

Susi toomi Almaseh pissenri mpassompan kalena la ndampangan buda tau. Na ia ke ratu pole'mi, te'damo naratu la mpangben sunga'-Na nasaba' dosana tau, apa la mbenmira kasalamatan lako tontajan karatuan-Na pole'.

Pengkitanna Yahya 12:11

Mangkami nataloi padanta' tomatappa' mpake rara-Na Anak Bembala' ba'tu rara-Na Puang Isa na Kareba Kasalamatan to mangkamo napangpeissenan. Te'da najampangngi sunga'na moi na la mpumatei.

2 Tesalonika 3:5

Dennaa upa' napatuju kamu' Puang ammiissen tonganni kumua napakamoja'mo kamu' Puang Allataala, na Puang Isa Almaseh ntulung kamu' ammimawatang ke naratui kamu' parri'.

Roma 6:23

Kamateanra to buanna dosa, apa katuoan melo te'da cappa'na nabenki' Puang Allataala, nasaba' memmesa'miki' sola Puangta' Puang Isa Almaseh.

Yahya 14:21

Ia to tontarima parenta-Ku' napugaukki, iamo tompakamoja'na'. La napakamoja' Ambe'-Ku' to tompakamoja'na'. Moi Aku' mpakamoja' todai na kupangpekitan kale-Ku'.”

2 Timotius 4:8

Na ia tee too dipasadianmo' paraseng kapataloan. Ia to Puang Isa, tomangra'tah tangbimbang, la mbenna' joo paraseng kapataloan ke Kiama'mi lino, nasaba' napupenjaji tomelona' Puang Allataala. Na tangngia aku' manda to la llolonganni, apa sininna to tomamali' ntajan karatuan-Na Puangta'.

Roma 8:39

ba'tu apa jao langi', ba'tu apa lan kuli'na padang, ba'tu laennapa, te'da nakullei mpupessarakki' jio mai pangpakamoja'-Na Puang Allataala, susi to napapajan Puangta' Puang Isa Almaseh.

Roma 5:21

Sipato'ki' mate, nasaba' dosata'. Apa napakamoja'ki' Puang Allataala, napupenjajiki' tomelo. Iamo joo nabenmiki' katuoan melo te'da cappa'na, nasaba' Puangta' Puang Isa Almaseh.

1 Yahya 5:18

Taissen kumua sininna to napuanakmo Puang Allataala te'damo napugauk tarruh dosa, na te'da toomo nakullei Ballisi' mpugaukki moi apa lako kalena, nasaba' naampaimo Anak Allataala.

Roma 5:5

Na ia joo kaparannuanta' te'da natangmpamasannangki', nasaba' ia to Roh Allataala nabenki' Puang Allataala, la mperasai pangpakamoja'-Na.

Jamanna Rasulu' 11:23

Na ia tonna ratumo lako, gaja sannangngi ngkitai, sanga nabarakka'i Puang Allataala to tau jio. Namangngajahhi nakua anna tatta' nturu' Puang.

Yudas 1:24

Pujii to Puang Allataala, nasaba' makuasa nnampai kamu', ammitatta' matappa', na te'da caccami, mimasannang too sanggemmi mangngolo lako Ia to torro lan kamala'biran-Na.

1 Yahya 5:21

Ee, tokupuanak! Danggi' misompai to dewata. Padamo jolo' too.

2 Timotius 1:18

Na muissen kumua budamo pangtulungna lako kaleku' tongkujio kota Efesus. Dennaa upa' napakitanni Puang kameloan penawan-Na, ke nadete'mi wattunna Puang Allataala rra'tah kara-karana sininna rupa tau.

Yahya 1:17

Ia to atoran-Na Puang Allataala nabenki' Nabi Musa, apa ia to pangpakamoja' sola katonganan jio mai Puang Allataala napamanassa Puang Isa Almaseh.

2 Timotius 1:16

Dennaa upa' napakitanni Puang kameloan penawan-Na to repokkona Onesiforus, nasaba' ia to Onesiforus tatta'i mpamariona' na te'da nakasirisanna' moi kuditarungku.

Yudas 1:1

Ee, tomala'bihku' sola ngasan, todipilei na tonapakamoja' tarruh Ambe' Puang Allataala! Naampai kamu' saratun-Na pole' Puang Isa Almaseh. Aku' Yudas sile'tona Yakub, tonasua Puang Isa Almaseh, ngkiringan kamu' tee sura'.

Yudas 1:22

La mikamasei to tau to te'damo nakanassai kumua tonganraka joo nakatappa'i.